தமிழ் தொலைக்காட்சிகளில் இருக்கும் சீரியல் சண்டைகளில் எப்போதுமே முதல் இருப்பது சன் டிவியாகதான் இருக்கும். மற்ற டிவி சேனல்களோடு போட்டி போட்டு தொடர்ந்து நாடகங்களை ஒளிபரப்பி வருகிறது சன் டிவி.
இப்படி சன் டிவியில் பிரபலமாகி வரும் ஒரு தொடர்தான் சிங்க பெண்ணே. ஆரம்பத்தில் இந்த தொடரின் பெயர் சிங்கப்பெண்ணை என்று இருந்தாலும் பிறகு தொடர் போகும் கதைக்கும் சிங்க பெண் என்கிற பெயருக்கும் சம்பந்தமே இல்லாமல் இருக்கிறது.
சிங்கப்பெண்ணாக இருக்க வேண்டிய அந்த பெண் அதிகமாக பயப்படும் பெண்ணாக இருக்கிறார். அவரை எப்படி சிங்கப்பெண் என்று கூறினார்கள் என்று தெரியவில்லை.
தமிழ் சீரியல்:
மேலும் அவர் பெரிய லட்சியங்களை நோக்கி செல்வார் என்று மக்கள் எதிர்பார்த்து பார்த்துக் கொண்டிருக்கும் பொழுது அது ஒரு காதல் கதையாக சென்று கொண்டிருக்கிறது.
ஆனால் இதற்கு நடுவே இந்த நாடகத்தில் படப்பிடிப்பின் போது நிறைய பிரச்சனைகள் நடப்பதாக அதிர்ச்சி தகவல் ஒன்று வெளியாகி உள்ளது. இந்த சீரியல் தொடர்பான நடிகர்கள் பேட்டி கொடுக்கும் பொழுது படப்பிடிப்பு நடக்கும் பொழுது சரியான மரியாதையே கொடுப்பது கிடையாது.
பெண் நடிகைகள் எல்லாம் மிகவும் அவமதிப்பாக நடத்தப்படுகிறார்கள் இஷ்டம் என்றால் நடி இல்லை என்றால் கிளம்பு என்று பேசுகிறார்கள் பட குழுவினர் என்று இந்த சீரியலில் பங்கேற்ற ஜூனியர் ஆர்டிஸ்ட்டுகள் வீடியோவாக வெளியிட்டு இருக்கின்றனர்.
படப்பிடிப்பில் கொடுமை:
இந்த நிலையில் இந்த சீரியல் மீது இது ஒரு பெரிய கலக்கமாக உருவாக்கி இருக்கிறது இந்த நிகழ்வு. நாடகத்திற்கு மட்டும் சிங்கப்பெண் என்று பெயர் வைத்துவிட்டு நாடகத்தில் நடிக்கும் பெண்களுக்கு மரியாதை கொடுக்காமல் இருந்து என்ன புண்ணியம் என்று இது குறித்து ரசிகர்கள் கேள்வி எழுப்பி வருகின்றனர்.
மேலும் திரை துறையிலும் சரி சின்ன திரையிலும் சரி தொடர்ந்து ஜூனியர் ஆர்டிஸ்ட்டுகள் எனப்படும் கடைசி நிலை நடிகர்கள் அவமதிப்புக்கு உள்ளாவது பல வருடங்களாகவே நடந்து வருகிறது. இப்படி இவர்கள் எல்லாம் ஒன்று கூடி சத்தம் போட்டால் மட்டும்தான் இந்த விஷயங்கள் எல்லாம் வெளிவரும் என்கிற நிலை இருக்கிறது.
