நயன்தாராவுக்கு என் படத்தில் சான்ஸ் கிடையாது!.. எட்டு வருடமாக ஒதுக்கி வரும் அல்லு அர்ஜுன்.. இதுதான் காரணமாம்!..

Nayanthara and Allu Arjun: தமிழில் அதிக சம்பளம் வாங்கும் நடிகைகளில் முக்கியமானவர் நடிகை நயன்தாரா. தற்சமயம் தமிழ் சினிமாவில் இவர் அளவிற்கு வேறு எந்த நடிகையும் சம்பளம் வாங்குவதில்லை. ஆனால் கூடிய சீக்கிரத்தில் நடிகை த்ரிஷா அந்த நிலைக்கு செல்வார் என எதிர்பார்க்கப்படுகிறது.

ஏனெனில் நயன்தாரா நடிக்கும் திரைப்படங்களை விடவும் த்ரிஷா நடிக்கும் திரைப்படங்கள் நல்ல வரவேற்பை பெற்றுள்ளன. இந்த நிலையில் நயன் தாராவோடு ஷாருக்கான் வரை நடித்துள்ள நிலையில் பிரபல தெலுங்கு நடிகர் அல்லு அர்ஜூன் மட்டும் பல வருடங்களாக நயன் தாராவை தனது திரைப்படத்தில் நடிப்பதற்கு அனுமதிப்பதில்லையாம்.

கடந்த எட்டு வருடங்களாகவே இந்த பிரச்சனை இருந்து வருகிறது. அனைத்து நடிகைகளுடனும் நடிக்க ஒப்புக்கொள்ளும் அல்லு அர்ஜுன் நயன்தாராவை நிராகரிக்க காரணமான நிகழ்வு 2016 ஆம் ஆண்டு நடந்தது. 2015 ஆம் ஆண்டு நடிகை நயன்தாரா நடிப்பில் நானும் ரவுடிதான் திரைப்படம் வெளியானது.

இந்த திரைப்படம் நல்ல வரவேற்பை பெற்றது. இயக்குனர் விக்னேஷ் சிவனுக்கும் நயன்தாராவுக்கும் இந்த திரைப்படத்தின்போதுதான் காதல் உண்டானது. இந்த நிலையில் 2016 ஆம் ஆண்டு ஒரு விருது வழங்கும் விழாவில் நானும் ரவுடிதான் திரைப்படத்திற்காக நயன்தாராவிற்கு சிறந்த நடிகைக்கான விருது வழங்கப்பட்டது.

அந்த விருதை வழங்குவதற்காக நடிகர் அல்லு அர்ஜூனை மேடைக்கு அழைத்திருந்தனர். அப்போது மேடைக்கு வந்த நயன்தாரா இந்த விருதை இயக்குனர் விக்னேஷ் சிவன் கையில் வாங்க ஆசைப்படுவதாக கூறியுள்ளார். இதனால் அல்லு அர்ஜூனை அனுப்பிவிட்டு விக்னேஷ் சிவனை அழைத்து நயன் தாராவிற்கு விருது வழங்கியுள்ளனர்.

இதனால் கோபமான அல்லு அர்ஜூன் வாழ்க்கையில் இனி நயன் தாராவோடு சேர்ந்து நடிக்கவே கூடாது என முடிவெடுத்துவிட்டார் என பேச்சுக்கள் இருக்கின்றன. இதனால்தான் இப்போதுவரை அல்லு அர்ஜுன் நயன்தாராவை நிராகரித்து வருகிறார்.