Tamil Actor Vijay : சிறுவயது முதலே தமிழ் சினிமாவில் சின்ன சின்ன கதாபாத்திரங்களில் நடித்து வந்தவர் நடிகர் விஜய். அவரை எப்படியாவது கதாநாயகன் ஆக்கிவிட வேண்டும் என்பது அவரது தந்தை எஸ் ஏ சந்திரசேகரின் நீண்ட நாள் ஆசையாக இருந்தது.

ஆனால் எஸ்.ஏ சந்திரசேகர் விஜய்யை வைத்து இயக்கிய திரைப்படங்கள் பெரும்பாலும் வெற்றி அடையவில்லை. இருந்தாலும் அதன் பிறகு விஜய் தொடர்ந்து வேறு இயக்குனர்கள் திரைப்படத்தில் நடித்து கொஞ்சம் கொஞ்சமாக மக்கள் மத்தியில் வரவேற்பை பெற துவங்கினார். ஆரம்பத்தில் மக்களிடம் அதிகம் விமர்சனத்திற்கு உள்ளானாலும் தற்சமயம் சினிமாவில் அதிக சம்பளம் வாங்கும் நடிகர்களில் முக்கியமானவராக விஜய்தான் இருக்கிறார்.

ரஜினி திரைப்படங்களைப் போலவே விஜய்யின் திரைப்படங்களும் அதிகபட்சம் வசூல் சாதனை படைக்கும் திரைப்படங்களாகவே இருக்கின்றன. இந்த நிலையில் விஜய் தற்சமயம் அரசியலுக்கு வரப்போவதாகவும் பேச்சுக்கள் இருக்கின்றன. விஜய் நடித்த சில படங்கள் தோல்வியை கண்டு வந்த பொழுது விஜய்க்கு ஒரு பூஸ்ட்டராக அமைந்த திரைப்படம் குஷி.

எஸ்.ஜே சூர்யாவின் இரண்டாவது திரைப்படமான குஷி திரைப்படம் விஜய்க்கு பெரும் வரவேற்பை பெற்றுக் கொடுத்தது. இத்தனைக்கும் அந்த திரைப்படத்தில் பெரிதாக சண்டை காட்சிகளோ கமர்சியல் சினிமாவிற்கான விஷயங்களோ இருக்காது. வெறும் காதல் கதையை மட்டும் கொண்டு செல்லும் அந்த திரைப்படம் பெரும் வரவேற்பை பெற்றது.

அதன் பிறகு அதே மாதிரியான கதையில் மீண்டும் நடிக்க வேண்டும் என்று விஜய்க்கு ஆசை இருந்தது. பிறகு சில காலங்கள் கழித்து திரும்ப அதே கதையை மறு உருவாக்கம் செய்து விஜய் நடித்த திரைப்படம்தான் சச்சின் அதேபோல காதலை முக்கிய விஷயமாகக் கொண்டு கல்லூரியில் படிக்கும் இருவருக்கிடையே காதலை உருவாக்கி சச்சின் திரைப்படத்தை கொண்டு சென்றிருப்பார்.

ஆனால் குஷி திரைப்படத்தில் உள்ளதை விடவும் சச்சினில் மிகவும் ஜாலியான ஒரு கதாபாத்திரமாக விஜய் இருப்பார். சந்திரமுகி படத்திற்கு போட்டியாக வெளியான பொழுதும் கூட சச்சின் அப்பொழுது வசூல் சாதனை படைத்தது. அந்த அளவிற்கு அது இரண்டாவது முறையும் மக்கள் மத்தியில் இடம் பிடித்தது. அதேபோல தமிழ் சினிமாவில் ஒரே கதைக்களத்தை எடுத்துக்கொண்டு அதில் திரும்பத் திரும்ப நடித்து இரு படங்களையும் வெற்றி படங்களாக கொடுத்தவர் நடிகர் விஜய்தான் என்று கூறப்படுகிறது.