தமிழில் வளர்ந்து வரும் கதாநாயகர்களில் முக்கியமானவர் நடிகர் சிவகார்த்திகேயன். நகைச்சுவை நடிகராக அறிமுகமாகி தற்சமயம் ஒரு கமர்ஷியல் கதாநாயகனாக வலம் வந்துக்கொண்டிருக்கிறார் சிவகார்த்திகேயன். மேலும் சிறுவர் சிறுமியர் மத்தியில் மிகவும் பிரபலமான கதாநாயகனாக இவர் இருப்பதால் அவர்களுக்கு தகுந்தாற் போல படங்களை தேர்ந்தெடுக்கிறார்.
இதனால் தனது திரைப்படங்களில் முத்தகாட்சிகள், கவர்ச்சியான காட்சிகள் போன்றவற்றை சிவகார்த்திகேயன் தவிர்த்து வருகிறார். இந்த நிலையில் ஒரு பேட்டியில் அவரிடம் பேசும்பொழுது தமிழ் சினிமாவில் தொடர்ந்து நகைச்சுவை திரைப்படங்களாக நடித்து வருகிறீர்கள்.
திடீரென முழுக்க முழுக்க சீர்யஸான ராட்சஷன், இமைக்கா நொடிகள் போன்ற ஒரு சைக்கோ திரைப்படத்தில் நடிக்க வாய்ப்பு கிடைத்தால் நடிப்பீர்களா? என்ற கேள்வி கேட்கப்பட்டது. அதற்கு சிவகார்த்திகேயன் பதிலளிக்கும்போது “எனக்கு அனைத்து திரைப்படங்களிலும் நடிக்க வேண்டும் என்று ஆசை உண்டு.
ஆனால் சைக்கோ மாதிரியான திரைப்படங்கள் என வரும்போது வெறும் கதையை மட்டும் நம்பி படத்தை தேர்ந்தெடுக்க முடியாது. அந்த இயக்குனர் மீதும் நமக்கு நம்பிக்கை வர வேண்டும். அதை தாண்டி வியாபார ரீதியாக அந்த படம் வரவேற்பை பெறுமா? என்பதும் சந்தேகமே, எனவே அந்த மாதிரியான திரைப்படங்கள் நடிக்க இப்போது வாய்ப்பில்லை என கூறியுள்ளார் சிவகார்த்திகேயன்.
