Latest News
கல்யாண ஆசை வந்திடுச்சி!.. சிவாங்கி குக் வித் கோமாளிக்கு வராததுக்கு இதுதான் காரணமாம்!.
குக் வித் கோமாளி முதல் சீசன் ஆரம்பித்த காலம் முதலே அதில் கோமாளியாக இருந்து வருகிறார் சிவாங்கி. இவர் சூப்பர் சிங்கர் ஜூனியர் நிகழ்ச்சி மூலமாகதான் சின்னத்திரைக்கு அறிமுகமானார். ஆனாலும் குக் வித் கோமாளி நிகழ்ச்சி இவருக்கு முக்கியமான நிகழ்ச்சியாக அமைந்தது.
அதனை தொடர்ந்து குக் வித் கோமாளி சீசன் 2 அதிக பிரபலமாக துவங்கியப்போது அதில் சிவாங்கியும் அதிகமாக பிரபலமானார். சொல்ல போனால் சிவாங்கி மணிமேகலை புகழ் இவர்கள் மூன்று பேரால்தான் அந்த நிகழ்ச்சி களைக்கட்டி சென்று கொண்டிருந்தது.
இந்த நிலையில் இறுதியாக நடந்த குக் வித் கோமாளி சீசன் நான்கில் குக்காக களம் இறங்கினார் சிவாங்கி. ஹாலிவுட் அனிமேஷன் படமான ரேட்டட்டூயில் படத்தில் ஒரு வசனம் வரும். எவராயினும் சமைக்கலாம் என்று. அது போலவே அதற்கு முன்பு வரை ஒன்றுமே பெரிதாக சமைக்க தெரியாத சிவாங்கி சீசன் நான்கில் டாப் 5 குக்குகளில் ஒருவராக வந்தார்.
இந்த நிலையில் சீசன் 5 இல் அவர் இல்லை என்று கூறப்படுகிறது. சிவாங்கிக்கு அதிகப்படியான ரசிகப்பட்டாளம் இருந்து வருகிறது. அப்படியிருக்கும்போது அவர் ஏன் இந்த சீசனில் கலந்துக்கொள்ளவில்லை என்று ரசிகர்கள் கேள்வி எழுப்பியிருந்தனர்.
இந்த நிலையில் இதற்கு பதிலளித்த சிவாங்கி கூறும்போது சோசியல் மீடியா பக்கம் வந்தாலே யாருக்காவது திருமணம் நடப்பது, நிச்சயம் நடப்பது போன்றவற்றைதான் பார்க்கிறேன். தற்சமயம் நானும் அந்த கட்டத்தை அடைந்துவிட்டேன் என கூறியுள்ளார்.
இதனையடுத்து சிவாங்கி வெகு சீக்கிரத்தில் திருமணம் செய்ய இருக்கிறார். அதனால்தான் அவர் குக் வித் கோமாளியில் கலந்துக்கொள்ளவில்லை என பேச்சுக்கள் இருக்கின்றன.