Sai Pallavi on Telugu movie: பிரேமம் திரைப்படம் மூலமாக தென்னிந்திய சினிமாவில் வெகுவாக பிரபலமானவர் நடிகை சாய் பல்லவி. அதன் பிறகு தென்னிந்தியா முழுக்க சாய் பல்லவிக்கு அதிக வாய்ப்புகள் கிடைத்தன.
தமிழிலும் கூட ஒரு சில படங்களில் நடித்தார் சாய் பல்லவி. ஆனால் தெலுங்கு சினிமாவில் அவருக்கு அதிக பட வாய்ப்புகள் கிடைத்தன. சாய் பல்லவி சிறப்பாக நடனமாட கூடியவர். மாரி 2 திரைப்படத்தில் கூட அவர் ஆடிய ரவுடி பேபி பாடல் எந்த அளவிற்கு பிரபலமானது என பலருக்கும் தெரிந்திருக்கும்.
அதே சமயம் கவர்ச்சி காட்டி நடிப்பதில் சாய் பல்லவிக்கு அவ்வளவாக விருப்பம் கிடையாது. அவரது திரைப்படங்களில் அவர் கவர்ச்சியாக நடிப்பதை பார்ப்பது அரிதான விஷயமாகும். ஆனால் தெலுங்கு சினிமாவில் கவர்ச்சிக்கு அதிக முக்கியத்துவம் உண்டு.
சாய் பல்லவி கவர்ச்சி காட்ட மாட்டார் என்பதால் அவரிடம் அதிகமாக நடனத்தை வாங்கி அதை வைத்து சமரசம் செய்துக்கொண்டனர் தெலுங்கு சினிமா துறையினர். இந்த நிலையில் மிடில் க்ளாஸ் ஆம்பள என்கிற திரைப்படத்தில் முதுகை வளைத்து ஒரு நடனத்தை சாய் பல்லவிக்கு வைத்துள்ளனர்.
அந்த நடனம் கொஞ்சம் கடினமான நடனமாகும். பாடலுக்காக அதை ஆடும்போது 20 முறைக்கும் மேல் அதை செய்ததால் சாய் பல்லவிக்கு பயங்கரமான முதுகு வலி வந்ததது. இப்படியெல்லாம் கஷ்டப்பட்டு நடிக்க வேண்டுமா? என அழுதுக்கொண்டேதான் அன்று வீட்டிற்கு வந்தேன் என ஒரு பேட்டியில் கூறியுள்ளார் சாய் பல்லவி.
மலையாள சினிமா மூலமாக அறிமுகமாகி தற்சமயம் தமிழ் தெலுங்கு என தென்னிந்தியா முழுவதும் பிரபலமாக இருந்து வருகிறார் நடிகை சாய் பல்லவி. தொடர்ந்து அவருக்கு தமிழ் சினிமாவில் வாய்ப்புகள் இருந்து வருகின்றன.
இப்போதும் தமிழில் சாய் பல்லவிக்கு அதிக வரவேற்பு இருந்து வருகிறது. அந்த அளவிற்கு கடுமையாக உழைக்க கூடியவர் சாய் பல்லவி. ஆனால் அவரே கண்ணீர் விடுமளவிற்கு வேலை வாங்கிய சம்பவமும் நடந்துள்ளது.
ஷியாம் சிங்கா ராய் என்கிற திரைப்படத்தில் சாய் பல்லவி நடித்து வந்தப்போது தினமும் நடு ராத்திரி வரை அவர் நடிக்க வேண்டி இருந்தது. இந்த நிலையில் பகலிலும் கார்கி என்கிற திரைப்படத்தில் நடித்தார் சாய் பல்லவி.
இதனால் சாய் பல்லவிக்கு ஓய்வே இல்லாமல் போனது. இப்படியே தொடர்ந்து 30 நாட்கள் நடித்த சாய் பல்லவி ஒரு கட்டத்திற்கு மேல் தாங்க முடியாமல் அழத் துவங்கிவிட்டார். அதன் பிறகு விஷயத்தை அறிந்த படக்குழுவினர் அவருக்கு ஓய்வு கொடுத்துள்ளனர்.
சமீபத்தில் லைக்கா நிறுவனம் சந்திரமுகி 2 படத்தை தயாரிக்க போவதாக அறிவித்திருந்தது. இந்த படத்தில் கதாநாயகனாக நடிக்க ராகவா லாரன்ஸ் அவர்களை தேர்வு செய்துள்ளனர்.
மேலும் இந்த படத்திலும் வடிவேலு இருக்கிறார். இந்த படத்தையும் இயக்குனர் வாசு அவர்களே இயக்குகிறார். படத்திற்கான நட்சத்திரங்கள் வரிசையாக தேர்ந்தெடுக்கப்பட்டு வருகிறது.
சமீபத்தில் இந்த படத்தில் நடிகை த்ரிஷாவும், அனுஷ்காவும் நடிக்க இருப்பதாக பேசப்பட்டது. ஆனால் அவர் கதாநாயகி இல்லை என கூறப்படுகிறது. இந்நிலையில் படத்தில் கதாநாயகியாக நடிக்க சாய் பல்லவியிடம் பேச்சு வார்த்தை நடத்தினாராம் இயக்குனர் வாசு.
ki
ஏனெனில் சந்திரமுகி கதாபாத்திரம் ஒரு ஆடல் மங்கை என்பதால் நன்றாக நடனமாடும் திறன் கொண்ட சாய் பல்லவி அதற்கு பொருத்தமாக இருப்பார் என எதிர்ப்பார்க்கப்பட்டிருக்கலாம். ஆனால் சாய் பல்லவி தான் நடிக்க வேண்டும் எனில் கதையில் சில மாற்றங்களை ஏற்படுத்த வேண்டும் என கூறுகிறாராம். இதனால் அவரை கதாநாயகியாக தேர்ந்தெடுப்பது குறித்து யோசனை செய்து வருகிறாராம் பி.வாசு.
Tamil Cinema News Today – Latest Updates, Reviews,Gossips
