நடிகர் சிவகார்த்திகேயன் தமிழ் சினிமாவில் முன்னணி நடிகர்களில் மிக முக்கியமானவராக இருந்து வருகிறார். அவரது நடிப்பில் வரும் திரைப்படங்களுக்கு மக்கள் மத்தியில் அதிக வரவேற்பு என்பது இருந்து வருகிறது.
அமரன் திரைப்படத்தின் வெற்றிக்கு பிறகு கிட்டத்தட்ட ஒரு ஆக்ஷன் ஹீரோவாக மாறிவிட்டார் சிவகார்த்திகேயன் என்றுதான் கூற வேண்டும். அமரன் படத்தின் வெற்றிக்கு பிறகு தொடர்ந்து பெரிய இயக்குனர்கள் படங்களில் வாய்ப்புகளை பெற்று வருகிறார் சிவகார்த்திகேயன்.
அந்த வகையில் அடுத்து அவர் நடித்து வரும் திரைப்படம் மதராஸி. இந்த திரைப்படத்தை இயக்குனர் ஏ.ஆர் முருகதாஸ் இயக்கியுள்ளார். இந்த திரைப்படத்தின் ட்ரைலர் நேற்று வெளியானது. இந்த ட்ரைலரை பார்க்கும்போது நானி நடித்த சூர்யா சாட்டர்டே திரைப்படத்தின் சில விஷயங்கள் இருப்பது தெரிவதாக கூறப்படுகிறது.
சூர்யா சாட்டர்டே திரைப்படத்தில் யார் என்ன வம்பு செய்தாலும் ஹீரோ அவர்களை சனிக்கிழமை மட்டுமே அடிப்பார் என்கிற மாதிரியாக திரைப்படத்தின் கதை அம்சம் இருக்கும். அதே போல இதிலும் சிவகார்த்திகேயனுக்கு ஒரு விதிமுறை இருக்கலாம் என கூறப்படுகிறது.
எப்படி இருந்தாலும் இப்போது இந்த ட்ரைலர் வரவேற்பை பெற்று வருகிறது.
இயக்குனர் ஏ ஆர் முருகதாஸ் இயக்கத்தில் தற்சமயம் சிவகார்த்திகேயன் நடித்துவரும் திரைப்படம் மதராஸி. அமரன் திரைப்படத்திற்கு பிறகு சிவகார்த்திகேயன் விஜய் அஜித் மாதிரியான ஒரு கமர்சியல் நடிகராக மாறிவிட்டார்.
அதற்கு முன்பு வரை சிவகார்த்திகேயன் தொடர்ந்து காமெடி கதைகளங்களை மட்டுமே தேர்ந்தெடுத்து நடித்து வந்தார். ஆனால் இப்பொழுது அவர் தேர்ந்தெடுக்கும் கதை களங்கள் எல்லாமே மாறி இருக்கிறது.
அந்த வகையில் அவர் அடுத்து நடிக்கும் மதராசி மற்றும் பராசக்தி ஆகிய திரைப்படங்கள் இரண்டுமே விஜய் அஜித் நடிக்கும் திரைப்படங்களுக்கு இணையான கதைக்களங்களை கொண்ட திரைப்படங்கள் தான்.
இந்த நிலையில் மதராஸி திரைப்படத்தில் நடித்த நடிகை ருக்மணி வசந்த் அந்த படம் குறித்து சில விஷயங்களை கூறியிருக்கிறார். அவர் அதில் அவர் கூறும் பொழுது ஏ ஆர் முருகதாஸ் வந்த ஆரம்ப காலகட்டங்களில் அவர் எடுத்த திரைப்படங்கள் ஒரு மாதிரியாக இருந்தது.
அந்த மாதிரியான ஒரு படமாக தான் மதராஸி இருக்கும். எனவே பழைய ஏ ஆர் முருகதாஸின் கதை அமைப்பை இந்த திரைப்படத்தில் நீங்கள் பார்க்க முடியும் என்று கூறியிருக்கிறார். ஆரம்ப காலகட்டங்களில் ஏ.ஆர் முருகதாஸ் ரமணா தீனா மாதிரியான திரைப்படங்களை இயக்கியிருக்கிறார் எனவே அந்த மாதிரியான ஒரு படமாக இது இருக்கும் என்று எதிர்பார்க்கப்படுகிறது.
