லோகேஷ் கனகராஜ் திரைப்படத்திற்கு மக்கள் மத்தியில் வரவேற்பு என்பது அதிகரித்துக் கொண்டே வருகிறது. அதனால் லோகேஷ் கனகராஜின் வருமானமும் தற்சமயம் அதிகரித்திருக்கிறது.
அவரது திரைப்படங்களில் அதிகமாக எதிர்பார்க்கும் திரைப்படமாக தலைவர் 171 திரைப்படம் இருக்கிறது. ஏனெனில் லோகேஷ் கனகராஜ் ரஜினிகாந்த் இணைவது என்பது ஒரு பெரும் வெற்றிக்கான அடையாளமாகும்.
எனவே அந்த திரைப்படத்தை தயாரிப்பதற்கு லைக்கா ஹம்பாளே என்று பல நிறுவனங்கள் போட்டி போட்டன. அவற்றை எல்லாம் தாண்டி அந்த தயாரிக்கும் உரிமை சன் பிக்சர்ஸ் நிறுவனத்திடம் சென்றிருக்கிறது. எப்படியும் இந்த திரைப்படம் ஆயிரம் கோடிக்கு ஓடும் என்பதை பலரது நம்பிக்கையாக இருக்கிறது.
இந்த நிலையில் படத்தின் கதைக்காக பணிபுரிந்து வருகிறார் லோகேஷ் கனகராஜ். ஏற்கனவே ரஜினிகாந்த் நடித்து வரும் வேட்டையன் திரைப்படத்தின் முக்கால்வாசி படப்பிடிப்புகள் முடிந்து விட்டன. எனவே இன்னும் ஓரிரு மாதங்களில் அந்த படத்தின் முழு வேலைகளும் முடிந்துவிடும் அதற்குப் பிறகு ரஜினிகாந்த் ஏப்ரல் மாதத்தில் இருந்து லோகேஷ் கனகராஜ் திரைப்படத்தில் நடிக்க இருக்கிறார்.
அதற்கான கதை வேலைகளை தற்சமயம் பார்த்துக் கொண்டிருக்கும் லோகேஷ் கனகராஜ் ரஜினியின் படம் குறித்து கூறும்போது இந்த திரைப்படம் இதுவரை தமிழ் சினிமாவில் வெளிவராத புதுவகை திரைப்படம். ஆக்ஷன் திரைப்படம் என்றாலும் இந்த வகை திரைப்படங்களை இதுவரை யாரும் தமிழ் சினிமாவில் முயற்சித்தது கிடையாது. இதை சொல்லும் பொழுது ரஜினிகாந்த் மிகவும் ஆவலுடன் அதில் நடிக்க காத்திருப்பதாக கூறினார் என்று ஒரு விஷயத்தை கூறியிருக்கிறார் லோகேஷ் கனகராஜ் எனவே இந்த படம் குறித்த வரவேற்பு இன்னும் அதிகரித்து இருக்கிறது.
