தமிழில் வெற்றி படங்கள் இயக்கும் இயக்குனர்களில் முக்கியமானவர் இயக்குனர் சுந்தர் சி. சினிமாவில் ஆரம்பக்கட்டம் முதலே இவர் நிறைய காமெடி திரைப்படங்களை இயக்கியுள்ளார். இவரிடம் உதவி இயக்குனராக பணிப்புரிந்த இயக்குனர் சுராஜும் அதே வழிமுறையை பின்பற்றி தொடர்ந்து காமெடி படங்களாக இயக்கி வந்தார்.
காமெடி திரைப்படங்களை தேர்ந்தெடுக்கும் எந்த ஒரு இயக்குனரும் தொடர்ந்து அதில் பயணிப்பதில்லை. அப்படியிருக்கும்போது தொடர்ந்து காமெடி இயக்குனராக பயணித்து வருகிறார் சுந்தர் சி.
இதற்கு நடுவே பேய் படங்கள் வழியாகவும் சினிமாவில் நல்ல வரவேற்பை பெற்றுள்ளார் சுந்தர் சி. இந்த நிலையில் தற்சமயம் அவர் இயக்கிய அரண்மனை 4 திரைப்படமானது சில நாட்களில் திரைக்கு வர இருக்கின்றன. இந்த நிலையில் இதுக்குறித்து அவரிடம் பேசும்போது சுந்தர் சி சில விஷயங்களை பகிர்ந்திருந்தார்.
அதில் அவர் கூறும்போது பொதுவாக சினிமாவில் நிறைய வகையான திரைப்படங்கள் இருக்கின்றன. அவற்றில் மற்ற வகை திரைப்படங்களுக்கு இருக்கும் மதிப்பு காமெடி படங்களுக்கு இருப்பதில்லை. வேறு வகை திரைப்படங்களை இயக்கும் இயக்குனர்களை கூட அதிகமாக மதிக்கின்றனர்.
ஆனால் காமெடி படம் இயக்கும் இயக்குனர்களை அவர்கள் கண்டுக்கொள்வதில்லை. இது வெறும் காமெடி திரைப்படம்தானே என கடந்து சென்றுவிடுகின்றனர். ஆனால் உண்மையில் காமெடி திரைப்படங்கள் இயக்குவது ஒன்றும் அவ்வளவு எளிதான விஷயம் கிடையாது.
அதனால்தான் இப்போதும் கூட இயக்குனர்கள் காமெடி திரைப்படங்களை இயக்குவதற்கு தயக்கம் காட்டுகின்றனர் என கருத்து தெரிவித்துள்ளார் சுந்தர் சி.
