Cinema History
போயும் போயும் வடிவேலு கூடவா நடிக்கிற!.. கோவை சரளாவிடம் சத்தம் போட்ட கவுண்டமணி!.. ஆனா அது பெரும் ஹிட்டு!..
WhatsApp
Facebook
X
Threads
Instagram
Kovai sarala: கவுண்டமணி செந்தில் இருவரும் தமிழ் சினிமாவில் பெரும் உயரத்தை தொட்டிருந்தப்போது கிராமத்தில் புதிதாக காமெடி நடிகராக அறிமுகமானவர்தான் நடிகர் வடிவேலு. வடிவேலுவை பொறுத்தவரை அவர் ஆரம்பத்தில் தமிழ் சினிமாவில் நிறைய துன்பங்களுக்கு உள்ளானார்.
முக்கியமாக நடிகர் கவுண்டமணியால் தொடர்ந்து அவருக்கு தொல்லை இருந்து வந்தது. ஏனெனில் கவுண்டமணியுடன் சேர்ந்து நடித்தாலும் கூட வடிவேலு அதில் தனியாக ஸ்கோர் செய்து வந்தார். இந்த நிலையில்தான் வரவு எட்டனா செலவு பத்தனா என்கிற திரைப்படத்தை இயக்குனர் வி.சேகர் இயக்கினார்.
வடிவேலுவை திரைத்துறையில் வளர்ச்சி அடைய உதவி செய்த இயக்குனர்களில் வி சேகர் முக்கியமானவர். இந்த நிலையில் வரவு எட்டனா செலவு பத்தனா திரைப்படத்தில் ஆட்டோ ட்ரைவர் பீட்டர் என்கிற கதாபாத்திரம் வடிவேலுவிற்கு கொடுக்கப்பட்டது.
கவுண்டமணி செய்த வேலை:
அதே திரைப்படத்தில் கவுண்டமணி மற்றும் செந்தில் இருவரும் நடித்தனர். இந்த நிலையில் நடிகை கோவை சரளாவிற்கு ஜோடியாக வடிவேலுவை நடிக்க வைத்தார் இயக்குனர். இந்த நிலையில் இந்த விஷயத்தை அறிந்த கவுண்டமணி கோவை சரளாவை அழைத்து நீ எவ்வளவு அனுபவம் வாய்ந்த நடிகை.
இப்படி வடிவேலு மாதிரியான புது காமெடி நடிகருக்கு உன்னை ஜோடியாக போட்டிருக்கிறார்கள். போயும் போயும் அவனுடனா நடிக்க போகிறாய் என கூறியுள்ளார். ஏனெனில் அதற்கு முன்பு வரை கோவை சரளா கவுண்டமணி மற்றும் செந்திலுக்குதான் ஜோடியாக நடித்து வந்தார்.
இந்த நிலையில் வி சேகரிடம் சென்று இதற்காக சண்டையிட்டுள்ளார் கோவை சரளா. ஆனால் வடிவேலு நன்றாக நடிக்கிறார். உங்கள் இருவரது காம்போ நல்ல வெற்றியை கொடுக்கும் என இயக்குனர் சமாதானப்படுத்தியதை அடுத்து அதில் நடித்தார் கோவை சரளா.
அதே போலவே அந்த திரைப்படம் வெளியானப்போது வடிவேலுவின் காமெடிக்கு மக்கள் மத்தியில் நல்ல வரவேற்பு கிடைத்தது.
