Tag Archives: actor soorie

Tamil Cinema News

அண்ணே ஒரு படம் பண்ண போறேன்.. சந்தானம் படத்திற்கு சூரி செய்த உதவி..!

நடிகர் சூரி தற்சமயம் தமிழ் சினிமாவில் மிக முக்கியமான ஒரு பிரபலமாக மாறி இருக்கிறார். இதுவரை காமெடி நடிகராக நடித்து வந்த சூரிக்கு விடுதலை திரைப்படம் ஒரு பெரிய மாற்றமாக அமைந்தது.

விடுதலை திரைப்படத்தில் சூரியின் நடிப்பு அதிக வரவேற்பை பெற்றது அதனை தொடர்ந்து அவருக்கு பட வாய்ப்புகள் கிடைத்தது. தொடர்ந்து அவர் நடித்த திரைப்படங்கள் எல்லாமே வித்தியாசமான கதை களங்களை கொண்டதாக இருந்தது.

அதனால் இப்பொழுது சூரி ஒரு கவனம் பெறும் நடிகராக மாறி இருக்கிறார் தொடர்ந்து படங்களின் கதைகளம் மீது சூரி அதிக கவனம் செலுத்தி வருகிறார்.

இந்த நிலையில் தனது மேலாளருக்கு அவர் செய்த உதவி குறித்து சமீபத்தில் பேசியிருந்தார் சூரி. எனது மேலாளர் என்னிடம் காரியம் ஆக வேண்டும் என்று எப்பொழுதுமே காக்கா பிடித்தது கிடையாது.

ஒருமுறை என்னிடம் வந்து ஒரு திரைப்படம் தயாரிக்கலாம் என்று இருக்கிறேன் அது குறித்து பைனான்சியரிடம் பேசி இருக்கிறேன். அவர்கள் யாராவது ஒரு பெரிய ஆள் கையெழுத்து போட்டால் தான் பணம் தருவேன் என்று கூறுகிறார்கள்.

எனவே நீங்கள் போட முடியுமா என்று என்னிடம் கேட்டார். நானும் சரி போடுகிறேன் என்று கூறினேன். அவர் சந்தனத்தை கதாநாயகனாக வைத்து திரைப்படம் தயாரிக்க போவதாக கூறினார். சந்தானம் நடிப்பில் வந்த பாரிஸ் ஜெயராஜ் திரைப்படம் தான் அது.

நான் ஒரு காமெடி நடிகர் என்னிடம் இன்னொரு காமெடி நடிகனை வைத்து திரைப்படம் தயாரிப்பதற்கு உதவி செய்யுமாறு கேட்டார் எனது மேலாளர். அவரது துணிச்சல் எனக்கு பிடித்திருந்தது எனவே நான் அவருக்கு உதவி செய்தேன் என்று அந்த நிகழ்வை பகிர்ந்து இருக்கிறார் சூரி.

Tamil Cinema News

வாய்ப்பில்லை சூரி.. இனிமே அது நடக்காது.. ஓப்பன் டாக் கொடுத்த வெற்றிமாறன்..

விடுதலை திரைப்படத்திற்கு பிறகு தொடர்ந்து கதாநாயகனாக நிறைய திரைப்படங்களில் நடித்து வருகிறார் சூரி. நிச்சயமாக அவர் நடிக்கும் திரைப்படங்களில் ஒவ்வொரு படத்திலும் ஒவ்வொரு வகையான கதைகளம் அமைந்திருப்பதை பார்க்க முடிகிறது.

கிடைக்கும் கதைகளில் எல்லாம் நடிக்காமல் நல்ல நல்ல கதைகளை தேர்ந்தெடுத்து நடித்த வருகிறார் சூரி. விடுதலை திரைப்படத்தில் நடித்த பொழுது சந்தேகத்துடன் தான் அந்த படத்தில் நடித்தேன் என்று சூரியே ஒரு பேட்டியில் கூறியிருக்கிறார்.

அதில் அவர் கூறும் பொழுது வெற்றிமாறன் என்னிடம் முடிந்த அளவுக்கு நன்றாக இந்த படத்தை பண்ண வேண்டும் என்று கூறினார். நானும் நடித்து கொடுத்தேன். படம் முடிந்த பிறகு வெற்றிமாறன் படத்தை பார்த்துவிட்டு கேரக்டர் ஆர்ட்டிஸ்ட்டாக மிகச் சிறப்பாக நடித்திருக்கிறீர்கள்.

இந்த படத்திற்கு பிறகு உங்களுக்கு காமெடி நடிகராக நடிப்பதற்கு வாய்ப்புகள் வருவது என்பது கடினம் தான் என்று என்னிடம் கூறினார். அதேபோல விடுதலை திரைப்படம் வெளியான பிறகு எனக்கு காமெடியனாக நடிப்பதற்கு வாய்ப்புகளை வரவில்லை தொடர்ந்து கதாநாயகனாக நடிப்பதற்கு மட்டும்தான் கதைகள் வந்து கொண்டுள்ளன என்று கூறியிருக்கிறார் சூரி.

Tamil Cinema News

நான் வளரணும்னு சிவகார்த்திகேயன் நினைக்கலையா? சூரி கொடுத்த பதில்.!

தமிழ் சினிமாவில் வளர்ந்து வரும் நடிகர்களில் முக்கியமானவராக நடிகர் சூரி இருந்து வருகிறார். ஆரம்பத்தில் காமெடி நடிகராக  இருந்து வந்த சூரி வெகு காலங்களுக்கு தொடர்ந்து காமெடி நடிகராகதான் இருந்து வந்தார். இந்த நிலையில் தொடர்ந்து சிவகார்த்திகேயனும் இவரும் சேர்ந்து நடித்த திரைப்படங்களுக்கு நல்ல வரவேற்பு கிடைத்தது.