அமரன் திரைப்படத்தின் வெற்றியை தொடர்ந்து சிவகார்த்திகேயன் தொடர்ந்து பெரிய இயக்குனர்கள் திரைப்படங்களாக தேர்ந்தெடுத்து நடித்து வருகிறார். அந்த வகையில் தற்சமயம் ஏ.ஆர் முருகதாஸ் இயக்கத்தில் மதராசி திரைப்படத்தில் நடித்து வருகிறார்.
அதேபோல இயக்குனர் சுதா கொங்காரா இயக்கத்தில் பராசக்தி என்கிற திரைப்படத்தில் நடித்து வருகிறார் மதராசி திரைப்படம் செப்டம்பர் 5 திரையரங்குகளில் வெளியாக இருக்கிறது.
இந்த திரைப்படம் குறித்து கொஞ்சம் எதிர்பார்ப்பும் இருந்து வருகிறது ஆனால் பராசக்தி படம் அளவிற்கு இந்த படத்திற்கு எதிர்பார்ப்பு இல்லை அமரன் திரைப்படம் பெரிய வெற்றியை கொடுத்ததால் சிவகார்த்திகேயனின் மார்க்கெட் என்பது அதிகரித்துவிட்டது.
அதனால் மதராசி திரைப்படத்திற்கான வினியோக தொகையை அதிகமாக கேட்கிறதாம் தயாரிப்பு நிறுவனம். அமரன் திரைப்படம் ராணுவம் சார்ந்த திரைப்படம் மேலும் ஒரு உண்மையான ராணுவ வீரரின் வாழ்க்கை வரலாறு படம் என்பதால் அந்த படம் ஓடிவிட்டது.
அதே மாதிரி மதராசி திரைப்படம் ஓடிவிடும் என்று கூற முடியாது எனவே விநியோகஸ்தர்கள் இந்த விஷயத்தில் யோசனையில் இருக்கின்றனர்.
நடிகர் விஜயகாந்தின் இளைய மகனான சண்முக பாண்டியன் வெகு காலங்களாகவே தமிழ் சினிமாவில் ஒரு முக்கிய இடத்தை பிடிக்க வேண்டும் என்று போராடி வருகிறார்.
ஆனால் பெரிய நடிகர்களுக்கு கிடைக்கக்கூடிய எந்த ஒரு வரவேற்பும் இப்பொழுது வரை சண்முக பாண்டியனுக்கு கிடைக்கவில்லை. முதல் முறையாக இவர் சகாப்தம் என்கிற திரைப்படம் மூலமாக தமிழ் சினிமாவில் கதாநாயகனாக அறிமுகமானார்.
அதற்குப் பிறகு மதுரை வீரன் என்கிற திரைப்படத்தில் நடித்தார். இரண்டு திரைப்படமும் பெரிதாக வரவேற்பை பெறவில்லை. இந்த நிலையில் தற்சமயம் இவர் படைத்தலைவன் என்கிற படத்தில் நடித்து வருகிறார்.
ar murugadoss
இந்த திரைப்படம் சீக்கிரத்திலேயே திரையரங்கிற்கு வர இருக்கிறது. இந்த படத்திற்கு இளையராஜா இசை அமைத்து இருக்கிறார். காடு தொடர்பான ஒரு படமாக இது இருக்கும் என்று பேச்சுக்கள் இருக்கின்றன. இந்த நிலையில் இந்த திரைப்படத்தின் இசை வெளியீட்டு விழா சமீபத்தில் நடந்தது.
அதில் ஏ.ஆர் முருகதாஸ் கலந்து கொண்டார். அது ஏ.ஆர் முருகதாஸ் பேசும்பொழுது விஜயகாந்தை வைத்து ரமணா திரைப்படத்தை இயக்கி இருக்கிறேன். நீங்களும் நன்றாக வளர்ந்து வர வேண்டும் ரமணா 2 திரைப்படத்தை உங்களை வைத்து கண்டிப்பாக எடுக்கலாம்.
மீண்டும் கேப்டனை திரையில் காண்போம் என கூறியுள்ளார் ஏ.ஆர் முருகதாஸ் ஒருவேளை சண்முக பாண்டியன் ரமணா 2 திரைப்படத்தில் நடித்தால் அது அவருக்கு மிகப்பெரிய வரவேற்பை பெற்று தரும் என்று பேச்சுக்கள் இருக்கின்றன.
