பலான படத்துக்கு கூட்டிட்டு போ.. ஆட்டோக்காரரை அதிர்ச்சிக்குள்ளாக்கிய ரஜினி!..

தமிழ் சினிமாவில் பிரபலமான நடிகர்களில் முக்கியமானவர் நடிகர் ரஜினிகாந்த். இவர் தொடர்ந்து ஹிட் படங்களாக கொடுத்து வருகிறார். தற்சமயம் ரஜினி நடிப்பில் வெளியான ஜெயிலர் திரைப்படம் எதிர்பார்த்ததை விடவும் நல்ல வெற்றியை தந்தது.

அதனை தொடர்ந்து தற்சமயம் த.செ ஞானவேல் இயக்கத்தில் ஒரு படத்தில் நடித்து வருகிறார் ரஜினிகாந்த். அதற்கு பிறகு இயக்குனர் லோகேஷ் கனகராஜ் இயக்கத்தில் ஒரு படத்தில் நடிக்க இருக்கிறார். ஒரு பத்து வருடத்திற்கு முன்பு இப்போது இருப்பதை விடவும் ஜாலியாக இருப்பாராம் ரஜினி.

அவரை பற்றி சுவாரஸ்யமான விஷயம் ஒன்றை இயக்குனர் பி.வாசு தனது நேர்க்காணலில் பகிர்ந்துள்ளார். கர்நாடாகவிற்கு செல்லும்போது அங்கு நிறைய காமெடிகளை செய்வாராம் ரஜினிகாந்த். இப்படிதான் ஒருமுறை வயதானவர் மாதிரி வேஷம் போட்டுக்கொண்டு ஆட்டோவில் ஏறியுள்ளார் ரஜினி.

அவரை ஆட்டோவில் ஏற்றிய ஆட்டோக்காரர் எங்கு போக வேண்டும் என்று கேட்க ஏதாவது பலான படத்துக்கு போப்பா என கூறியுள்ளார். யோவ் பெருசு இந்த வயசுல உனக்கு இது தேவையா? என ஆட்டோக்காரர் திட்டியுள்ளார். இந்த மாதிரியான விஷயங்களை எல்லாம் செய்துள்ளார் ரஜினி என பி.வாசு தனது பேட்டியில் கூறியுள்ளார்.