வெயில் திரைப்படம் மூலமாக தமிழ் சினிமாவிற்கு இயக்குனராக அறிமுகமானவர் இசையமைப்பாளர் ஜி.வி பிரகாஷ். மிக சின்ன வயதிலேயே தமிழ் சினிமாவில் இசையமைப்பாளரானார் ஜிவி பிரகாஷ். வெயில் திரைப்படத்தில் அவர் இசையமைத்த பாடல்கள் நல்ல வரவேற்பை பெற்றன.
அதனை தொடர்ந்து இசையமைப்பாளராக நிறைய திரைப்படங்களில் வாய்ப்பை பெற்றார் ஜிவி பிரகாஷ். ஆடுகளம் திரைப்படத்திற்கு இசையமைத்தப்போது அவருக்கும் தனுஷிற்கும் இடையே நட்பு ஏற்பட்டது. அதன் பிறகு இருவரும் நெருங்கிய நண்பர்களானார்கள்.
இதற்கு நடுவே சினிமாவில் நடிகராக அறிமுகமானார் ஜிவி பிரகாஷ். டார்லிங் என்கிற திரைப்படத்தில் முதன் முதலாக கதாநாயகனாக அறிமுகமானார். அந்த திரைப்படத்திற்கு நல்ல வரவேற்பு கிடைத்தது. இதற்கு நடுவே நடிகர் தனுஷிற்கும் ஜிவி பிரகாஷிற்கும் இடையே ஏதோ பிரச்சனை ஏற்பட்டது. இருவரும் பிரிந்தனர் என பேச்சுக்கள் இருந்து வந்தன.
இந்த நிலையில் தற்சமயம் அவரது படம் தொடர்பாக ப்ரோமோஷனுக்காக பல யூ ட்யூப் சேனல்களுக்கு பேட்டி அளித்து வருகிறார் ஜிவி பிரகாஷ். அதில் உண்மையிலேயே உங்களுக்கும் தனுஷிற்கும் இடையே சண்டையா என கேட்கப்பட்டது.
அதற்கு பதிலளித்த ஜிவி பிரகாஷ் கூறும்போது நண்பர்கள் என்றால் எப்போதும் ஒற்றுமையாக இருக்க மாட்டார்கள். அடிக்கடி சண்டை போட்டுக்கொள்வார்கள் இல்லையா!.. அப்படிதான் நானும் தனுஷும். சின்ன சண்டை காரணமாக 6 வருடங்களாக பேசிக்கொள்ளாமல் இருந்தோம். தற்சமயம் நாங்கள் மீண்டும் நண்பர்களாகிவிட்டோம் என்கிறார் ஜிவி பிரகாஷ்.
