தமிழ் சினிமாவில் வளர்ந்து வரும் அடுத்த தலைமுறை நடிகர்களில் முக்கியமானவர் நடிகர் மணிகண்டன். மணிகண்டனை பொறுத்தவரை அவர் தனக்கென தனி நடிப்பை கொண்டவராக இருந்து வருகிறார். இதனாலேயே அவரது படங்களுக்கு வரவேற்பு என்பது அதிகரித்து வருகிறது.
ஏற்கனவே மணிகண்டன் நடித்த குட் நைட் திரைப்படம் மக்கள் மத்தியில் எதிர்ப்பார்ப்பை ஏற்படுத்தியிருந்தது. அந்த படம் குடும்பங்கள் கொண்டாடும் படமாக இருந்தது. அந்த படம் மூலம் படத்தின் கதாநாயகிக்கும் நல்ல வரவேற்பு கிடைத்தது.
அதனை தொடர்ந்து அடுத்து மணிகண்டன் நடித்த திரைப்படம் லவ்வர். லவ்வர் திரைப்படத்தில் குட் நைட் திரைப்படத்தில் இருந்து முற்றிலுமாக மாறுபட்ட கதாபாத்திரத்தில் நடித்திருந்தார் மணிகண்டன். அந்த படம் கொஞ்சம் எதிர்மறையான விமர்சனங்களை சந்தித்தாலும் கூட படத்திற்கு கொஞ்சம் வரவேற்பு இருக்கவே செய்தது.
இந்த நிலையில் மீண்டும் குடும்ப ஆடியன்ஸை கவர் செய்யும் வகையில் குடும்பஸ்தன் என்கிற திரைப்படத்தில் நடித்துள்ளார் மணிகண்டன். திருமணமாகாமல் ஜாலியாக இருக்கும் பசங்களுக்கு திருமணம் செய்து வைப்பதன் மூலம் அவர்கள் எவ்வளவு கஷ்டங்களை அனுபவிக்கின்றனர்.
அவர்கள் வாழ்க்கை எவ்வளவு மோசமாகிறது என்பதை காமெடியாக சொல்லும் கதையாக இந்த படத்தின் கதையானது இருக்கிறது. இந்த நிலையில் இந்த படத்தின் ட்ரைலர் சமீபத்தில் வெளியானது.
அந்த ட்ரைலருக்கே நல்ல வரவேற்பு கிடைத்துள்ளது.