தமிழ் நடிகர்களை பொருத்தவரை அவர்கள் நிறைய திரைப்படங்களின் வாய்ப்புகளை தவற விட்டிருப்பார்கள். சில நடிகர்களுக்கு அது பெரிதாக பாதிப்பை ஏற்படுத்தாது என்றாலும் சில நடிகர்களுக்கு அது சினிமா வாழ்க்கையிலேயே பெரிய மாற்றத்தை ஏற்படுத்தி விடும்.
அப்படியாக நடிகர் அஜித் தவறவிட்டு பெரிய வெற்றியை கொடுத்த திரைப்படங்கள் மூன்று இருக்கின்றன. அவற்றைதான் இப்பொழுது பார்க்க போகிறோம். அதில் முதலிடத்தில் இருக்கும் திரைப்படம் நடிகர் மாதவன் நடித்த ரன் திரைப்படம்.
இந்த திரைப்படத்தை இயக்குனர் லிங்குசாமி இயக்கினார் இந்த திரைப்படத்திற்கான கதையை முதலில் அஜித்திடம்தான் அவர் கூறினார் ஆனால் அஜித் அப்பொழுது அதில் நடிக்க ஒப்புக்கொள்ளவில்லை. பிறகு மாதவன் நடித்த அந்த படம் பெரிய வெற்றியை கொடுத்தது.
தவறவிட்ட படங்கள்:
பிறகு லிங்குசாமியை சந்தித்த அஜித் என்னை வைத்து படம் பண்ணுங்கள் என்று அவரை கேட்டார். அதற்காக லிங்குசாமி செய்த திரைப்படம் தான் ஜி ஆனால் ஜி திரைப்படம் பெரிதாக வெற்றியை கொடுக்கவில்லை. அதேபோல இயக்குனர் சரண் இயக்கத்தில் உருவான திரைப்படம் ஜெமினி.
ஜெமினி திரைப்படத்தை அதற்கு முன்பே நடிகர் அஜித்தை வைத்து ஏறுமுகம் என்கிற பெயரில் படமாக்க துவங்கியிருந்தார். ஆனால் சில பல காரணங்களால் அப்பொழுது அந்த திரைப்படம் நின்று விட்டது. பிறகு சில வருடங்கள் கழித்து நடிகர் விக்ரமை வைத்து ஜெமினி என்கிற பெயரில் அந்த படம் உருவாக்கப்பட்டது.
அதுவும் பெரிய வெற்றியை கொடுத்தது. இயக்குனர் ஏ.ஆர் முருகதாஸ் இயக்கத்தில் வெளிவந்த திரைப்படம் கஜினி, கஜினி திரைப்படத்தில் ஆரம்பத்தில் நடிக்க இருந்தது அஜித் தான். அதற்கான ஆரம்பகட்ட வேலைகளும் தொடங்கின. ஆனால் அஜித்துக்கு இருந்த வேறு சில பிரச்சனைகள் காரணமாக அப்பொழுது அந்த படத்தில் இருந்து அஜித் விலகிவிட்டார்.
அதற்கு பிறகுதான் அந்த திரைப்படத்தில் சூர்யாவை நடிக்க வைத்தார் ஏ.ஆர் முருகதாஸ். அந்த திரைப்படம் பெரிய வெற்றியை கொடுத்த திரைப்படமாக அமைந்தது.
அமரன் திரைப்படத்திற்கு பிறகு சிவகார்த்திகேயனுக்கு தமிழ் சினிமாவில் வரவேற்புகள் அதிகரித்துள்ளன. அதனை தொடர்ந்து தமிழ் சினிமாவில் அதிக வரவேற்புகளை பெற துவங்கியுள்ளார் சிவகார்த்திகேயன். தற்சமயம் ஏ.ஆர் முருகதாஸ் திரைப்படத்தில் நடித்து வருகிறார் சிவகார்த்திகேயன்.
இந்த திரைப்படமும் ராணுவம் தொடர்பான திரைப்படம் என பேச்சுக்கள் இருக்கின்றன. ஒரு காலத்தில் நடிகர் விஜய்யை பேட்டி எடுத்தவர் சிவகார்த்திகேயன். துப்பாக்கி படத்திற்கு செல்லும்போது அதை புகைப்படம் எடுத்து பதிவிட்டவர்.
