தமிழ் சினிமாவில் நடிகராக இருந்து மக்கள் மத்தியில் மாறாத அன்பை பெற்றவர் நடிகர் விஜயகாந்த். விஜயகாந்தின் இளமை காலக்கட்டங்களில் பெரும்பாலும் அவரது திரைப்படங்கள் பெரும் வெற்றியை கொடுத்திருந்தன. விஜயகாந்த் தமிழ் சினிமாவிற்குள் வந்தப்போதே அவரது நண்பர் ராவத்தரையும் கூட்டிக்கொண்டுதான் வந்தார்.

இருவரும் ஒன்றாகவே சினிமாவில் உயரத்தை தொட்டனர். சொல்லப்போனால் ராவத்தர் விஜயகாந்தின் மிக நெருங்கிய நண்பராவார். எந்த அளவிற்கு நெருங்கிய நண்பர் என்றால் விஜயகாந்தின் சொந்த வாழ்க்கையில் முக்கிய முடிவுகளை கூட ராவத்தர்தான் எடுப்பார்.

இந்த நிலையில் விஜயகாந்தின் கல்யாண விஷயத்தில் இப்ராஹிம் ராவத்தரின் பங்கு முக்கியமானது ஆகும். எவ்வளவோ பெரிய பெரிய தொழிலதிபர்கள் அப்போது விஜயகாந்திற்கு தங்களது பெண்ணை திருமணம் செய்து வைக்க தயாராக இருந்தனர்.

ஆனால் அதற்கு ராவத்தர் ஒப்புக்கொள்ளவில்லை. அதே போல நடிகை ராதிகாவை விஜயகாந்த் திருமணம் செய்ய இருந்தப்போது ராவத்தர் அதை தடுத்துவிட்டதாக அப்போது ஒரு பேச்சு உண்டு. ராதிகா கதாநாயகி என்பதால்தான் ராவத்தர் அவரை விஜயகாந்த் திருமணம் செய்துக்கொள்ள ஒப்புக்கொள்ளவில்லை என கூறப்படுகிறது.

ஆனால் உண்மையில் ராவத்தருக்கு அதிகமாக ஜாதகம் மீது நம்பிக்கை உள்ளதாம். விஜயகாந்திற்கு ஒரு ஜாதகம் பொருந்தவில்லை என்றால் அது உலக அழகியாகவே இருந்தாலும் ராவத்தர் ஒப்புக்கொள்ள மாட்டார். இந்த காரணத்தால்தான் ராதிகாவை விஜயகாந்த் திருமணம் செய்ய அவர் ஒப்புக்கொள்ளவில்லை என கூறப்படுகிறது.

ஒரு இஸ்லாமியராக இருந்தும் ஜாதகம் ஜோசியம் மேல் எல்லாம் ராவத்தர் நம்பிக்கை வைத்திருப்பது ஆச்சரியமான விஷயம்தான்.

Actor Vijayakanth: தமிழில் ஒரே வருடத்தில் அதிகமாக கதாநாயகனாக பல படங்களில் நடித்து பெரும் சாதனை படைத்தவர் நடிகர் விஜயகாந்த். இவர் நடிக்கும் திரைப்படத்திற்கு பாமர மக்களின் மத்தியில் அப்போது பெரும் வரவேற்பு இருந்தது.

அதனால் தொடர்ந்து விஜயகாந்தின் திரைப்படங்களுக்கு நீ நான் என்று தயாரிப்பாளர்கள் போட்டி போட்டுக் கொண்டு வந்தார்கள். மேலும் விஜயகாந்த் புதிய இயக்குனர்களை அதிகமாக வாழ வைத்துக் கொண்டிருந்தார்.

புது இயக்குனர்களுக்கு வாய்ப்பு கொடுக்கும் நடிகர்களில் முதலிடத்தில் விஜயகாந்த்தான் இருந்தார் . முக்கியமாக விஜய்யின் தந்தையான எஸ்.ஏ சந்திரசேகரை சினிமாவில் வளர்த்து விட்டவர் விஜயகாந்த். தொடர்ந்து அவருக்கு வாய்ப்பு கொடுத்தது மட்டுமில்லாமல் விஜய் சினிமாவில் பிரபலமாவதற்கு உதவும் வகையில் செந்தூரப்பாண்டி என்னும் திரைப்படத்தில் தனது தம்பியாக விஜய்யை நடிக்க வைத்தார் விஜயகாந்த்.

ஆனால் ஆரம்ப கட்டத்தில் விஜயகாந்த் சினிமாவிற்கு வந்த பொழுது அதிகமாக உருவ கேலிக்கு உள்ளானார். அவரின் கருப்பு தேகத்தை பலரும் கிண்டல் செய்து வந்தனர். அந்த நிலையில் ஒரு திரைப்படத்தில் விஜயகாந்திற்கு ஜோடியாக ராதிகாவை நடிக்க வைக்க முடிவு செய்தனர். ராதிகாவும் கருப்பு நிறத்தில்தான் இருப்பார் என்றாலும் கூட அவர் விஜயகாந்தை கேலி பேசினார்.

கருப்பாக இருக்கும் அந்த நபருடன் நான் நடிக்க முடியாது என்று தவிர்த்து விட்டார். அதன் பிறகு விஜயகாந்திற்க்கு அம்மா கதாபாத்திரத்தில் நடிப்பதற்கு நடிகை லட்சுமியிடம் கேட்ட பொழுது அவரும் மறுத்துவிட்டார். இப்படி இந்த இரண்டு நடிகைகளும் உதாசீனப்படுத்தினாலும் கூட பிறகு விஜயகாந்த் பெரும் நடிகராக வளர்ந்த பிறகு அவருடன் சேர்ந்து நானே ராஜா நானே மந்திரி, நீதியின் மறுபக்கம், பூந்தோட்ட காவல்காரன் போன்ற பல படங்களில் ராதிகா கதாநாயகியாக நடித்தார்.

அதேபோல கண்ணுபட போகுதய்யா திரைப்படத்தில் விஜயகாந்திற்கு அம்மாவாக நடித்தார் லட்சுமி. காலம் எதை வேண்டுமானாலும் மாற்றி போடும் என்பதற்கு இந்த சம்பவம் ஒரு உதாரணமாக அமைந்துள்ளது.