ஹிந்தியில் இருந்து தமிழ் சினிமாவிற்கு வந்து அதிக பிரபலமடைந்தவர் நடிகை ஹன்சிகா. இவர் சிறு வயது முதலே பாலிவுட்டில் நடித்து வருகிறார். இவர் நடித்த ஷக்கலக்க பூம் பூம் என்னும் தொடர் விஜய் டிவியில் கூட ஒளிப்பரப்பானது.
அந்த தொடரில் பத்து வயது சிறுமியாக இருப்பார் ஹன்சிகா. இவருக்கு தமிழில் திருப்புமுனையான அமைந்த திரைப்படம் எங்கேயும் காதல். இந்த திரைப்படத்தில் நடிக்கும்போது கொலுக்கு மொழுக்கு அழகுடன் ரசிகர்கள் பலரை கவரும் வண்ணம் இருந்தார்.
சொல்லப்போனால் அவரை சின்ன குஷ்பு என்றே பலரும் அழைத்து வந்தனர். அதற்கு பிறகு சினிமாவில் வளர துவங்கிய பிறகு தற்சமயம் உடல் எடையை குறைத்துள்ளார் ஹன்சிகா. இதனால் ஹன்சிகாவின் முக அமைப்பும் மாறியது. ரசிகர்கள் பலருக்கே இது ஹன்சிகாதானா என சந்தேகம் வரும் அளவிற்கு அவருடைய தோற்றத்தில் மாற்றம் தெரிந்தது.
இந்த நிலையில் இடையில் கல்லூரி நிகழ்ச்சி ஒன்றில் கலந்துக்கொண்டார் ஹன்சிகா. அந்த நிகழ்ச்சியில் அவரிடம் கேள்வி கேட்ட மாணவர் ஒருவர் எங்கேயும் காதல் திரைப்படத்தில் நடித்தப்போது பேபி டால் போல அழகாக இருந்தீர்கள்.
இப்போது ஏன் உடல் எடையை இப்படி குறைத்துவிட்டீர்கள் என கேட்டார். அதற்கு பதிலளித்த ஹன்சிகா சொல்றேன்னு தப்பா நினைச்சிக்க வேண்டாம். குண்டா இருக்குறவங்களை பழிச்சி பேசணும்னு இதை சொல்லலை. ஆனால் உடல் பருமனோட இருக்கிறது நல்ல விஷயம் கிடையாது. உடல் எடையை சரியா பராமரிக்கிறதுதான் ஆரோக்கியமான வாழ்க்கைக்கு முக்கியம். அழகை பார்த்து ஆரோக்கியத்தை விட முடியாது என பதிலளித்துள்ளார் ஹன்சிகா.