அப்படிப்பட்ட சிவகார்த்திகேயன் துப்பாக்கி படத்தின் இயக்குனரான ஏ.ஆர் முருகதாஸ் திரைப்படத்திலேயே நடிக்கிறார் என்பது பெரிய விஷயமாகும். இந்த நிலையில் தொடர்ந்து நிறைய திரைப்படங்களில் கமிட் ஆகியுள்ளார் சிவகார்த்திகேயன்.
sivakarthikeyan
பல படங்களில் வாய்ப்பு:
இதனால் ஏ.ஆர் முருகதாஸ், சிபி சக்ரவர்த்தி, சுதா கொங்காரா ஆகிய மூவரது திரைப்படத்திலும் ஒரே சமயத்தில் சிவகார்த்திகேயன் நடித்து வருகிறார். சுதா கொங்காரா திரைப்படத்தை பொறுத்தவரை அதில் சிவகார்த்திகேயனின் கெட்டப்பில் மாற்றங்கள் செய்யப்பட உள்ளதாக கூறப்படுகிறது.
ஆனால் சிவகார்த்திகேயன் நடித்து வரும் மற்ற இரு படங்களிலும் வேறு கெட்டப் உள்ளதால் முகத்தில் எந்த மாற்றத்தையும் செய்ய முடியாது என உறுதியாக கூறிவிட்டாராம் சிவகார்த்திகேயன். எனவே தற்சமயம் இது சுதா கொங்காரா திரைப்படத்தில் பிரச்சனையை ஏற்படுத்தியுள்ளது.
தமிழ் சினிமாவில் தொடர்ந்து வெற்றி படங்களாக கொடுத்து வந்த இயக்குனர்களில் மிக முக்கியமானவர் ஏ.ஆர் முருகதாஸ். இயக்குனர் ஏ.ஆர் முருகதாஸின் முதல் திரைப்படமான தீனா திரைப்படம் தமிழ் சினிமாவில் எக்கச்சக்கமான வரவேற்பு பெற்ற திரைப்படமாகும்.
இந்த படம் நடிகர் அஜித்துக்கும் மிகப்பெரிய கம்பேக் திரைப்படமாக இருந்தது. அதற்கு பிறகு ஏ.ஆர் முருகதாஸ் இயக்கிய ரமணா, கஜினி மாதிரியான எல்லா திரைப்படமும் தமிழில் பெரிய வெற்றியை கொடுத்த திரைப்படங்கள் ஆகும்.
தொடர்ந்து பெரிய ஹீரோக்களை வைத்து திரைப்படம் இயக்கி வரும் ஏ.ஆர் முருகதாஸ் தற்சமயம் நடிகர் சிவகார்த்திகேயனின் திரைப்படத்தையும் இயக்கி வருகிறார். தர்பார் திரைப்படத்திற்கு பிறகு ஏ.ஆர் முருகதாஸுக்கு பெரிதாக திரைப்படங்களில் வாய்ப்புகள் கிடைக்கவில்லை.
இயக்குனர் ஏ.ஆர் முருகதாஸ்:
ஏனெனில் தர்பார் திரைப்படம் பெரிய தோல்வியை பெற்றுக் கொடுத்தது அதற்கு பிறகு ஏ.ஆர் முருகதாஸ் இயக்கும் திரைப்படம் சிவகார்த்திகேயனின் திரைப்படம் தான் இந்த திரைப்படம் நல்ல வெற்றியை கொடுத்து விட்டால் தொடர்ந்து ஏ.ஆர் முருகதாஸுக்கு வாய்ப்புகள் கிடைக்கும் என்று கூறப்படுகிறது.
இந்த நிலையில் ஏ.ஆர் முருகதாஸ் இயக்கி வெற்றியை கொடுத்த இன்னொரு திரைப்படம் ஸ்பைடர். இந்த திரைப்படத்தில் நடிகர் மகேஷ்பாபு நடித்திருந்தார். மகேஷ்பாபு நடித்த முதல் தமிழ் திரைப்படம் ஸ்பைடர் திரைப்படமாகும்.
