DD Divyadarshini: திரைத்துறையில் மட்டும் இருப்பவர்கள் பிரபலமாகிக் கொண்டிருக்கும் காலத்தில் தற்பொழுது சீரியல்களில் நடிப்பவர்கள், ரியாலிட்டி ஷோவில் கலந்துக்கொள்பவர்கள் பிரபலமாகி வருகிறார்கள்.
மேலும் ஒரு சேனலில் போட்டியாளராக பங்கேற்று அதன் பிறகு மக்கள் மத்தியில் பிரபலம் ஆகி, அதன் மூலம் சினிமா வாய்ப்புகள் கிடைத்து சினிமா துறையில் சாதித்தவர்கள் பலர் உள்ளார்கள்.
டிவி ஷோக்கள் மூலம் பிரபல நிகழ்ச்சிகளை தொகுத்து வழங்கி அதன் மூலம் மக்கள் மத்தியில் பிரபலமாகி தனக்கென ஒரு தனி இடத்தை பிடித்தவர்கள் பலர் இருக்கிறார்கள்.
அந்த வரிசையில் தற்பொழுது மக்கள் மத்தியில் பிரபலமாக உள்ள சேனல் தான் விஜய் டிவி. இந்த தனியார் சேனலில் ஒளிபரப்பாகும் அனைத்து நிகழ்ச்சிகளும் மக்கள் மத்தியில் ஒரு நல்ல வரவேற்பை பெற்றிருக்கின்றன.
மேலும் அதற்குக் காரணம் நிகழ்ச்சியில் பங்கேற்கும் போட்டியாளர்கள் மற்றும் அந்நிகழ்ச்சியை தொகுத்து வழங்கும் தொகுப்பாளர்களும் ஆவார்கள்.
இந்த தனியார் தொலைக்காட்சியின் மூலம் பிரபலமானவர்கள் சினிமா துறையில் அவர்களுக்கு நல்ல வரவேற்பு கிடைக்கிறது. அந்த வகையில் மக்கள் மத்தியிலும், சினிமா துறையிலும் ஒரு நல்ல இடத்தில் இருப்பவர் தான் டிடி எனப்படும் திவ்யதர்ஷினி.
தொகுப்பாளினி திவ்யதர்ஷினி
டிடி திவ்யதர்ஷினி நிகழ்ச்சிகளை தொகுத்து வழங்கும் தொகுப்பாளினி. தமிழ் சினிமாவில் ஓரிரு சிறிய கதாபாத்திரத்தில் நடித்துள்ளார். மேலும் இவர் தொகுத்து வழங்கிய காபி வித் டிடி, அன்புடன் டிடி போன்ற நிகழ்ச்சிகளை இவர் தொகுத்து வழங்கியுள்ளார்.
திவ்யதர்ஷினிக்கு டிடி என்று பெயர் வைத்தது பிரபல நடிகரான சிம்பு தான். இவர் பல விருது வழங்கும் நிகழ்ச்சிகளையும் தொகுப்பாளினியாக கலந்து கொண்டு நிகழ்ச்சிகளை திறமையாக நடத்தக் கூடியவர்.
இவர் தமிழ் சினிமாவில் உள்ள பெரிய பெரிய பிரபலங்கள் வரை அனைவரையும் பேட்டி எடுத்துள்ளார். சூப்பர் ஸ்டார் ரஜினிகாந்த், உலக நாயகன் கமல்ஹாசன், டைரக்டர் ஷங்கர் ஆகியோர்களை பேட்டி எடுத்துள்ளார்.
மேலும் சிறிது நாட்களுக்கு முன்பு நடந்த விபத்தின் காரணமாக இவர் நிகழ்ச்சிகளை தொகுத்து வழங்குவதில் இருந்து தள்ளி இருந்தார்.
திருமண வாழ்க்கை
அதன் பிறகு டிடி அவரின் நீண்ட கால நண்பரும் உதவி இயக்குனருமான ஸ்ரீகாந்த் ரவிச்சந்திரன் என்பவரை திருமணம் செய்து கொண்டார். ஆனால் இவர்கள் நீண்ட நாட்கள் ஒன்றாக வாழவில்லை. கடந்த 2017ல் இருவரும் சட்டப்படி விவாகரத்து பெற்றனர்.
மேலும் டிடிக்கு முடக்கு வாதம் எனும் நோயும் உள்ளது. அவரால் நீண்ட நேரம் நிற்கவும் முடியாமல், நடக்கவும் முடியாமல் மிகவும் சிரமப்பட்டு வந்தார்.
மறுமணம் செய்து கொள்ள போகும் டிடி
தனது முன்னாள் கணவரை பிரிந்த பிறகு டிடி மறுமணம் செய்து கொள்ளவில்லை. அவர் தனியாக வாழ்ந்து வந்த நிலையில் தற்போது டிடியின் திருமணம் குறித்து செய்தி சமூக வலைத்தளங்களில் பரவி வருகிறது. கேரளாவை சேர்ந்த தொழிலதிபர் ஒருவரை இரண்டாவதாக திருமணம் செய்யப் போகிறார் என்ற தகவல் தற்பொழுது பேசப்பட்டு வருகிறது.
தற்போது 45 வயதாகும் திவ்யதர்ஷினிக்கு அவரின் திருமணம் குறித்த செய்திகள் வந்து கொண்டு இருந்தாலும், ஆனால் டிடி இதுவரை அதனைப் பற்றி அதிகாரப்பூர்வமாக எதனையும் கூறவில்லை.
