முதல்நாளே சிவகார்த்திகேயனை முந்திய தனுஷ்!.. கேப்டன் மில்லர் நேற்றைய வசூல் எவ்வளவு தெரியுமா?

Captain Miller : தனுஷ் மற்றும் சிவகார்த்திகேயன் இருவருக்கும் இடையே சினிமாவிலேயே ஏற்கனவே சண்டை இருந்து வந்தது. இந்த நிலையில் அந்த சண்டை இன்னும் பெரிதாகும் வகையில் நேரடியாகவே தற்சமயம் பொங்கலை முன்னிட்டு இருவரும் போட்டி போட்டு கொண்டிருக்கின்றனர்.

சிவகார்த்திகேயனின் கனவு படமான அயலான் திரைப்படம் பொங்கலை முன்னிட்டு நேற்று வெளியானது. அதற்கு போட்டியாக தனுஷ் நடித்த கேப்டன் மில்லர் திரைப்படத்தை வெளியிட்டார். அயலான் திரைப்படத்தைப் பொறுத்தவரை வழக்கமான ஒரு ஏலியன் திரைப்படம் தான் என்றாலும் அதை காட்சிப்படுத்தியதில் சிறப்பான யுக்திகளை கையாண்டிருந்தார் படத்தின் இயக்குனர் ஆர் ரவிக்குமார்.

ஆனால் தனுஷின் கேப்டன் மில்லர் படத்தைப் பொறுத்தவரை படத்தின் கதை அம்சமே அயலான் திரைப்படத்தை விட சிறப்பானதாக இருந்தது ஆனால் அதே சமயம் குடும்பங்கள் சேர்ந்து பார்க்கும் படமாக கேப்டன் மில்லர் இல்லை என்று கூறப்படுகிறது. இந்த படத்தில் அதிகமான ரத்த காட்சிகள் இருக்கின்றன என்று கூறப்படுகிறது.

ஆனாலும் கூட நேற்று பட வசூலை பொறுத்தவரை அயலானை விட 40 சதவீதம் அதிகமான வசூலை கொடுத்திருக்கிறது கேப்டன் மில்லர். நேற்று மொத்தமே அயலான் கிட்டத்தட்ட 4 கோடிக்கு குறைவான வசூலை தான் பெற்றிருக்கிறது. ஆனால் கேப்டன் மில்லர் திரைப்படத்தைப் பொறுத்தவரை நேற்று ஒரு நாள் மட்டும் ஏழு கோடியை தாண்டி வசூல் சாதனை செய்திருக்கிறது.

இத்தனைக்கும் அயலான் திரைப்படத்தை விட குறைந்த பட்ஜெட்டில் தான் கேப்டன் மில்லர் திரைப்படம் எடுக்கப்பட்டிருக்கிறது எனவே இந்த தீபாவளிக்கு வெற்றி படமாக கேப்டன் மில்லர் அமைவதற்கான வாய்ப்புகள் இருப்பதாக கூறப்படுகிறது.