ஆர்.ஜே பாலாஜி சொன்ன விஷயம்:
இந்த திரைப்படத்தில் காமெடியனாக நடிகர் ஆர்.ஜே பாலாஜி நடித்திருந்தார் அந்த அனுபவத்தை ஆர்.ஜே பாலாஜி சமீபத்தில் ஒரு பேட்டியில் பகிர்ந்து இருந்தார். அதில் ஆர்.ஜே பாலாஜி கூறும் பொழுது படப்பிடிப்பு நடக்கும் பொழுது சின்ன சின்ன இடையூறுகளை கூட ஏ.ஆர் முருகதாஸ் பொறுத்துக் கொள்ள மாட்டார்.
ஒரே வசனத்தை நாங்கள் தமிழ் மற்றும் தெலுங்கு என்று இரண்டு மொழிகளிலும் கூற வேண்டி இருந்தது. அப்பொழுது ஒரு வசனத்தை நான் தவறாக கூறியதால் திரும்பவும் அந்த காட்சி எடுக்கப்பட்டு கொண்டிருந்தது. அப்பொழுது தூரத்தில் ஒரு நாய் கத்தும் சத்தம் கேட்டது.
spyder
நான் அப்பொழுது உதவி இயக்குனரை அழைத்து அந்த நாயை விரட்ட சொல்லுங்கள் இல்லையென்றால் அதை ஒரு டிஸ்டர்பன்ஸ் ஆக நினைத்து மீண்டும் அந்த காட்சியை இயக்குமர் படம்பிடிப்பார் என்று கூறினேன். ஆனால் உதவி இயக்குனர் சிரித்துக்கொண்டே அந்த அளவிற்கு அவர் மோசம் கிடையாது தூரத்தில் குழைக்கும் நாயை போய் கண்டுக்கொள்வாரா என்று கூறிவிட்டு சென்றார்.
அதே மாதிரி திரும்பவும் அந்த காட்சி எடுக்கப்பட்ட பொழுது நாயின் சத்தம் கேட்டதும் கோபமடைந்த ஏ.ஆர் முருகதாஸ் உடனே அந்த நாயை விரட்டுங்கள் என்று கூறினார் என்று ஏ.ஆர் முருகதாஸின் படப்பிடிப்பு குறித்து பேசி இருக்கிறார் ஆர் ஜே பாலாஜி.
தமிழில் அரசியல் விஷயங்களை படமாக்க கூடிய மிக முக்கியமான இயக்குனராக ஏ.ஆர் முருகதாஸ் இருந்து வருகிறார். அதே சமயம் காலம்காலமாக ஏ.ஆர் முருகதாஸ் ஒரு காப்பி இயக்குனர் என்கிற பெயரும் சினிமாவில் இருந்து வருகிறது.
அவர் எடுக்கும் திரைப்படங்கள் பெரும்பாலும் ஏதாவது ஒரு படத்தின் காப்பியாக இருக்கும் என்று ஒரு பேச்சு உண்டு. அதேபோல சில நபர்களின் கதைகளை எடுத்தும் இவர் படமாக்கி இருக்கிறார் என்றும் கூறப்படுகிறது.
உதாரணத்திற்கு ரமணா படத்தின் கதை இயக்குனர் நந்தகுமாரனின் கதை என்று கூறப்படுகிறது. அவரே இதை ஒரு பேட்டியில் கூறி இருக்கிறார். இந்த மாதிரி அவர் வேறு கதைகளை எடுத்து படமாக்குகிறார் என்று ஒரு குற்றச்சாட்டு உண்டு.
ஏ.ஆர் முருகதாஸ் திட்டம்:
அந்த குற்றச்சாட்டின் அடிப்படையில் தான் கஜினி திரைப்படம் இருந்து வருகிறது. கஜினி திரைப்படத்தின் முதல் பாகம் ஹாலிவுட் இயக்குனரான கிரிஸ்டோபர் நோலன் என்கிற இயக்குனர் இயக்கிய மொமெண்டோ என்கிற திரைப்படத்தின் காப்பியாகும்.
அந்த திரைப்படத்தின் கதையின் உரிமத்தை பணம் கொடுத்து வாங்காமல் அப்படியே எடுத்து வைத்திருந்தார் ஏ.ஆர் முருகதாஸ். இந்த பிரச்சனை அப்பொழுதே பெரிதாக பேசப்பட்டு வந்தது.
