தமிழ் திரையுலகில் உள்ள மிக முக்கியமான நடிகர்களில் நடிகர் ரஜினிகாந்தும் கமல்ஹாசனும் முக்கியமானவர்கள். அவர்களுக்கு பிறகு வந்த அடுத்த தலைமுறை நடிகர்களில் அவர்கள் இருவருக்கும் இணையான நடிகர்கள் இருக்கிறார்களா என்றால் அது சந்தேகமே?
ஒரே ஒரு ரஜினிதான், ஒரே ஒரு கமல்தான் என்றுதான் சினிமாவில் கூற முடியும். அந்த அளவிற்கு சிறப்பான நடிப்பை இவர்கள் இருவரும் வெளிப்படுத்தி இருக்கின்றனர். ரஜினி மற்றும் கமல் இருவருக்கும் இடையே போட்டி இருந்ததாக கூறுவார்கள்.
ஆனால் பல மேடைகளில் ரஜினி கமலை புகழ்ந்து பேசியுள்ளார். அதே போல கமலும் ரஜினியை புகழ்ந்து பேசியுள்ளார். இப்போது வரை அவர்கள் இருவருமே ஒரு நல்ல நண்பர்களாகவே இருக்கின்றனர். ஆனால் இப்போதைய தலைமுறை நடிகர்களிடம் அதை பார்க்க முடிவதில்லை.
இந்த நிலையில் ஒரு பேட்டியில் ரஜினிகாந்த் கூறும்போது கமல்ஹாசனின் திரைப்படங்கள் எனக்கு எப்போதும் வியப்பை ஏற்படுத்தும். அவற்றில் அபூர்வ சகோதரர்கள், ஹே ராம், மாதிரியான திரைப்படங்கள் முக்கியமானவை.
இதுவரை ஹே ராம் திரைப்படத்தை ஒரு 30 தடவையாவது பாத்திருப்பேன் என கூறியுள்ளார். மேலும் அவர் கூறும்போது அபூர்வ சகோதரர்கள் திரைப்படத்தை இரவு 10 மணிக்கு திரையரங்கில் பார்த்ததும் அசந்து போனேன். பிறகு இரவு 2.00 மணியளவில் கமல் வீட்டிற்கு நேரில் சென்று அந்த படத்திற்காக பாராட்டிவிட்டு வந்தேன் என ரஜினிகாந்த் ஒரு மேடை பேச்சில் கூறியுள்ளார்.
