தற்சமயம் தமிழ் சினிமாவில் வளர்ந்து வரும் நடிகர்களில் முக்கியமானவராக பிரதீப் ரங்கநாதன் மாறி இருக்கிறார். பிரதீப் ரங்கநாதன் நடிக்கும் திரைப்படங்கள் எல்லாமே பெரிய வெற்றியை கொடுத்து வருவதால் தயாரிப்பாளர்களும் தொடர்ந்து பிரதீப் ரங்கநாதனை வைத்து திரைப்படம் தயாரிப்பதற்கு முன்னுரிமை கொடுத்து வருகின்றனர்.
அந்த வகையில் பிரதீப் ரங்கநாதனும் பெரிய இயக்குனர்களுக்கு படம் நடித்து கொடுக்காமல் அவரைப் போலவே சினிமாவிற்கு வரும் புதுமுக இயக்குனர்களுக்கு வாய்ப்புகளை வழங்கி வருகிறார்.
இந்த நிலையில் தற்சமயம் வெளியான டிராகன் திரைப்படத்தை தொடர்ந்து அடுத்து இயக்குனர் விக்னேஷ் சிவன் இயக்கத்தில் எல்.ஐ.கே என்கிற திரைப்படத்தில் நடித்து வருகிறார் பிரதீப் ரங்கநாதன்.
இந்த படத்தின் படப்பிடிப்பு வெகு நாட்களாகவே சென்று கொண்டிருக்கிறது ஆனாலும் கூட 50 சதவீத படப்பிடிப்புதான் முடிந்திருக்கிறது. இந்த படம் கொஞ்சம் பெரிய பட்ஜெட் படம் என்று கூறப்படுகிறது. நடிகை நயன்தாராதான் இந்த திரைப்படத்தை தயாரித்து வருகிறார்.
இந்த நிலையில் தற்சமயம் நான்காவதாக ஒரு படத்தில் கமிட் ஆகி இருக்கிறார் பிரதீப் ரங்கநாதன். இந்த திரைப்படத்தை கீர்த்திசுவரன் என்பவர் இயக்குகிறார். இவர் இயக்குனர் சுதா கொங்காராவிடம் உதவி இயக்குனராக பணிபுரிந்தவர் என்று கூறப்படுகிறது.
மேலும் சாய் அபயங்கர் இந்த திரைப்படத்திற்கு இசையமைக்கிறார் எனவே இந்த திரைப்படம் ஒரு புது காம்போவாக இருக்கும் என்று கூறப்படுகிறது ஆனால் விக்னேஷ் சிவன் இயக்கும் எல்.ஐ.கே திரைப்படத்தின் படப்பிடிப்பு முடியாத நிலையில் பிரதீப் ரங்கநாதன் பாதியிலேயே இப்படி செல்வதற்கு காரணம் என்ன என்று பலரும் இது குறித்து கேள்விகளை எழுப்பி வருகின்றனர்.