ஆனால் இப்பொழுது கஜினி 2 திரைப்படத்தை ஏ.ஆர் முருகதாஸ் இயக்குவதற்கு திட்டமிட்டு இருக்கிறதாக கூறப்படுகிறது. இதற்காக அவர் சூர்யாவை சந்தித்து பேசி உள்ளதாகவும் புறப்படுகிறது.
முதல் பாகத்தை பொருத்தவரை அந்த படம் வெளியான பொழுது அதன் அந்த கதையின் உரிமையாளரான கிறிஸ்டோபர் நோலனுக்கு இந்த விஷயம் தெரியவில்லை மிக தாமதமாக தான் அது அவருக்கு தெரிந்தது. இது குறித்து அவர் ஒரு பேட்டியிலும் பேசியிருந்தார்.
இந்த நிலையில் கஜினி 2 படம் எடுக்கப்படுகிறது என்றால் கண்டிப்பாக அவரிடமிருந்து முருகதாஸுக்கு பிரச்சனை வரும் என்று கூறப்படுகிறது.
நயன்தாரா தமிழ் சினிமாவில் அறிமுகம் ஆகி இவ்வளவு திரைப்படங்கள் நடித்த பிறகும் கூட ஒரு படத்தில் நடித்ததற்காக அவர் வருந்துவதாக ஒரு பேட்டியில் கூறியிருக்கிறார்.
ஐயா திரைப்படத்தின் மூலமாகதான் நயன்தாரா தமிழ் சினிமாவில் அறிமுகம் ஆனார். ஐயா திரைப்படத்திலும் சரி சந்திரமுகி திரைப்படத்திலும் சரி பெரிதாக கவர்ச்சி காட்டாமல் தான் நடித்திருப்பார் நயன்தாரா.
ஆனால் இரண்டு படத்திலும் ஒரே ஒரு பாடலில் மட்டும் கொஞ்சம் கவர்ச்சியாக நடித்திருப்பார். தமிழ் சினிமாவில் கவர்ச்சிதான் ஒர்க் அவுட் ஆகும் என்று அப்பொழுது நயன்தாரா நினைத்து வந்தார்.
கஜினி படம்:
இந்த நிலையில் அதோடு இல்லாமல் மூன்றாவதாக அவர் நடித்த கஜினி திரைப்படத்தில் முழுக்க முழுக்க கவர்ச்சியாகவே நடித்திருந்தார். ஆனால் பெரும்பாலும் நயன்தாரா கவர்ச்சியாக நடிக்கும் திரைப்படங்கள் பெரிதாக வெற்றி பெறாது.
ஆனாலும் கஜினி திரைப்படம் நன்றாக வெற்றியை பெற்றாலும் அதில் நயன்தாராவின் கதாபாத்திரத்திற்கு பெரிய முக்கியத்துவம் கிடைக்கவில்லை. இது குறித்து ஒரு பேட்டியில் பேசிய நயன்தாரா கூறும் போது அந்த திரைப்படத்தில் என்னை காட்டிய விதமே அவ்வளவு நன்றாக இல்லை.
நொந்துப்போன நயன்தாரா:
நான் என் வாழ்க்கையில் எடுத்த மோசமான முடிவு என்றால் அது கஜினி திரைப்படத்தில் நடித்ததுதான் ஏனெனில் அந்த கதாபாத்திரமே அவ்வளவு சிறப்பான கதாபாத்திரமாக இல்லை என்று கூறியிருந்தார்.
இந்த நிலையில் இதற்கு பதில் அளித்து பேசிய முருகதாஸ் கூறும் போது நடிப்பவர்களுக்கு பிடிக்கிறது பிடிக்கவில்லை என்றெல்லாம் கதாபாத்திரத்தை மாற்றி அமைக்க முடியாது அந்த கதாபாத்திரம் படத்திற்கு என்ன தேவையோ அந்த வகையில் தான் இருக்கும் என்று பதில் அளித்து இருக்கிறார்.
தீனா திரைப்படம் மூலமாக தமிழ் சினிமாவிற்கு இயக்குனராக அறிமுகமானவர் இயக்குனர் ஏ.ஆர் முருகதாஸ். பெரும்பாலும் ஏ.ஆர் முருகதாஸ் இயக்கும் திரைப்படங்கள் தமிழில் வெற்றியைதான் கண்டுள்ளன.
