நடிகர் விக்ரம் நடிப்பில் சமீபத்தில் வெளியாகி பெரும் வரவேற்பை பெற்ற திரைப்படமாக வீர தீர சூரன் திரைப்படம் இருந்தது. இயக்குனர் அருண் குமார் இந்த திரைப்படத்தை இயக்கி இருந்தார். இந்த திரைப்படம் பல பிரச்சனைகளுக்கு நடுவே வெளியாகியது.
பெரும்பாலும் நடிகர் விக்ரமை பொறுத்தவரை அவர் ஒவ்வொரு திரைப்படத்தில் நடிப்பதற்குமே அதிகப்பட்சமான உழைப்பை போடுகிறார். ஆனாலும் கூட அவர் நடிக்கும் நிறைய திரைப்படங்கள் எதிர்பார்க்கும் வெற்றியை பெற்று தருவதில்லை.
அந்த வகையில் வீர தீர சூரன் திரைப்படம் பழைய விக்ரமின் ஆக்ஷன் திரைப்படங்களை போலவே அமைந்திருந்தது. இதனால் விக்ரமின் ரசிகர்களுக்கு இந்த படம் பிடித்திருந்தது.
இந்த நிலையில் நடிகர் விக்ரம் இந்த திரைப்படம் குறித்து காணொளி ஒன்றை வெளியிட்டுள்ளார். அதில் அவர் கூறும்போது வீர தீர சூரன் திரைப்படத்திற்காக மிக கடினமாக உழைத்தோம். படம் வருவதற்கு முன்பே பலரும் இந்த படத்தை புகழ்ந்து பேசினர். ஆனாலும் படம் முதல் நாள் வெளியாக இருந்தப்போது பிரச்சனை ஏற்பட்டது.
இதனால் படத்தில் இரண்டு காட்சிகள் ரத்தானது. ஆனால் அதற்கு பிறகு வெளியாகியும் கூட வீர தீர சூரன் நல்ல வரவேற்பை பெற்றுள்ளது என கூறி அதற்காக ரசிகர்களுக்கு நன்றிகளை தெரிவித்துள்ளார் விக்ரம்
