கடந்த ஜூன் 3 அன்று கமல் தயாரித்து, நடித்து வெளியான திரைப்படம் விக்ரம், இந்த படத்தை இயக்குனர் லோகேஷ் கனகராஜ் இயக்கியிருந்தார். இந்த படம் வெளியான முதல் நாளே மக்களிடையே அதிக வரவேற்பை பெற்றது.
இந்த படத்தில் பகத் ஃபாசில், விஜய் சேதுபதி ஆகியோர் முக்கிய கதாபாத்திரத்தில் நடித்திருந்தனர். மேலும் இதன் அடுத்த பாகத்தில் சூர்யா முக்கிய வில்லனாக வருவதாக கூறியிருந்ததால் படத்திற்கு மக்களிடையே எதிர்ப்பார்ப்பு அதிகரித்தது. அந்த எதிர்ப்பார்ப்பை திரைப்படம் பூர்த்தி செய்திருந்தது.
மூன்றே நாட்களில் படம் உலக அளவில் 150 கோடி வசூல் சாதனை செய்தது. இதையடுத்து அனைவருக்கும் நன்றி தெரிவித்து வீடியோ ஒன்றை வெளியிட்டிருந்தார் கமல்.
இந்நிலையில் படத்தை ஹிட் படமாக அமைத்து கொடுத்ததற்காக இயக்குனர் லோகேஷ் கனகராஜ்க்கு ஒரு காரை பரிசளித்துள்ளார் நடிகர் கமல்.
ஏனெனில் இந்த படம் கமலின் தயாரிப்பில் உருவான படமாகும். இப்படி ஒரு பாக்ஸ் ஆபிஸ் கலெக்சனை இந்த படம் பெறுவதற்கு காரணமான இயக்குனராக லோகேஷ் கனகராஜ் இருப்பதால் இந்த பரிசு அவருக்கு அளிக்கப்பட்டது.