இருந்தாலும் கூட சினிமா ரசிகர்கள் தொடர்ந்து சில விஷயங்களுக்காக ஏ.ஆர் முருகதாஸை விமர்சித்து வருகின்றனர். ஏ.ஆர் முருகதாஸ் ஹாலிவுட் கதைகளை திருடி திரைப்படம் இயக்குகிறார் என்பதே அந்த விமர்சனமாக இருந்து வருகிறது.
அதிலும் கஜினி திரைப்படம் குறித்து அதிக விமர்சனம் இப்போதும் இருந்து வருகிறது. ஹாலிவுட் இயக்குனர் கிரிஸ்டோபர் நோலன் இயக்கிய மொமண்டோ என்கிற திரைப்படத்தின் காபிதான் கஜினி என பேச்சுக்கள் இருந்து வந்தன.
ar-murugadoss
அதற்கு தகுந்தாற் போல ஹாலிவுட் இயக்குனர் கிரிஸ்டோபர் நோலனே ஒரு பேட்டியில் பேசும்போது தமிழில் தனது படத்தை காபி அடித்து படம் எடுத்துள்ளதாக கூறியிருந்தார். ஆனால் இதுக்குறித்து ஏ.ஆர் முருகதாஸ் தன் பக்க நியாயத்தை விளக்கியுள்ளார்.
அதில் அவர் கூறும்போது மெமொண்டோ திரைப்படத்தை பார்ப்பதற்கு முன்பே நான் கஜினி திரைப்படத்தின் கதையை எழுதிவிட்டேன். ஒரு பணக்காரனுக்கும் ஒரு பெண்ணுக்கும் இடையே காதல். அதில் அவளை கொன்றதற்காக வில்லனை பழி வாங்குவதைதான் கதையாக வைத்திருந்தேன்.
அதற்கு பிறகுதான் மொமண்டோ படத்தை பார்த்தேன். அதில் கதாநாயகன் 15 நிமிடத்தில் விஷயங்களை மறந்துவிடுவான் என்பது எனக்கு பிடித்திருந்தது. எனவே அதை எனது படத்தில் பயன்படுத்திக்கொண்டேன். மற்றப்படி மூன்று காட்சிகள் கூட தொடர்ந்து இரண்டு படங்களிலும் ஒரே மாதிரி பார்க்க முடியாது என விளக்குகிறார் ஏ.ஆர் முருகதாஸ்.
தமிழில் வரிசையாக வெற்றி படங்களாக கொடுத்து வருபவர் இயக்குனர் ஏ.ஆர் முருகதாஸ். அரசியல் சார்ந்து தனது திரைப்படங்களில் அவர் பல விஷயங்களை பேசியிருக்கிறார். 2001 ஆம் ஆண்டு தீனா திரைப்படம் மூலமாக தமிழ் சினிமாவிற்கு அறிமுகமானார் அஜித்.
அந்த படம் பெருமளவில் வெற்றி பெற்றது. அதனை தொடர்ந்து அதிகமான வரவேற்பை பெற்றார் ஏ.ஆர் முருகதாஸ். பிறகு அவர் இயக்கிய இரண்டாவது திரைப்படம்தான் ரமணா. விஜயகாந்த் நடிப்பில் உருவான ரமணா திரைப்படம் ப்ளாக்பஸ்டர் ஹிட் கொடுத்தது.
சாப்பாட்டு விஷயத்தில் அனைவருக்கும் பாகுபாடு பார்க்காமல் உணவு அளிப்பவர் விஜயகாந்த். ஆனால் அவர் திரைப்படத்திலேயே இயக்குனர் ஏ.ஆர் முருகதாஸ் சோற்றுக்கு கஷ்டப்படும் நிலை ஏற்பட்டது. ஏ.ஆர் முருகதாஸ் ரமணா திரைப்படத்தின் கதையை கூறியப்போதே தயாரிப்பாளருக்கு அந்த கதை பிடித்துவிட்டது.
ar-murugadoss
இதனை தொடர்ந்து அவருக்கு 5 ஸ்டார் ஹோட்டலில் ரூம் போட்டு படத்திற்கான கதையை டெவலப் செய்ய சொன்னார் தயாரிப்பாளர். அந்த ஹோட்டலில் ஒரு நாளைக்கு தங்குவதற்கும் உணவுக்கும் மட்டுமே பல ஆயிரங்களில் செலவாகி வந்தன.
