Latest News
பாலா ஷங்கரை விட ரஞ்சித் படத்துல ரொம்ப கஷ்டப்பட்டுட்டேன்… ஓப்பனாக கூறிய விக்ரம்!..
Vikram in thangalaan : தமிழ் சினிமாவில் அதிகமாக மாறுவேடம் போட்டு திரைப்படங்களில் நடிக்கும் நடிகர்களில் முக்கியமானவர் நடிகர் விக்ரம். அவரது திரைப்படத்தில் அதிகம் மாறு வேடங்கள் இருக்கிறது என்றாலே உடனே அந்த படத்திற்கு நடிக்க சென்று விடுவார்.
அப்படி அவர் நடித்த இருமுகன், கோப்ரா, ஐ போன்ற திரைப்படங்களில் பல வேடங்களில் அவர் நடித்திருப்பதை பார்க்க முடியும். அப்படியாக தற்சமயம் ரஞ்சித் இயக்கும் தங்கலாம் திரைப்படத்திலும் புதிய கெட்டப்பில் அறிமுகமாகி இருக்கிறார் விக்ரம்.
இந்த படத்தின் டீசர் வெளியானதில் இருந்து படம் குறித்து அதிக வரவேற்பு நிலவி வருகிறது. தமிழில் ஒரு சிறப்பான திரைப்படம் வரவிருக்கிறது என்று மக்கள் மத்தியில் பேச்சுக்கள் இருந்து வருகின்றன. இந்த நிலையில் பட விழாவில் விக்ரம் கலந்து கொண்ட பொழுது பாலா, சங்கர், ரஞ்சித் மாதிரியான மூன்று பெரியஇயக்குனர்கள் திரைப்படத்தில் பணிபுரிந்து இருக்கிறீர்கள்.
அந்த மூன்று படங்களிலுமே கடினமான கதாபாத்திரத்தில் நடித்திருக்கிறீர்கள் இதில் எது உங்களுக்கு மிகவும் கஷ்டமாக இருந்தது என்று விக்ரமிடம் கேட்டனர். அதற்கு பதில் அளித்த விக்ரம் பாலா இயக்கிய சேது படமாக இருக்கட்டும். ஷங்கர் இயக்கிய ஐ படமாக இருக்கட்டும் இப்போது நடிக்கும் தங்கலானாக இருக்கட்டும் அனைத்து படங்களிலுமே மிகவும் கஷ்டப்பட்டு தான் நடித்திருக்கிறேன்.
ஆனால் தங்கலான் படத்துடன் ஒப்பிடும் பொழுது சேது திரைப்படம் அல்லது ஐ திரைப்படம் எனக்கு பெரிய கஷ்டமே கிடையாது, அந்த அளவிற்கு தங்கலான் திரைப்படத்தில் மிகவும் கஷ்டப்பட்டு இருக்கிறேன் உடலளவிலும் மனதளவிலும் ரொம்ப கஷ்டப்பட்டு இருக்கிறேன் என்று கூறியிருக்கிறார் விக்ரம்.