நடிகர் சிம்பு நடிப்பில் அவரது 49 திரைப்படம் குறித்த அப்டேட்டை சிம்பு தனது பிறந்தநாளின் போதே அறிவித்திருந்தார். இந்த திரைப்படத்தை பார்க்கிங் திரைப்படத்தை இயக்கிய ராம்குமார் பாலகிருஷ்ணன் இயக்க உள்ளார். இந்த திரைப்படத்தில் கயாடு லோகர் மற்றும் சிம்பு நடிப்பதாக ஏற்கனவே தகவல்கள் வெளியாகி இருந்தன.
சந்தானம் நடிக்கிறார் எனும்போது படம் வானம், வாலு மாதிரி காமெடி திரைப்படமாக இருக்குமா? அல்லது இயக்குனர் ராம்குமார் பாலகிருஷ்ணனின் முந்தைய திரைப்படமான பார்க்கிங் மாதிரி த்ரில்லரான திரைப்படமாக இருக்குமா என கேள்விகள் இருந்து வந்தன.
இந்த நிலையில் தற்சமயம் இந்த திரைப்படத்தின் பூஜை விடியோ சமீபத்தில் வெளியானது. அந்த வீடியோவில் பார்க்கும்போது வி.டி.வி கணேசன் மற்றும் பரிதாபங்கள் திராவிட் போன்ற நடிகர்கள் இந்த திரைப்படத்தில் நடிப்பது தெரிகிறது.
எனவே பெரும்பாலும் இந்த படம் ஒரு காமெடி ஆக்ஷன் திரைப்படமாக இருப்பதற்கு வாய்ப்புள்ளதாக தெரிகிறது. ஆல்பம் பாடல்கள் மூலம் பிரபலமான சாய் அபயங்கர் இந்த திரைப்படத்திற்கு இசையமைக்க உள்ளார்.