முதலில் ஸ்டார் ஹோட்டலில் அறை போட்டு கொடுத்தாலும் அதனால் வருகிற செலவை பிறகு தயாரிப்பாளரால் கட்டுப்படுத்தவே முடியவில்லை. எனவே இனி ஸ்டார் ஹோட்டலில் அவர்களுக்கு உணவு கிடையாது என கூறினார் தயாரிப்பாளர்.
இதனால் ஏ.ஆர் முருகதாஸும் உதவி இயக்குனரும் தினசரி வெளியில் சென்று உணவருந்தியுள்ளனர். வலைப்பேச்சு அந்தணன் இந்த செய்தியை பகிர்ந்துள்ளார்.
Director AR Murugadoss: தமிழில் நிறைய வெற்றி படங்களை கொடுத்தவர் இயக்குனர் ஏ.ஆர் முருகதாஸ். தீனா, ரமணா, கத்தி, கஜினி போன்ற பல திரைப்படங்கள் தமிழில் பெரும் வெற்றியை கொடுத்திருக்கின்றன. தொடர்ந்து விஜய்யை வைத்து சர்க்கார் திரைப்படத்தையும் இயக்கியிருந்தார் ஏ.ஆர் முருகதாஸ்.
பொதுவாக ஏ.ஆர் முருகதாஸை பொருத்தவரை தனது திரைப்படங்களில் ஏதாவது ஒரு அரசியலை பேசி இருப்பார். கத்தி, சர்க்கார், ரமணா மாதிரியான திரைப்படங்களில் அவற்றை பார்த்திருக்க முடியும். ஆனால் கடந்த சில வருடங்களாக ஏ.ஆர் முருகதாஸிற்கு தமிழ் சினிமாவில் பெரிதாக வாய்ப்புகள் இல்லை என்று கூறப்படுகிறது.
Director AR Murugadoss Stills
இத்தனைக்கும் தமிழ் சினிமாவில் இத்தனை வெற்றி படங்களை கொடுத்த பிறக்கும் கூட ஏ.ஆர் முருகதாஸிற்கு எதற்காக வாய்ப்புகள் கிடைக்கவில்லை என்பது மட்டும் புரியவில்லை. இந்த நிலையில் மலையாள சினிமாக்கள் தொடர்ந்து தமிழில் வெற்றி பெற்று வருவது குறித்து தனது கருத்தை கூறியிருக்கிறார் ஏ.ஆர் முருகதாஸ்.
விளக்கம் கொடுத்த ஏ.ஆர் முருகதாஸ்:
அதில் அவர் கூறும் பொழுது குறைந்த பட்ஜெட்டில் படம் எடுப்பதற்கான வாய்ப்பு என்பது மலையாள சினிமாவில் அதிகமாகவே இருக்கிறது. அதனால்தான் அவர்கள் சிறப்பான திரைப்படங்களை வெளியிட்டு வருகின்றனர்.
ஆனால் தமிழ் சினிமாவில் அப்படியான படங்களை எடுப்பதற்கான வாய்ப்புகளை குறைவாக இருக்கின்றன. உதாரணமாக தமிழில் சில நாட்களுக்கு முன்பு வந்த டாடா திரைப்படம் சிறப்பான திரைப்படமாக இருந்தது.
அதே மாதிரியான திரைப்படங்கள் ஆனால் அதிகமாக வரவில்லை என்பதை நாம் கவனிக்க வேண்டும். அதே சமயம் மலையாளத்தில் ஒரு மாதத்திலேயே எக்கச்சக்கமான குறைந்த பட்ஜெட்டிலான படங்கள் வருகின்றன. அவற்றை நானும் கூட ரசித்து பார்த்தேன். இதுதான் தமிழ் சினிமாவில் படங்கள் வராததற்கு பிரச்சினையாக இருக்கின்றன.
குறைந்த பட்ஜெட்டில் படம் வந்து ஓடவில்லை என்று சொல்வதெல்லாம் உண்மையை கிடையாது குறைந்த பட்ஜெட்டில் படங்களே வருவதில்லை என்பதுதான் உண்மை என்று கூறுகிறார் ஏ.ஆர் முருகதாஸ்.
Tamil Cinema News Today – Latest Updates, Reviews,Gossips
