இங்கிலாந்துல போடுற மாதிரி மியூசிக் போட தெரியுமா உனக்கு!.. எம்.எஸ்.விக்கு சீரியஸாக சவால் விட்ட சிவாஜி!..

Sivaji Ganesan and MSV: கருப்பு வெள்ளை சினிமா காலகட்டங்களில் நடிப்பில் பெரிய ஜாம்பவான் என்றால் அது சிவாஜி கணேசன்தான். அதேபோல இசையமைப்பதில் பெரிய ஆள் என்றால் அது எம்.எஸ் விஸ்வநாதன் தான்.

அப்போது இருந்த பெரும் நடிகர்கள் பலருக்கும் எம்.எஸ் விஸ்வநாதன்தான் இசையமைத்து கொடுத்துக் கொண்டிருந்தார். சிவாஜி கணேசனை பொருத்தவரை அவர் உலக சினிமாக்களை அதிகமாக பார்க்கக் கூடியவர். உலக சினிமா நடிகர்கள் எப்படியாக நடிக்கின்றனர் என்பதை எல்லாம் சிவாஜி கணேசன் பார்த்துக் கொள்வார்.

அவற்றை கொண்டு தமிழில் எப்படி புதுப்புது கதாபாத்திரங்களை அமைத்து நடிப்பது என்பதை தொடர்ந்து தெரிந்து கொள்பவர் சிவாஜி கணேசன். அப்படியாக அவர் மேல் நாட்டு இசைகளை கேட்ட பொழுது அவருக்கு அதன் மீது ஈடுபாடு இருந்தது.

சிவாஜி விட்ட சவால்:

ஆனால் தமிழில் இசையமைக்கும் இசையமைப்பாளர்கள் யாரும் இவ்வளவு மெலோடியான பாடல்களை இசையமைப்பதில்லையே என்கிற வருத்தம் சிவாஜி கணேசனுக்கு இருந்தது. இந்த நிலையில் ஒருமுறை எம்.எஸ்.விக்கு போன் செய்த சிவாஜிகணேசன் அவரிடம் பேசிக் கொண்டிருக்கும் பொழுது எப்போதுமே ஒரே மாதிரி இசைதான் போடுவீர்களா இல்லை இங்கிலாந்தில் வருவது மாதிரியான மெலோடி பாடல்களும் உங்களுக்கு இசையமைக்க தெரியுமா என்று கேட்டிருக்கிறார் சிவாஜி.

 இதனை கேட்டதும் எம்.எஸ்.விக்கு கோபம் வந்துவிட்டது. என்னால் எந்த ஒரு இசையையும் அமைக்க முடியும், அப்படி ஒரு இசையை போட்டால் உங்களால் அதற்குத் தகுந்தார் போல நடிக்க முடியுமா என்று கேட்டிருக்கிறார் எம் எஸ் வி.

உடனே சிவாஜி கணேசன் நீங்கள் முதலில் இசையமைத்து காட்டுங்கள். பிறகு நான் அதில் நடிக்கிறேன் என்று கூறிவிட்டார் இதனை கேட்டதும் எம் எஸ் வி வேகவேகமாக அமர்ந்து ஒரு சிறப்பான மெலோடி இசையை அமைத்தார்.

கண்ணதாசனிடம் சென்று அதற்கு பாடல் வரிகளையும் எழுதி அந்த பாடலை சிவாஜிக்கு அனுப்பி வைத்தார். அந்த பாடலை கேட்ட சிவாஜி மறுநாள் படபிடிப்பை நிறுத்திவிட்டார். அது குறித்து இயக்குனர் கேட்ட பொழுது எம் எஸ் வி கூறியது உண்மைதான் இந்த பாடலுக்கு தகுந்தார் போல நடிப்பது கொஞ்சம் சிரமம் தான்.

நான் அதற்கு தயாராகி விட்டு வருகிறேன் என்று நேரம் எடுத்துக் கொண்டு பிறகு அந்த பாடலில் வந்து நடித்திருக்கிறார் சிவாஜி. யார் அந்த நிலவு என்கிற அந்த பாடல் இப்போது வரை மக்கள் மத்தியில் பிரபலமான பாடலாகும்