கமல் நடிப்பில் தற்சமயம் தயாராகி வரும் திரைப்படம் இந்தியன் 2. இந்தியன் முதல் பாகமே மக்கள் மத்தியில் வெகுவான வரவேற்பை பெற்றது பலருக்கும் தெரிந்த விஷயமாகும்.
எனவே இந்தியன் 2 கண்டிப்பாக பெரும் வெற்றியை தரும் என்று எதிர்பார்க்கப்படுகிறது. இந்த திரைப்படத்திற்காக படத்தின் தயாரிப்பு நிறுவனமான லைக்கா எக்கச்சக்கமான செலவுகளை செய்திருக்கிறது மேலும் இந்த திரைப்படம் இரண்டு பாகங்களாக உருவாகி இருக்கின்றன.
இந்தியன் 2:
இந்த நிலையில் படத்தை விளம்பரம் செய்வதற்காக இயக்குனர் சங்கமும் நடிகர் கமலஹாசனும் களத்தில் இறங்கி இருக்கின்றனர். நிறைய நிகழ்வுகளுக்கு சென்று வருகின்றனர். இன்னும் கொஞ்ச நாட்களில் பிரபல யூட்யூப் சேனல்களில் சங்கர் மற்றும் கமல்ஹாசனை அதிகமாக பார்க்க முடியும் என்று கூறப்படுகிறது.
இந்தியன் 2 திரைப்படத்திற்காக வெகுவாக உழைத்திருக்கிறார் கமல்ஹாசன். பத்திரிகையாளர் சந்திப்பில் அவரிடம் கேள்வி கேட்ட பத்திரிக்கையாளர் இந்தியன் படத்தில் நான்கு ஐந்து பாகங்கள் எல்லாம் வருமா என்று கேட்ட பொழுது அதற்கு பதில் அளித்த கமல்ஹாசன் நீங்கள் கூறுவதை கேட்கும் போதே எனக்கு உடம்பெல்லாம் உதறுகிறது திரும்ப என்னால் இந்த மாதிரி ஒரு திரைப்படத்தில் நடிக்க முடியாது என்று கூறியிருந்தார்.
தண்ணி கூட கொடுக்கலை:
இப்படி இந்தியன் திரைப்படம் குறித்து கேள்விகள் கேட்டுக்கொண்டிருந்த பொழுது ஒரு பத்திரிகையாளர் முன்வந்து இந்தியன் திரைப்படத்தின் இசை வெளியீட்டு விழாவில் பத்திரிகையாளர்களை மதிக்கவே இல்லை எங்களுக்கு குடிக்க தண்ணி கூட கொடுக்கவில்லை இதெல்லாம் உங்களுக்கு சரி என்று படுகிறதா என்று கேட்க தொடங்கிவிட்டார்.
அப்பொழுது அங்க இருந்து தொகுப்பாளர் இந்தியன் திரைப்படம் குறித்த கேள்விகளை மட்டும் கேளுங்கள் என்று பதில் அளித்திருந்தார் இருந்தாலும் அந்த சமயத்தில் கமல் மட்டும் சங்கர் இருவருமே பதில் சொல்ல முடியாத தர்ம சங்கடத்திற்கு உள்ளாகி இருந்தனர்.
