ஒரு காலத்தில் தமிழ் சினிமாவில் தொடர்ந்து வெற்றி படங்களாக கொடுத்து வந்தவர் இயக்குனர் ஷங்கர். ஆனால் சமீப காலங்களாக இயக்குனர் ஷங்கருக்கு வெற்றி படங்களே அமையவில்லை. பெரும்பாலும் அவர் இயக்கும் திரைப்படங்கள் தற்சமயம் தோல்வியடைந்து வருகின்றன.
அவர் இயக்கிய இந்தியன் 2 திரைப்படம் பெறும் வெற்றியை கொடுக்கும் என எதிர்பார்க்கப்பட்டது. ஆனால் அந்த திரைப்படம் அப்படியே எதிர்மறையான விமர்சனங்களை பெற்றது. அந்த படத்தில் பல காட்சிகள் மக்களுக்கு ஏற்புடையதாக இல்லை.
இந்த நிலையில் இந்தியன் 2 திரைப்படம் எதிர்பாரா அளவிலான தோல்வியை கொடுத்தது. அதனை தொடர்ந்து அடுத்து ஷங்கர் இயக்கிய திரைப்படம் கேம் சேஞ்சர். இந்த திரைப்படத்தின் கதை கார்த்திக் சுப்புராஜ் உடையதாகும். இந்த படத்தையும் பெரிய பட்ஜெட்டில் இயக்கினார் ஷங்கர்.
தமிழ், தெலுங்கு என இரண்டு மொழிகளிலும் இந்த திரைப்படம் வெளியானது. ஆனால் இரண்டிலுமே படத்திற்கு எதிர்பார்த்த வரவேற்பு கிடைக்கவில்லை. இந்த நிலையில் அடுத்து ஷங்கரின் ப்ரோஜக்ட் என்னவாக இருக்கும் என்கிற கேள்வி இருந்து வருகிறது.
இப்போது ஒரு வெற்றி படமாவது கொடுத்து இயக்குனர் ஷங்கர் தன்னை நிரூபித்துக்கொள்ள வேண்டிய கட்டாயத்தில் உள்ளார். எனவே பெரிய ஹீரோக்களை எல்லாம் தவிர்த்துவிட்டு சின்ன ஹீரோவை வைத்து ஹிட் கொடுக்க முடிவு செய்துள்ளாராம் ஷங்கர்.
அந்த வகையில் நடிகர் விக்ரமின் மகன் துருவ் விக்ரம் நடிப்பில் ஷங்கர் அடுத்த படத்தை இயக்க இருப்பதாக தகவல்கள் வெளியாகியுள்ளன. இந்த படமாவது இயக்குனர் ஷங்கருக்கு வெற்றி படமாக அமையுமா என்பதற்கு காலம்தான் பதில் சொல்ல வேண்டும்.
