Vivek, Vijay antony: தமிழில் வளர்ந்து வரும் நடிகர்களில் முக்கியமானவர் நடிகர் விஜய் ஆண்டனி. ஒரு சவுண்ட் இன்ஜினியராக சினிமாவிற்குள் வந்து பிறகு படிப்படியாக முன்னேறி தற்சமயம் தமிழ் சினிமாவில் உள்ள முக்கிய கதாநாயகர் நடிகர்களில் ஒருவராக விஜய் ஆண்டனி இருக்கிறார்.
சில நாட்களுக்கு முன்பு விஜய் ஆண்டனியின் மகள் மீரா விஜய் ஆண்டனி துருதிருஷ்டவசமாக தற்கொலை செய்து கொண்டார். அவரது இறுதி சடங்கு விஜய் ஆண்டனியின் வீட்டில் நடந்தது. அந்த சமயத்தில் தமிழில் உள்ள மீடியாக்கள் பலவும் அந்த நிகழ்வில் இடையூறை ஏற்படுத்தின.
இந்த விஷயம் பெரும் சர்ச்சைக்கு உள்ளானது. பிறகு பிஹைண்ட்வுட்ஸ் போன்ற பெரும் மீடியாக்களே அதற்கு மன்னிப்பு கேட்டு பதில் அளித்து இருந்தனர் .
இதற்கு முன்பு நடிகர் விவேக்கின் மகன் இறந்த பொழுதும் இதே மாதிரியான சம்பவம் நடக்க இருந்ததாக திரை துறையினர் கூறுகின்றனர். ஆனால் அப்பொழுது முதலமைச்சராக இருந்த ஜெயலலிதா இந்த விஷயத்தை அரசியலாக்க கூடாது எனவே எந்த பத்திரிகையாளர்களும் அங்கு செல்லக்கூடாது என்று உத்தரவு பிறப்பித்ததால், இதனை அடுத்து விவேக்கின் மகன் இறுதி ஊர்வலம் பத்திரிக்கையாளர்கள் யாரும் வராமல் நடைபெற்றது எனக் கூறப்படுகிறது.
