Latest News
என்னை விட தகுதியான நடிகர்கள் இங்க இருக்காங்க!.. விஜய் சினிமாவை விட்டு போக இதுவும் ஒரு காரணமாம்!.
Actor vijay : நடிகர் விஜய் அரசியலுக்கு சென்ற பிறகு தமிழ்நாடு அரசியல் களமே கொஞ்சம் சூடு பிடித்துள்ளது என்றுதான் கூற வேண்டும். பொதுவாக மற்ற அரசியல்வாதிகளை பொறுத்தவரை அவர்கள் செய்யும் விஷயங்களை மக்கள் மத்தியில் பிரபலமாக்குவதற்கு மிகவும் கஷ்டப்பட வேண்டி இருக்கும்.
ஆனால் விஜய்யை பொருத்தவரை அவர் ஒரு துரும்பை அசைத்தால் கூட அது பெரும் செய்தியாக மக்கள் மத்தியில் வந்துவிடும். அப்படி ஒரு பெரும் நடிகராக விஜய் இருப்பதால் எளிதாக அவர் மக்கள் மத்தியில் பிரபலமாகி வருகிறார்.
விஜய் சினிமாவை விட்டு 2026 ஆம் ஆண்டோடு விலக இருக்கிறார் என்று பேச்சுக்கள் இருக்கின்றன. இந்த நிலையில் அரசியலில் அவர் செய்யும் ஒவ்வொரு விஷயமும் அவரது ரசிகர்களுக்கு ஆர்வத்தை ஏற்படுத்தும் விஷயமாக இருக்கிறது.
தற்போது உள்ள நிலவரப்படி சினிமா அப்டேட்டுகளை விடவும் விஜய்யின் அரசியல் அப்டேட்டுகளுக்காக தான் ரசிகர்கள் காத்திருக்கின்றனர். இந்த நிலையில் விஜய் சினிமாவை விட்டு போனதற்கு இன்னொரு விஷயமும் காரணம் என்று கூறப்படுகிறது.
விஜய்யின் முடிவு:
அவர் முன்பு ஒருமுறை மேடையில் பேசிய காணொளியும் இதற்காக பிரபலமாகி வருகிறது. அதில் விஜய் பேசும் பொழுது என்னைவிட திறமைசாலியான அழகான நடிகர்கள் தமிழ் சினிமாவில் என்னுடைய இடத்தை பிடிப்பதற்கு முயற்சி செய்து வருகின்றனர்.
கடினமாக போராடும் வகையில் அவர்களுக்கும் இந்த இடம் கிடைக்கும் என்று கூறியிருக்கிறார் விஜய். எனவே அப்படியான எதிர்காலத் தலைமுறையினருக்காக தான் தற்சமயம் சினிமாவில் தன்னுடைய இடத்தை விட்டு செல்கிறார் விஜய். இல்லையென்றால் அரசியலில் இருந்து கொண்டே கூட அவரால் திரைப்படங்களில் நடிக்க முடியும் என்று கூறப்படுகிறது.
இருந்தாலும் விஜய் சினிமாவை விட்டுப் போக காரணம் அடுத்த தலைமுறைக்கு வழி விட வேண்டும் என்பதற்காகவே என்று பேச்சுக்கள் இருக்கின்றன.