தமிழில் முதல் படத்திலேயே ஹிட் பாடல்கள் கொடுத்து வரவேற்பை பெற்ற இசையமைப்பாளர்களில் முக்கியமானவர் ஜி.வி பிரகாஷ். வெயில் திரைப்படத்தில்தான் முதன் முதலாக இசையமைப்பதற்கான வாய்ப்பை பெற்றார் ஜி.வி பிரகாஷ்.
அதில் அவர் இசையமைத்த வெயிலோடு விளையாடி போன்ற பாடல்கள் அப்போது பெரும் வரவேற்பை பெற துவங்கின. அதனை தொடர்ந்து பாடல் இசையமைக்க வாய்ப்புகளை பெற்று வந்த ஜி.வி பிரகாஷ் படிபடியாக முன்னேறி கதாநாயகனாக நடிக்க துவங்கினார்.
கதாநாயகனாகவும் அவருக்கு நல்ல வரவேற்பு இருந்தது. தற்சமயம முழுதாக இசையமைப்பதை விட்டுவிட்டு முழுவதுமாக படங்களில் கதாநாயகனாக நடிக்க துவங்கியுள்ளார் ஜி.வி பிரகாஷ். தற்சமயம் பேட்டி ஒன்றில் அவர் கலந்துக்கொண்டபோது முதன் முதலாக எவ்வளவு சம்பளம் வாங்குனீர்கள் என கேட்கப்பட்டது.
அதற்கு பதிலளித்த ஜிவி பிரகாஷ் முதன் முதலாக ஒரு நிகழ்ச்சிக்கு கீபோர்டு வாசிக்க சென்றேன். அப்போது அங்கு 1000 ரூபாய் வாங்கினேன். ஆனால் முதல் படமான வெயில் படத்திற்கு இசையமைக்கும்போது சம்பளமாக 17 லட்சம் வாங்கினேன் என கூறியுள்ளார் ஜிவி பிரகாஷ்.
