Goat Movie: தற்போது தமிழில் முன்னணி நடிகராக இருந்து வருபவர் நடிகர் விஜய். இவர் லியோ படத்திற்கு பிறகு நடித்து வரும் படம் கோட். இந்த படம் தான் இவருக்கு கடைசி படம் என்றும், அதன் பிறகு இவர் முழு நேர அரசியல்வாதியாக களம் காண போகிறார் என்ற தகவலும் வந்தது.
எனவே அவருடைய கடைசி படமான கோட் படத்தை நோக்கி ரசிகர்கள் எதிர்பார்த்து காத்துக் கொண்டிருக்கிறார்கள். மேலும் இந்த படத்தைக் குறித்த அப்டேட்டுகள் அவ்வப்போது வந்த வண்ணம் இருந்த நிலையில், தற்பொழுது படத்தின் ரிலீஸ் குறித்த அப்டேட் ரசிகர்களும் எதிர்பார்த்து வந்தார்கள்.
இந்நிலையில் கோட் படத்தின் ரிலீஸ் பற்றிய ஒரு முக்கிய அப்டேட் வந்திருக்கிறது. அதனைப் பற்றி இந்த பதிவில் பார்க்கலாம்.
கோட் படம்
நடிகர் விஜயின் 68 -வது படமான கோட் படம் தற்பொழுது பிரம்மாண்டமாக வெங்கட் பிரபு இயக்கத்தில் உருவாகி வருகிறது. இதனை ஏஜிஎஸ் நிறுவனம் தயாரிக்கிறது.
இந்த படத்தில் விஜய்க்கு ஜோடியாக மீனாட்சி சவுத்ரி நடிக்கிறார். மேலும் லைலா, சினேகா, பிரபுதேவா, பிரசாந்த், நிதின் சத்யா, பிரேம்ஜி, பார்வதி மோனன், வைபவ் போன்ற நட்சத்திர பட்டாளமே இத்திரைப்படத்தில் நடிக்கிறார்கள். மேலும் இந்த திரைப்படத்திற்கு யுவன் சங்கர் ராஜா இசை அமைக்கிறார்.
இந்த படத்தில் விசில் போடு மற்றும் சின்ன சின்ன கண்கள் ஆகிய இரண்டு பாடல்களும் வெளிவந்தது. இந்த இரு பாடல்களுமே ரசிகர்கள் மத்தியில் நல்ல வரவேற்பு பெற்றது.
எனவே படம் எப்பொழுது வெளியாகும் என ரசிகர்கள் கேட்டுக் கொண்டிருக்க இத்திரைப்படம் செப்டம்பர் மாதம் வெளியாகும் என தெரிவிக்கப்பட்டிருந்தது. ஆனால் தற்பொழுது இந்த படம் வெளியாகுமா? என்பது குறித்து ரசிகர்கள் கேள்வி கேட்டு வருகிறார்கள்.
தயாரிப்பாளர் விளக்கம்
செப்டம்பர் மாதம் கோட் படம் வெளியாகும் என எதிர்பார்க்கப்பட்டிருந்த நிலையில் ForumKeralam அக்கவுண்டில் இருந்து இந்த வருடம் எதிர்பார்க்கப்படும் ஒரு பெரிய பட்ஜெட் படமானது VFX வேலைகள் முடியாததால் தள்ளி செல்லலாம் என கூறப்பட்டிருந்தது.
எனவே இது “கோட்” படமாக இருக்கும் என ரசிகர்கள் கேட்டு வருவதால், இதற்கு தயாரிப்பாளர் அர்ச்சனா கல்பாத்தி விளக்கம் அளித்திருக்கிறார். அந்தக் கணக்கில் எங்கேயும் கோட் படத்தை பற்றி குறிப்பிடவில்லை. எனவே யாரும் இதுபோன்ற எதிர்மறையான விஷயங்களை பரப்பாதீர்கள் என அவர் கூறியிருக்கிறார்.
மேலும் அடுத்த ஒரு மாதம் முழுவதும் கோட் படம் வெளியாவதற்கான வேலைகள் நடைபெறும் என்றும், படத்தின் அப்டேட் ஆகஸ்ட் 1ஆம் தேதி கொடுக்கப்படும் எனவும் அவர் தெரிவித்திருக்கிறார்.
மேலும் செப்டம்பர் மாதம் கோட் படம் வெளியாகும் என அவர் தெரிவித்திருக்கிறார்.
