தமிழ் சினிமாவில் கமல்ஹாசனுக்கு பிறகு நடிப்புக்கு மிகவும் முக்கியத்துவம் கொடுத்து நடிக்க கூடியவர் நடிகர் விக்ரம். ஒரு திரைப்படத்திற்காக உடல் எடையை கூட்ட வேண்டும் என்றாலும் குறைக்க வேண்டும் என்றாலும் அதற்கு எந்த ஒரு தயக்கமும் கூறாமல் செய்யக்கூடியவர் விக்ரம்.
ஆனால் சில காலங்களாக அவர் தேர்ந்தெடுக்கும் கதைகள் பெரிதாக வரவேற்பை பெறாத காரணத்தினால் தமிழ் சினிமாவில் தொடர்ந்து வீழ்ச்சியை கண்டு வந்தார் விக்ரம். ஆனாலும் அவர் நடிக்கும் ஒவ்வொரு திரைப்படத்திலும் முழு முயற்சியுடன்தான் நடித்து வருகிறார் என்பதை அவரது திரைப்படங்களில் பார்க்கும் போதே தெரிகிறது.
இந்த நிலையில் பொன்னியின் செல்வன் திரைப்படம் விக்ரமிற்கு ஒரு முக்கியமான திருப்புமுனையாக இருந்தது. பொன்னியின் செல்வனின் அவர் நடித்த ஆதித்த கரிகாலன் கதாபாத்திரம் அவருக்கு பெரும் வரவேற்பை பெற்று கொடுத்தது.
அதைத் தொடர்ந்து தற்சமயம் இயக்குனர் பா.ரஞ்சித் இயக்கத்தில் தங்கலான் திரைப்படத்தில் விக்ரம் நடித்து வருகிறார். தங்கலான் திரைப்படம் தனது மார்க்கெட்டை பெரிதாக உயர்த்தும் என நம்புகிறார் விக்ரம்
இதனால் சில நாட்களாக வேறு எந்த திரைப்படத்திலும் கமிட் ஆகாமல் இருந்தார். ஏனெனில் தங்கலான் திரைப்படம் தரும் வரவேற்பு அவருக்கு சம்பளத்தை உயர்த்தும் என்று நம்பினார். தங்கலான் திரைப்படத்திற்கு 22 கோடி சம்பளமாக வாங்கி இருந்தார் விக்ரம்.
ஆனால் தற்சமயம் அடுத்து கமிட்டாகும் திரைப்படத்திற்கு அவருக்கு 50 கோடி சம்பளமாக தருவதாக பேசப்பட்டுள்ளது. இப்படியே கதைகளை தேர்ந்தெடுத்துச் சென்றால் கண்டிப்பாக விஜய் அஜித்திற்கு ஒரு போட்டியான நடிகராக விக்ரம் வந்து நிற்பார் என்று சீயான் ரசிகர்கள் பேசிக்கொள்கின்றனர்.
