ட்ரெண்ட் ஆகி வரும் விக்கி நயன் திருமண புகைப்படங்கள்

விக்னேஷ் சிவன் இயக்கிய நானும் ரெளடிதான் திரைப்படத்தின்போது துவங்கியது விக்கி நயன் காதல் கதை. அதன் பிறகு நயன் தாராவும் விக்னேஷ் சிவனும் பல வருடங்கள் காதலர்களாக இருந்து வந்தனர்.

இறுதியாக இருவரும் திருமணம் செய்துக்கொள்ளலாம் என முடிவு செய்ததை அடுத்து நேற்று அவர்களது திருமணம் மாம்மல்லபுரத்தில் உள்ள ஒரு ஹோட்டலில் பிரமாண்டமாக நடந்தது.

பிரபலங்கள் பலரும் இந்த திருமணத்திற்கு வந்திருந்தனர். அனைவரும் நயன் விக்கி ஜோடியை வாழ்த்திவிட்டு சென்றனர். 30 க்கும் அதிகமான பதார்த்தங்களை வைத்து அவர்களுக்கு உணவு தயாரிக்கப்பட்டிருந்தது.

ஆனால் இந்த விழாவை ஒளிப்பரப்புவதற்கான உரிமையை நெட்ப்ளிக்ஸ் நிறுவனம் வாங்கி இருந்ததால் திருமணம் குறித்த போட்டோக்கள் கூட பெரிதாக வெளியாகாமல் இருந்தது.

போதாக்குறைக்கு திருமணத்திலும் கடுமையான விதிமுறைகள் இருந்ததாம். இதனால் யாரையும் போட்டோக்கூட எடுக்க அனுமதிக்கவில்லையாம். இந்த நிலையில் தற்சமயம் தனது திருமண போட்டோக்களை நயன் தாரா வெளியிட்டுள்ளார்.

இந்த போட்டோக்கள் ட்ரெண்டிங் ஆகி வருகிறது.