விநாயக் வைத்தியநாதன் இயக்கத்தில் விஜய் ஆண்டனி நடிப்பில் உருவாகியுள்ளது ரோமியோ திரைப்படம். இந்த படத்தில் விஜய் ஆண்டனியுடன் ஹீரோயின் ஆக மிருணாளினி ரவி நடித்துள்ளார். இவர்களுடன் யோகி பாபு, vtv கணேஷ், தலைவாசல் விஜய்,இளவரசு, சுதா ஸ்ரீஜா ரவி, மற்றும் பல நடிகர்கள் முக்கிய கதாபாத்திரத்தில் நடித்துள்ளனர்.
டப்ஸ்மாஷ் இணையதள பயன்பாட்டின் மூலம் பிரபலமாகி திரை உலகிற்குள் வந்தவர் நடிகை மிருணாளினி ரவி. 2016 ஆம் ஆண்டு சிமைல் சேட்டையின் சிறந்த பெண் டப்மேஷ் என்ற விருதுனை பெற்ற இவர், 2019 ஆம் ஆண்டு சூப்பர் டீலக்ஸ் திரைப்படத்தில் நடித்து தமிழ் திரை உலகிற்கு அறிமுகமானார். இவர் சுசீந்திர நீக்கிய சாம்பியன் திரைப்படத்தில் கதாநாயகியாக நடித்துள்ளார்.
இவர் தற்போது நடித்து வெளியாக உள்ள திரைப்படம் ரோமியோ. இந்த படத்தின் பிரஸ்மீட் நிகழ்ச்சியில் பேசிய இவர், ரோமியோ படம் என் வாழ்வில் மிகப்பெரிய திருப்புமுனையாக அமையும் எனவும் பட வாய்ப்பு என்பதை விட இதை பொறுப்பாகவே பார்க்கிறேன் எனவும் கூறியுள்ளார். மறுநாளினி என இயக்குனர் தன்னை கூப்பிட்டதே இல்லை எனவும் லீலா என்றுதான் கூப்பிடுவார் எனவும் பகிர்ந்த இவர், அந்த அளவுக்கு கதையோடு ஒன்றி விட்டதாகவும் கூறியுள்ளார்.
விஜய் ஆண்டனி சார் மல்டி டாஸ்கிங் நபர் எனவும் அவரைப் பார்த்துதான் தன் பல விஷயங்களை கற்றுக் கொண்டதாகவும் கூறிய இவர், இந்த படத்தில் தான் முதன்முறையாக டப்பிங் செய்திருப்பதாகவும் தெரிவித்துள்ளார்.
ஒரு பெண் எப்படி ஆணை கொடுமைப்படுத்துகிறாள், அதை ஆண் சமூகம் எப்படி பொறுத்துக் கொள்கிறது என்பதை கதைக்களமாகக் கொண்ட இந்த படத்தை குடும்பத்தோடு நிச்சயம் பார்க்கலாம் என இந்த படத்தின் கதாநாயகர் விஜய் ஆண்டனி கூறியுள்ளது குறிப்பிடத்தக்கது.
