விரைவில் இணையும் கமல் – விஜய்..! பிள்ளையார் சுழி போட்ட லோகி!

லோகேஷ் கனகராஜ் இயக்கத்தில் கமல்ஹாசன் நடித்து வெளியாகவுள்ள படம் விக்ரம்.

இந்த படத்தை கமல்ஹாசனின் ராஜ்கமல் நிறுவனமே தயாரித்துள்ள நிலையில், இந்த படத்திற்கு அனிருத் இசையமைத்துள்ளார். விஜய் சேதுபதி, பகத் பாசில் உள்ளிட்ட பலர் நடித்துள்ள இந்த படம் எதிர்பார்ப்பை அதிகரித்துள்ளது.

இந்நிலையில் இந்த படத்தின் முதல் சிங்கிள் பாடலான “பத்தல.. பத்தல” என்ற பாடல் இன்று வெளியாக உள்ளது. விக்ரம் படம் ஜூன் 6ம் தேதி வெளியாக உள்ளது.

அதை தொடர்ந்து அடுத்ததாக லோகேஷ் கனகராஜ் மீண்டும் விஜய்யுடன் தளபதி 67 படத்தில் இணைய உள்ளார். விஜய்யின் 67வது படத்தை தயாரிக்க கமல்ஹாசன் விருப்பம் தெரிவித்ததாக கூறப்படுகிறது.

Kamal Vijay

இதனால் கமலின் எண்ணம் குறித்து விஜய்யிடம் லோகேஷ் பேசியதாகவும், அதற்கு விஜய் தான் கமல் புரொடக்‌ஷனில் நடிக்க தயார் என்றும், ஆனால் இந்த படம் வேண்டாம், அடுத்த படத்தில் அவரது தயாரிப்பில் நடிக்கலாம் என்றும் கூறியதாக பேசிக் கொள்ளப்படுகிறது.

இதனால் கமல் தயாரிப்பில் விஜய் நடிக்கும் படத்திற்கு லோகேஷ் பிள்ளையார்சுழி போட்டு வைத்துள்ளதாக தெரிகிறது.

You may also like...