தமிழில் ஹீரோ வில்லன் என இரண்டு கதாபாத்திரங்களிலும் சிறப்பாக நடித்து அசத்தக்கூடியவர் நடிகர் விஜய் சேதுபதி. பொதுவாக ஹீரோவாக நடிக்கும் நடிகர்கள் அவ்வளவு சீக்கிரத்தில் வில்லன் கதாபாத்திரத்தில் நடிக்க மாட்டார்கள்.
ஏனெனில் அப்படி நடிப்பதன் மூலம் அவர்களது சினிமா வாழ்க்கையில் பாதிப்பு ஏற்படலாம் என்று நினைப்பார்கள். இருந்தாலும் விஜய் சேதுபதி எந்தவித தயக்கமும் இல்லாமல் வில்லனாக நடிக்கக் கூடியவர். ஆனால் பிரச்சனை என்னவென்றால் அவர் எந்த படத்தில் வில்லனாக நடிக்கிறாரோ அந்த திரைப்படத்தில் ஹீரோவை விட வில்லனுக்கு அதிக வரவேற்பு வந்துவிடுகிறது.
உதாரணமாக விக்ரம் திரைப்படத்தில் விஜய் சேதுபதியின் கதாபாத்திரம் அதிகமாக பாராட்டப்பட்டது. விஜய் சேதுபதி ஒரு பேட்டியில் பேசும்பொழுது அவரை பற்றிய மிக பெரும் உண்மை ஒன்றை வெளியிட்டிருந்தார். அது விஜய் சேதுபதியின் முழு பெயர் விஜய் சேதுபதி கிடையாது. அவருடைய முழு பெயர் விஜய குருநாத சேதுபதி காளிமுத்து என்பதே ஆகும் என்று கூறியுள்ளார். அந்த பெயரை சினிமாவிற்கு வந்த பிறகு சுருக்கி வைத்துக் கொண்டுதான் விஜய் சேதுபதி என மாற்றியுள்ளார்.
