ஒரு காலத்தில் தமிழ் சினிமாவில் கொடிக்கட்டி பறந்த காமெடி நடிகராக இருந்தவர் நடிகர் கவுண்டமணி. அவரது காமெடிகள் எல்லாம் ஒரு காலத்தில் காமெடி சேனல்களில் ரிப்பீட் மோடில் ஓடி கொண்டிருக்கும். ஆனால் தலைமுறைகள் மாற மாற கவுண்டமணிக்கு இருந்த வாய்ப்புகள் குறைய துவங்கின.
அதற்கு பிறகு கதாநாயகனாக நடிக்க துவங்கினார் கவுண்டமணி, ஆனால் கதாநாயகனாகவும் அவருக்கு எந்த படமும் பெரிதாக வரவேற்பை தரவில்லை. இருந்தாலும் கூட தொடர்ந்து கதாநாயகனாக இவர் நடித்து வருகிறார். இந்த நிலையில் தற்சமயம் இவர் கதாநாயகனாக நடித்து வரும் திரைப்படம் ஒத்த ஓட்டு முத்தையா.
இந்த திரைப்படமும் இதற்கு முன்பு இவர் நடிப்பில் வெளியானது 49 – ஓ திரைப்படம் போலவே அரசியல் திரைப்படமாக இருக்கும் என எதிர்பார்க்கப்படுகிறது.
இந்த நிலையில் ஒத்த ஓட்டு முத்தையா திரைப்படத்தின் பாடல் ஒன்று சமீபத்தில் வெளியானது. அந்த பாடலே பார்ப்பதற்கு எண்டர்டெயின்மெண்டாக இல்லை. மேலும் அது பெரிதாக வரவேற்பையும் பெறவில்லை. பாடல் வெளியாகி 17 மணி நேரம் ஆன பிறகும் கூட 5000 வீவ்களை மட்டுமே பெற்றுள்ளது.
இந்த நிலையில் அதில் கமெண்ட் செய்த ரசிகர்களும் பாடலில் ஆடும் பிந்து என்னும் நடிகையை பாராட்டிதான் கமெண்ட் செய்து வருகின்றனர்.
