Lokesh kanagaraj : தமிழ் சினிமாவில் வெகு வேகமாக வளர்ந்து வரும் ஒரு இயக்குனர் என்று லோகேஷ் கனகராஜை கூறலாம். முன்பெல்லாம் ஒரு இயக்குனர் மக்கள் மத்தியில் பிரபலமாவதற்கு அவர் 10 படங்களாவது இயக்கியிருக்க வேண்டும் என்கிற நிலை இருந்தது.
ஆனால் லோகேஷ் கனகராஜ் 5 படங்கள் இயக்கி முடிப்பதற்குள்ளையே இயக்குனர் சங்கரை விட அதிக சம்பளம் வாங்குகிறார். அந்த அளவிற்கு சமூக வலைத்தளங்கள் வளர்ந்து இருப்பதால் ஒரு இயக்குனர் சிறப்பான திரைப்படம் கொடுத்தாலே அவர் பெரிதாக வளர்ந்து விடுவதற்கான வாய்ப்புகள் தற்சமயம் அதிகரித்துள்ளது.
லோகேஷ் கனகராஜ் முதன்முதலாக இயக்கிய திரைப்படம் மாநகரம். இந்த திரைப்படத்தை இயக்கும் பொழுது லோகேஷ் கனகராஜ் கிட்டத்தட்ட 30 தயாரிப்பாளர்களிடம் இந்த திரைப்படத்தின் கதையை கூறினார். அப்போதெல்லாம் பலரும் அவரை உதாசீனப்படுத்தினர்.
இந்த படம் குறைந்த பட்ஜெட் திரைப்படம் என்பதால் அப்பொழுது அந்த திரைப்படத்தில் நடிகர் ரியோ ராஜ்க்கு ஒரு வாய்ப்பு கொடுக்க இருந்தார் லோகேஷ் கனகராஜ். பிக் பாஸ் நிகழ்ச்சி மூலமாக மக்கள் மத்தியில் ஓரளவு அப்போது பிரபலமாக இருந்தார் ரியோ ராஜ்.
இந்த நிலையில் அப்பொழுது சன் மியூசிக் போன்ற நிகழ்ச்சிகளில் ரியோ ராஜின் நடிப்புகளை பார்த்த லோகேஷ் கனகராஜ் அவருக்கு மாநகரம் திரைப்படத்தில் வாய்ப்பு கொடுக்கவில்லை. இது குறித்து லோகேஷ் நாகராஜ் கூறும் பொழுது உங்களுக்கு சின்ன கதாபாத்திரம் கொடுக்க எனக்கு விருப்பம் இல்லை உங்களுக்கு கொஞ்சம் பெரிய கதாபாத்திரமாக கொடுக்க நினைக்கிறேன் என்று கூறியிருக்கிறார்.
அதன் பிறகு வேறு ஒரு திரைப்படத்தில் சின்ன கதாபாத்திரத்தில் ரியோ ராஜ் நடிக்க சென்று இருக்கிறார். இதனை அறிந்த லோகேஷ் கனகராஜ் அந்த படத்தின் படப்பிடிப்புக்கு வந்து உங்களுக்கு நடிக்க வரவில்லை என்று நினைத்து நான் உங்களுக்கு வாய்ப்புகளை தராமல் இல்லை. உங்களுக்கு கொடுத்தால் பெரிய கதாபாத்திரம் கொடுக்க வேண்டும் என்று நினைத்தேன் சினிமாவில் அறிமுகம் ஆகும் பொழுது பெரும் கதாபாத்திரத்தில் ஆறுமுகமாகுங்கள் அதுதான் உங்கள் சினிமா வாழ்க்கைக்கு நல்லது என்று அறிவுரை கூறியிருக்கிறார் லோகேஷ் கனகராஜ்.
