Actor Vishal : மார்க் ஆண்டனி திரைப்படத்திற்கு பிறகு நடிகர் விஷாலுக்கு தமிழ் சினிமாவில் வாய்ப்புகள் அதிகரித்து வருகின்றன. பல விதமான திரைப்படங்களில் நடித்த போதும் கூட விஷாலுக்கு ஒரு நகைச்சுவை திரைப்படம் தான் தற்சமயம் கை கொடுத்திருக்கிறது.
ஆனால் மார்க் ஆண்டனி திரைப்படத்திற்கு முன்பே விஷால் நடித்த திரைப்படம் துப்பறிவாளன் 2. துப்பறிவாளன் திரைப்படத்தின் முதல் பாகம் கொடுத்த பெரும் வெற்றியை அடுத்து அவர் நடித்த திரைப்படம் துப்பறிவாளன் 2.
துப்பறிவாளன் இரண்டாம் பாகத்தை இயக்குனர் மிஷ்கின்தான் இயக்கி வந்தார். இந்த திரைப்படத்தை நடிகர் விஷாலே தயாரித்து நடித்து வந்தார். படத்தின் பெரும்பாலான காட்சிகள் வெளிநாட்டில் படமாக்கப்பட்டன. இந்த படத்திற்கு மக்கள் மத்தியில் நல்ல வரவேற்பு இருந்து வந்தது.
ஏனெனில் பொதுவாகவே தமிழ் சினிமாவில் துப்பறியும் கதைகள் பெரிதாக படமாக்கப்படுவதில்லை. ஆனால் மிஸ்கின் எடுக்கும் துப்பறியும் கதைகள் நல்ல வரவேற்பை கொடுக்கின்றன. அதனால் மக்கள் இரண்டாம் பாகத்திற்காக காத்திருந்தனர்.
ஆனால் சம்பளம் தொடர்பாக ஏற்பட்ட பிரச்சனையின் காரணமாக மிஷ்கினுக்கும் விஷாலுக்கும் இடையே பெரும் சண்டை ஏற்பட்டது. அதனை அடுத்து இருவரும் பிரிந்து விட்டனர். பிறகு இதுக்குறித்து விஷால் கூறும் பொழுது மீதி கதையை தானே படமாக்கி அதை வெளியிட்ட வெளியிடப் போவதாக கூறினார்.
இதற்கு நடுவே மிஸ்கினும் விஷாலை அதிகமாக விமர்சித்து வந்தார். இந்த நிலையில் துப்பறிவாளன் படத்தின் இரண்டாம் பாகம் எடுக்கப்படாமலேயே தனியாக கிடந்தது. இந்நிலையில் தற்சமயம் மீண்டும் துப்பறிவாளன் படத்தின் இரண்டாம் பாகத்தை இயக்க துவங்கியிருக்கிறார் விஷால்.
விஷால் இயக்கும் முதல் திரைப்படம் இது என்று கூறலாம் எனவே இந்த திரைப்படம் எவ்வளவு சிறப்பாக வரும் என்பதும் சந்தேகம்தான் என்று கூறப்படுகிறது. மேலும் இந்த திரைப்படம் முழுமையாக எடுக்கப்பட்டு வெளியாகுமா என்பது இன்னமும் கேள்விக்குறியாக தான் இருக்கிறது.
