ரெண்டு இண்டர்வெல் விட்டா எவனும் படத்துக்கு வர மாட்டான்!.. 17000 அடி படமெடுத்து திக்கு முக்காடிய கமல்!.. உதவிக்கரம் நீட்டிய இளையராஜா!.

கமல்ஹாசனை பொறுத்தவரை அவர் வித்தியாசமான பல திரைப்படங்களை தமிழ் சினிமாவிற்கு கொடுத்துள்ளார். அதில் மைக்கேல் மதன காமராஜனும் முக்கியமான திரைப்படமாகும். இப்போது உள்ள தலைமுறையினரும் பார்த்து ரசிக்கும் வகையில் அந்த திரைப்படம் அமைந்திருக்கும்.

அந்த படத்தில் மொத்தம் 4 வேடங்களில் கமல்ஹாசன் நடித்திருப்பார். அந்த படத்தை படமாக்கும்போது அதில் படத்திற்கான ப்ளாஸ்பேக் காட்சிகளையும் சேர்த்தே படமாக்கினர். படத்தை எல்லாம் எடுத்து முடித்துவிட்டு பார்த்தப்போது மொத்தமாக அந்த படம் 17000 அடிகள் இருந்தது.

அதை பார்த்ததும் படக்குழுவினரே அதிர்ச்சியடைந்தனர். ஏனெனில் அதிகப்பட்சம் ஒரு படம் 14000 அடிகள் இருக்கலாம். அதற்கு அதிகமாக இருந்தால் மூன்று மணி நேரத்தை தாண்டி படம் ஓடும். இதனால் என்ன செய்யலாம் என யோசித்தனர்.

பேசாமல் படத்திற்கு இரண்டு இடைவெளி விட்டு 5 மணி நேரத்திற்கு ஓட்டி விடலாமா என யோசித்தனர். ஆனால் அது சரிப்பட்டு வராது. திரையரங்குகளால் 4 காட்சிகள் ஓட்ட முடியாது. மேலும் இரவு காட்சிகள் முடிவதற்கு அதிக தாமதமாகிவிடும் எனவே அதுவும் ஒத்து வராது.

வேற வழியே இல்லை. படத்தில் ப்ளாஸ்பேக் காட்சிகளைதான் குறைக்க வேண்டும் என முடிவெடுத்தனர். பிறகு அதை பார்த்த பஞ்சு அருணாச்சலம் இளையராஜாவிடம் பேசி 4000 ரீல்கள் எடுக்கப்பட்ட ப்ளாஸ்பேக் காட்சிகளை ஒரு பாடலாக மாற்றினர்.

படத்தில் கதை கேளு கதை கேளு என்கிற பாடலாக அது வருவதை பார்க்க முடியும்.