2018 ஆம் ஆண்டு வந்த 2.0 திரைப்படத்திற்கு பிறகு சங்கர் இயக்கத்தில் தமிழ் சினிமாவில் திரைப்படங்களே வரவில்லை. கிட்டத்தட்ட ஆறு வருடங்களாக ஷங்கர் இந்தியன் 2 திரைப்படத்தை இயக்கி வந்து கொண்டிருக்கிறார்.
அதனால் அவரது இயக்கத்தில் திரைப்படங்கள் எதுவும் வராமல் இருக்கிறது. இதனை தொடர்ந்து ஒரே நேரத்தில் இரண்டு திரைப்படங்களை இயக்கி வருகிறார் சங்கர். இந்தியன் 2 திரைப்படத்தோடு சேர்த்து ராம்சரண் நடிக்கும் கேம் சேஞ்சர் திரைப்படத்தையும் இயக்கி வருகிறார்.
பெரும் பட்ஜெட் படம்:
எனவே இந்த வருடம் சங்கர் இயக்கத்தில் இரண்டு திரைப்படங்கள் வெளியாகும் என்று எதிர்பார்க்கப்படுகிறது. இந்த திரைப்படங்களுக்கு பிறகு சு.வெங்கடேசன் எழுதிய விகடனில் தொடராக வந்த வேள்பாரி தொடரை திரைப்படமாக இருக்கிறார் இயக்குனர் ஷங்கர்.
இந்த திரைப்படம் கிட்டத்தட்ட 1000 கோடி பட்ஜெட்டில் தயாராக இருப்பதாக ஏற்கனவே பேச்சுக்கள் இருந்து வருகின்றன. இந்த நிலையில் இந்த படத்தில் முக்கிய கதாபாத்திரம் ஒன்றில் அஜித்தை நடிக்க வைப்பது குறித்து பேச்சு வார்த்தைகள் இருந்து வருவதாக கூறப்படுகிறது.
இதுவரை சங்கரின் இயக்கத்தில் அஜித் எந்த ஒரு திரைப்படத்திலும் நடித்ததில்லை என்பதால் இந்த செய்தி குறித்து வரவேற்புகள் அதிகரித்து வருகின்றன. ஆனால் கண்டிப்பாக அது வேள்பாரி கதாபாத்திரமாக இருக்காது கதையில் வரும் வேறு ஒரு முக்கிய கதாபாத்திரமாகதான் இருக்கும் என்று கூறப்படுகிறது. அப்படி என்றால் வேள்பாரி கதாபாத்திரத்தில் யார் நடிப்பார் என்பது பலரது எதிர்பார்ப்பாக இருந்து வருகிறது.
