விஜய் டிவியில் ஒளிபரப்பாகி வரும் பிக் பாய் நிகழ்ச்சியின் ஏழாவது சீசனின் முதல் வாரம் வெற்றிகரமாக கடந்துள்ளது. தற்போது வார இறுதி என்பதால் நிகழ்ச்சி தொகுப்பாளர் கமல்ஹாசன் ஹவுஸ்மேட்ஸுடன் பேசி வருகிறார்.
பொதுவாக முதல் வாரத்தில் எலிமினேஷன் இருக்காது என்று ஹவுஸ்மேட்ஸ் அலட்சியமாக இருந்து வரும் நிலையில் எலிமிநேஷன் இருக்கிறது என்று சொல்லி அதிர்ச்சியைக் கிளப்பியுள்ளார் கமல்ஹாசன். அதுவும் இரண்டு வீடுகள் இருப்பதால் இரண்டு எலிமினேஷன் இருக்கலாம் என்று அவர்கள் இடையே பீதியை கிளப்பியுள்ளார். ஆனால் ஸ்மால் ஹவுஸில் உள்ளவர்கள் பெரிய அளவில் டாஸ்க்குகளில் விளையாடாத காரணத்தால் அவர்களில் எலிமினேஷன் இருக்காது என்று எதிர்பார்க்கப்படுகிறது.
பிக்பாஸ் வீட்டில் யார் எலிமினேஷன் செய்யப்படுவார்கள்? என்பது குறித்த யூகத்தை கமல்ஹாசன் ஹவுஸ்மேட்ஸிடம் கேட்டபோது பவா செல்லத்துரை சற்றும் யோசிக்காமல் ப்ரதீப் எலிமினேஷன் ஆவார் என்று கூறியுள்ளார். ஆனால் பிரதீப் பவாவை தனது குருவாக நினைப்பதாகவும் அவர் இந்த போட்டியை விட்டு சீக்கிரத்தில் சென்றுவிடக் கூடாது என்றும், அடிக்கடி பேசி வந்தவர். ஆனாலும் பவா பிரதீப்பிற்கு எதிராக பேசியுள்ளது அவரை அதிர்ச்சியில் ஆழ்த்தியுள்ளது.
இது ஒரு பக்கம் இருக்க மற்ற ஹவுஸ்மேட்ஸ் அனைவரும் யார் எலிமினேஷன் ஆவர்கள் என்ற கேள்விக்கு பவா செல்லதுரையையே கை காட்டியுள்ளனர். என்னதான் பவா அவர்களிடம் கதை சொல்லி பேசி வந்தாலும் அவர்களோடு அதிக அளவில் அட்டாச் ஆகாததால் அவர் வெளியேறவேண்டும் என்றே பலரும் நினைப்பதாக தெரிகிறது.
ஆனால் பவாவோ ”நான் அவ்வளவு சீக்கிரத்தில் வெளியேற மாட்டேன். இன்னும் சில நாட்களில் நான் இங்கே இருப்பேன் என்று நம்புகிறேன்” என்று கூறியுள்ளார். இன்று யார் எலிமினேஷன் என்று கார்டை பார்த்து கமல்ஹாசன் சொல்ல போகிறார். அதில் நிஜமாகவே யாருடைய பெயராவது இருக்கிறதா? அல்லது வெறும் கார்டை ஹவுஸ் மேட்ஸை பயமுறுத்துவதற்காக கமல்ஹாசன் காட்டுகிறாரா? என்பதை பொறுத்திருந்துதான் பார்க்க வேண்டும்.
