கடந்த சில காலங்களாகவே இயக்குனர் ஷங்கர் இயக்கும் திரைப்படங்கள் எதுவுமே பெரிதாக வெற்றியை பெறுவது இல்லை. 2.0 திரைப்படத்திற்கு பிறகு இயக்குனர் ஷங்கருக்கு ஒரு ப்ளாக்பஸ்டர் ஹிட் என்று எந்த ஒரு திரைப்படமும் அமையவில்லை.
அவர் இயக்கிய இந்தியன் 2 திரைப்படம் எதிர்பார்த்த வரவேற்பை பெறவில்லை அதனை தொடர்ந்து இயக்குனர் ஷங்கர் இயக்கிய திரைப்படம் கேம் சேஞ்சர். இந்த திரைப்படத்தை பொருத்தவரை அதில் அரசியல் ரீதியாக கதைக்களம் அமைந்திருந்தாலும் கூட திரைக்கதையாக அது அவ்வளவு சிறப்பாக சொல்லப்படவில்லை என்று கூறலாம்.
தேர்தல் ஆணையத்தின் அதிகாரம் என்பது எந்த அளவிற்கு என்பது அறியப்படாமலேயே அந்த படம் எடுக்கப்பட்டிருந்தது. இதனாலேயே அந்த படம் பெரும் தோல்வியை கண்டது.
இந்த நிலையில் இது குறித்து பேசிய தயாரிப்பாளர் தில்ராஜ் கூறும்போது நான் பெரிய இயக்குனர்கள் படத்தை தயாரித்தது கிடையாது. முதன்முதலாக நான் பெரிய இயக்குனர் என்று தயாரித்த திரைப்படம் இயக்குனர் சங்கர் இயக்கிய கேம் சேஞ்சர் திரைப்படம்.
ஆனால் நான் அதை அவர் போக்குக்கு விட்டு விட்டேன். ஆரம்பத்திலேயே அக்ரீமெண்ட் மாதிரியான விஷயங்களை நான் போட்டிருக்க வேண்டும் தவறு என்னுடைய பக்கம் தான். நான் இந்த ப்ராஜெக்ட்டை கையிலே எடுத்திருக்கக் கூடாது என்று கேம் சேஞ்சர் திரைப்படம் குறித்து வெளிப்படையாக கூறியிருக்கிறார் தில்ராஜ்.
