Cinema History
விஜய் கெரியரையே காலி செய்த எஸ்.ஏ.சி.. அந்த ஒரு படம் மட்டும் வரலைனா அவ்வளவுதான்!..
Thalapathy Vijay: தமிழ் சினிமாவில் உள்ள நடிகர்களில் மிக முக்கியமானவர் நடிகர் விஜய். ஆரம்பத்தில் விஜய் சினிமாவிற்கு வருவதற்கு முக்கிய காரணமாக இருந்தவர் அவரது தந்தை எஸ்.ஏ சந்திரசேகர். விஜய் சிறு வயது பையனாக இருந்தப்போதே எஸ்.ஏ சந்திரசேகர் அவர் இயக்கும் திரைப்படங்களில் விஜய்க்காகவே ஒரு சிறுவர் கதாபாத்திரத்தை எழுதி அதில் அவரை நடிக்க வைத்தார்.
அதற்கு பிறகு விஜய் முதன் முதலாக நாளைய தீர்ப்பு திரைப்படத்தில் கதாநாயகனாக அறிமுகமானார். ஆனால் அந்த படம் பெரிதாக வரவேற்பை பெறவில்லை. இதனையடுத்து அவரை வைத்து எஸ்.ஏ சி இயக்கிய படங்களில் பெரும்பாலும் அவர் ப்ளேபாய் மாதிரியான கதாபாத்திரத்தில்தான் நடித்தார்.
அப்போதைய சமயத்தில் நடிகை சங்கவிதான் அதிகமாக விஜய்க்கு ஜோடியாக நடித்தார். அவரும் அதிக கவர்ச்சியுடன் நடித்தார். இது குடும்ப ரசிகர்களை முகம் சுளிக்க வைத்தது. குழந்தைகளை அழைத்துக்கொண்டு வந்து படம் பார்க்க முடியாத நிலை இருந்தது.
இந்த நிலையில் விஜய்யை அனைவருக்கும் பிடித்த ஹீரோவாக மாற்றியது ஒரு திரைப்படம். அதுதான் இயக்குனர் விக்ரமன் இயக்கி விஜய் நடித்த பூவே உனக்காக, பூவே உனக்காக திரைப்படம் விஜய் வாழ்க்கையில் கேம் சேஞ்சர் என கூறலாம்.
அதுவரை ப்ளே பாய் மாதிரியான கதாபாத்திரத்தில் இருந்த விஜய் பூவே உனக்காக திரைப்படத்திற்கு பிறகு காதல் கதாநாயகனாக மாறுகிறார். அதனை தொடர்ந்து காதலை முன்னிலைப்படுத்தி அவர் நடித்த காதலுக்கு மரியாதை, நினைத்தேன் வந்தாய் போன்ற படங்கள் கொடுத்த வெற்றியை தொடர்ந்து விஜய்யும் காதல் திரைப்படங்களாக நடிக்க துவங்கினார்.
இந்த விஷயத்தை பிரபல சினிமா பத்திரிக்கையாளர் செய்யாறு பாலு தனது பேட்டியில் பகிர்ந்துள்ளார்.
