சமூக வலைத்தளங்களின் வளர்ச்சி என்பது புது முகங்களுக்கு நிறைய வரவேற்பை உண்டாக்கி கொடுத்துள்ளது. அப்படியாக தற்சமயம் அதிக வரவேற்பை பெற்றவராக மாறியிருக்கிறார் நடிகை கயாடு லோகர். முன்பெல்லாம் புது முகங்களாக வரும் நடிகைகள் பிரபலமடைவதற்கு நிறையவே கஷ்டப்பட வேண்டி இருந்தது.
ஆனால் டிராகன் என்கிற ஒரு திரைப்படத்தில் நடித்ததன் மூலமாக எக்கச்சக்க வரவேற்பை பெற்றுள்ளார் நடிகை கயாடு லோகர். கயாடு லோகர் நடிக்கும் திரைப்படங்களுக்கும் இப்போது வரவேற்பு கிடைக்க துவங்கியுள்ளது. ஏற்கனவே தமிழில் இவர் அதர்வா நடிக்கும் இதயம் முரளி திரைப்படத்தில் நடித்து வருகிறார்.
இந்த நிலையில் அடுத்து டிராகன் திரைப்படத்தின் இயக்குனர் அஸ்வந்த் மாரிமுத்து சிம்புவை வைத்து ஒரு திரைப்படம் இயக்க இருக்கிறார். இந்த திரைப்படத்திலும் கயாடு லோகருக்கு வாய்ப்பு கிடைக்க இருப்பதாக பேச்சுக்கள் இருக்கின்றன. இந்த நிலையில் சிம்பு நடிக்கும் அவரது 49 ஆவது திரைப்படத்தை பார்க்கிங் படத்தை இயக்கிய ராம்குமார் பாலகிருஷ்ணன் இயக்க இருக்கிறார்.
இந்த படத்திற்கு இளம் இசையமைப்பாளர் சாய் அபயங்கர் இசையமைக்கிறார். இந்த படத்தில் ஒரு முக்கிய கதாபாத்திரத்தில் கயாடு லோகர் நடிக்க இருக்கிறார். இதனை அடுத்து எடுத்த உடனேயே சிம்புவின் இரண்டு படங்களில் நடிக்க வாய்ப்பை பெற்றுள்ளாரே கயாடு லோகர் என திரைத்துறையில் ஆச்சரியம் தெரிவித்து வருகின்றனர்.
