தொடர்ந்து நடிகர் தனுஷ் நடித்து வரும் திரைப்படங்களுக்கு தமிழ் சினிமாவில் நல்ல வரவேற்பு என்பது கிடைத்து வருகிறது. இந்த நிலையில் அவர் இயக்கி நடித்துவரும் திரைப்படம் இட்லி கடை.
இந்த திரைப்படம்தான் அடுத்து சினிமாவில் வெளியாகும் என்று எதிர்பார்த்து இருந்த நிலையில் அதற்கு முன்பாகவே குபேரா திரைப்படம் திரைக்கு வர இருக்கிறது.
இந்த திரைப்படம் முழுக்க முழுக்க மும்பையில் நடக்கக்கூடிய கதைகளம் என்று ஒரு பக்கம் பேச்சுக்கள் இருக்கின்றன. ஒரு கார்ப்பரேட் நிறுவனத்தின் முதலாளிக்கும் பிச்சைக்காரனுக்கும் இடையே நடக்கும் சண்டைதான் குபேரா திரைப்படத்தின் கதை என்று கூறப்படுகிறது.
மிகப்பெரிய கார்ப்பரேட் நிறுவனத்தின் அஸ்திவாரத்தை ஆட்டக்கூடிய ஒரு சாதாரண ஆளாக தனுஷ் நடித்திருக்கிறார். இதுவே படத்திற்கு அதிகம் மாஸ் ஏற்படுத்தியிருக்கிறது.
இது மட்டுமின்றி நடிகர் நாகார்ஜுனாவும் இந்த திரைப்படத்தில் முக்கிய கதாபாத்திரத்தில் நடித்திருக்கிறார். இந்த நிலையில் இந்த திரைப்படத்தின் டிரைலர் சமீபத்தில் வெளியாகி அதிக வைரல் ஆகி வருகிறது.
