Vetrimaaran and Surya : தமிழில் வரவேற்பை பெற்ற இயக்குனர்களில் முக்கியமானவர் வெற்றிமாறன். பொதுவாக வெறும் கமர்ஷியல் திரைப்படம் என்று மட்டும் எடுக்காமல் அந்த படத்திற்குள் பல அரசியல் விவாதங்களை வைத்திருப்பார் வெற்றிமாறன்.
இதனாலேயே வெற்றிமாறனின் திரைப்படங்களுக்கு அதிக வரவேற்பு இருந்து வருகிறது. ஆரம்பத்தில் இவர் நடிகர் தனுஷை வைத்தே அதிக படங்களை எடுத்து வந்தார். வரிசையாக பொல்லாதவன், ஆடுகளம், வட சென்னை என இந்த லிஸ்ட் நீண்டது.
இதனையடுத்து தற்சமயம் அனைத்து ஹீரோக்களையும் வைத்து படமெடுக்க துவங்கியுள்ளார் வெற்றிமாறன். அந்த வகையில் அவர் எடுத்த விடுதலை திரைப்படம் பெறும் வரவேற்பை பெற்றது. பழங்குடியின மக்கள் தொடர்ந்து அரசால் ஒடுக்கமுறைக்கு உள்ளாவதை விளக்கும் வகையில் அந்த படம் இருந்தது.
அதனை தொடர்ந்து வாடிவாசல் என்னும் திரைப்படத்தை எடுக்க இருக்கிறார் இயக்குனர் வெற்றிமாறன். வாடிவாசல் என்னும் நாவலின் அடிப்படையில்தான் இந்த படம் தயாராக இருக்கிறது. இதில் சூர்யாவை கதாநாயகனாக நடிக்க வைக்க இருந்தார்.
இயக்குனர் அமீருக்கும் இதில் முக்கியமான கதாபாத்திரம் கொடுக்கப்பட்டுள்ளதாக கூறப்படுகிறது. இந்த நிலையில் தற்சமயம் நடந்து வரும் அமீர் ஞானவேல்ராஜா பிரச்சனையில் வாடிவாசல் திரைப்படத்தில் பிரச்சனை ஏற்பட்டுள்ளதாக தெரிகிறது.
ஞானவேல்ராஜாவிற்கு பின்னாள் இருந்து சூர்யாவின் குடும்பம்தான் அவருக்கு ஆதரவளிக்கிறது என கூறப்படுகிறது. ஆனால் வாடிவாசல் திரைப்படத்தில் சூர்யா மற்றும் அமீர் இருவரும் சேர்ந்து நடிக்க உள்ளனர். எனவே இவர்கள் இடையே உள்ள விரோதப்போக்கு படத்தில் பிரச்சனையை ஏற்படுத்தும் என வெற்றிமாறன் கருதுவதாக பேச்சுக்கள் உள்ளன.
மேலும் அவரும் அமீருக்கு ஆதரவான மனநிலையில்தான் இருக்கிறார் என்பதால் சூர்யாவை படத்தில் இருந்து நீக்குவது குறித்து பேச்சுவார்த்தை போய்க்கொண்டுள்ளதாக பேச்சுக்கள் இருக்கின்றன.
