லோகேஷ் கனகராஜ் இயக்கத்தில் ஒரு திரைப்படம் தமிழில் உருவாகிறது என்றாலே அந்த திரைப்படத்திற்கு அதிகமான வரவேற்புகளும் எதிர்பார்ப்புகளும் உருவாகிவிடுகிறது.
அந்த நிலையில் தற்சமயம் தயாராகி வரும் லியோ திரைப்படத்திற்கும் எக்கச்சக்கமான வரவேற்பு இருந்து வருகிறது. ஒருவகையில் இது லோகேஷ் கனகராஜிற்கே பெரும் பயத்தை உருவாக்கி உள்ளது என்று கூறலாம்.
ஏனெனில் மக்களிடம் அதிகபட்சமான எதிர்பார்ப்புகள் இருக்கும் பொழுது அதை நிறைவு செய்யும் பெரும் பொறுப்பு இயக்குனருக்கு வந்து விடுகிறது எனவே கிட்டத்தட்ட பல youtube சேனல்களுக்கு பேட்டி கொடுத்துள்ளார் லோகேஷ் கனகராஜ்.
அனைத்து பேட்டிகளிலுமே லியோ திரைப்படம் குறித்து நிதானமான தனது பதிலை கொடுத்து விளக்கமும் கொடுத்துள்ளார் லோகேஷ் கனகராஜ். இந்த நிலையில் இன்று சென்னை திரையரங்குகளில் லியோ படம் குறித்து ஒரு பிரச்சனை உருவானது.
ஷேர் தொடர்பான பிரச்சனை காரணமாக ரோகிணி வெற்றி போன்ற சில திரையரங்குகள் லியோ திரைப்படத்தை வெளியிடப் போவதில்லை என்று கூறியுள்ளனர். மேலும் படத்திற்கான புக்கிங் கூட இன்னும் அவர்கள் திறக்கவில்லை. இந்த நிலையில் இந்த சர்ச்சை குறித்து பத்திரிகையாளர் பேட்டியில் லோகேஷ் கனகராஜிடம் கேட்கும் பொழுது அது என் கை மீறிய விஷயமாகும்.
படத்திற்குள் உள்ள எந்த விஷயத்தையும் என்னால் செய்ய முடியும். ஆனால் வியாபார ரீதியான விஷயங்கள் தயாரிப்பாளருடைய கையில் உள்ளது அதற்கும் எனக்கும் எந்த சம்பந்தமும் கிடையாது இருந்தாலும் இன்று இரவு 7:00 மணிக்குள் இந்த பிரச்சனையை சரி செய்து சென்னையிலும் லியோ திரைப்படத்தை திரையிடுவோம் என்று கூறியுள்ளார் லோகேஷ் கனகராஜ். எனவே படத்தின் தேதியை மாற்றி வைப்பார்கள் என்று ரசிகர்கள் அஞ்சத் தேவையில்லை என இதன் மூலம் அறியப்படுகிறது.
