எப்போதுமே தமிழ் சினிமாவில் பேய் படங்களுக்கு என்று தனிப்பட்ட வரவேற்பு இருக்கதான் செய்கிறது. அதனாலேயே ஒரு வருடத்தில் எக்கச்சக்கமான பேய் படங்கள் வெளியாவதை பார்க்க முடிகிறது. காமெடி படங்களை இயக்கும் இயக்குனர் சுந்தர் சி கூட அரண்மனை திரைப்படங்கள் வழியாகதான் தற்சமயம் அதிக வசூல் சாதனைகளை செய்து வருகிறார்.
அப்படியாக இந்த வருடம் வெளியான பேய் படங்களில் தனிப்பட்ட வரவேற்பை பெற்றுள்ளது மர்மர் திரைப்படம். கடந்த ஏழாம் தேதி மர்மர் திரைப்படம் திரையரங்குகளில் வெளியானது. வெளியான சமயத்தில் இந்த படத்திற்கு பெரிதாக வரவேற்பு கிடைக்கவில்லை. 100 திரையரங்குகள் மட்டுமே இந்த படத்திற்கு கிடைத்தது.
ஆனால் படத்திற்கு கிடைத்த வரவேற்பை தொடர்ந்து தற்சமயம் 200க்கும் அதிகமான திரையரங்குகளில் இந்த படம் ஓடி வருகிறது. இந்தோனிஷியா தாய்லாந்து மாதிரியான நாடுகளில் டாக்கு ட்ராமா என்கிற விதத்தில் திரைப்படங்களை எடுப்பதுண்டு.
அதாவது ஒரு மனிதர் நிஜமாகவே வீடியோ ரெக்கார்ட் செய்யும்போது அதில் பேய் வந்தால் எப்படியிருக்கும் என்பதாக இந்த படங்கள் இருக்கும். அந்த வகையான திரைப்படங்கள் தமிழில் இதுவரை வந்ததில்லை. அப்படியான ஒரு படமாகதான் மர்மர் திரைப்படம் வந்துள்ளது.
இந்த படம் வெளியான முதல் நாள் வெறும் 10 லட்சம் மட்டுமே வசூல் செய்தது. ஆனால் இரண்டாம் நாள் 39 லட்சம் வசூல் செய்தது. இப்படியே இதன் வசூல் அதிகரித்து தற்சமயம் 2.4 கோடி வசூல் செய்துள்ளது மர்மர்.