அதனை தொடர்ந்து நிறைய திரைப்படங்களில் இருவரும் சேர்ந்தே நடித்து வந்தனர். இந்த நிலையில் நடிகர் சூரிக்கு கதாநாயகனாக வாய்ப்பு கிடைத்தது. அதனை தொடர்ந்து வெற்றிமாறன் இயக்கிய விடுதலை திரைப்படத்தில் கதாநாயகனாக நடித்தார் சூரி.

உலக அளவில் விடுதலை திரைப்படத்திற்கு நல்ல வரவேற்பு கிடைத்தது. அதனை தொடர்ந்து அடுத்து சூரி நடித்த திரைப்படம் கொட்டுக்காளி. இந்த திரைப்படத்தை நடிகர் சிவகார்த்திகேயன் தயாரித்தார். அந்த சமயத்தில் ஒரு வதந்தி பரவி வந்தது. அதாவது சிவகார்த்திகேயன் வேண்டும் என்றே கொட்டுக்காளி திரைப்படத்தில் சூரியை நடிக்க வைத்துள்ளார்.

அது ஒரு உலக சினிமா என்பதால் சூரியின் மார்க்கெட்டை அது குறைத்துவிடும் என்று சிவகார்த்திகேயன் இதை செய்துள்ளார் என்று பேச்சுக்கள் இருந்தன. அதற்கு சமீபத்தில் பதில் அளித்த சூரி கூறும்போது என் சினிமா வளர்ச்சியில் கொட்டுக்காளி திரைப்படத்திற்கும் முக்கிய பங்குண்டு.

எல்லோருமே ஒரே மாதிரி திரைப்படங்களை எடுத்தால் கொட்டுக்காளி மாதிரி திரைப்படங்களை யார் எடுப்பது என கேள்வி எழுப்பியுள்ளார் நடிகர் சூரி.

Tamil Cinema News

சூரி விடுதலை படத்துக்காக இழந்தது அதிகம்.. ஓப்பன் டாக் கொடுத்த சிங்கம் புலி.!

தற்சமயம் காமெடி நடிகனாக இருந்து கதாநாயகனாக மாறி இருக்கிறார் நடிகர் சூரி. தொடர்ந்து நடிகர் சூரிக்கு கதாநாயகனாக நிறைய பட வாய்ப்புகள் வந்தாலும் அதில் முக்கியமான கதைகளை மட்டும் தேர்ந்தெடுத்து சூரி நடித்து வருகிறார்.

பெரும்பாலும் முக்கியத்துவம் வாய்ந்த கதைகளை மட்டுமே சூரி தேர்ந்தெடுத்து வருகிறார். அதனால் அவரது திரைப்படங்களுக்கு இப்பொழுது தமிழ் மக்கள் மத்தியில் வரவேற்பு என்பது அதிகரித்து இருக்கிறது. காமெடியனாக தமிழ் சினிமாவில் வரவேற்பை பெறுவதற்கு முன்பிருந்தே தமிழ் சினிமாவில் தொடர்ந்து முயற்சி செய்து வருகிறார் சூரி.

அதற்கு முன்பு நிறைய கஷ்டங்களை அவர் பட்டிருக்கிறார். இந்த நிலையில் இது குறித்து சிங்கம் புலி பேட்டியில் கூறி இருக்கிறார். அதில் அவர் கூறும் பொழுது இயக்குனர் மணிவண்ணனிடம் நான் வேலை பார்த்துக் கொண்டிருந்தபோது எனக்கு சூரியை தெரியும்.

actor soorie

அப்பொழுதெல்லாம் சூரி ஒரு சின்ன வாய்ப்பு கிடைக்காதா என்று காத்துக் கொண்டிருப்பார். விடுதலை திரைப்படத்தில் நடிப்பதற்கு வாய்ப்பு கிடைத்த பொழுது அதில் சூரியின் இழப்பு யாருக்கும் தெரியாது. கிட்டதட்ட ஒன்றரை வருடங்கள் விடுதலை திரைப்படத்திற்காக சூரி நடிக்க வேண்டி இருந்தது அந்த சமயங்களில் அவர் பிரபல காமெடி நடிகராக இருந்ததால் நிறைய திரைப்படங்களில் நடிக்க வாய்ப்பு கிடைத்தது.

அதிகபட்சம் ஒரு திரைப்படத்திற்கு 20 நாட்கள் தான் கால்ஷீட் கொடுப்பார் சூரி அப்படி கணக்கு பார்த்தால் ஒன்றரை வருடத்தில் எத்தனை படங்களுக்கு சம்பளத்தை அவர் இழந்து இருக்கிறார் என்று தெரியும் என்று கூறியிருக்கிறார் சிங்கம் புலி.

Tamil Cinema News

சூரிக்கு ஜோடியாக நடிக்கும் பொன்னியின் செல்வன் நடிகை.. யார் தெரியுமா?.

தமிழ் சினிமாவில் பல காலங்களாக கஷ்டப்பட்டு தற்சமயம் தனக்கென தனி இடத்தை பிடித்திருப்பவர் நடிகர் சூரி. கிட்டத்தட்ட 20 ஆண்டுகளுக்கு மேலாக தமிழ் சினிமாவில் தொடர்ந்து போராடி வந்துள்ளார் நடிகர் சூரி.

ஒரு காமெடி நடிகராக பிரபலமடைய வேண்டும் என்பதுதான் அவர் ஆசையாக இருந்தது. கதாநாயகனாக மாறியது என்பது அவரே எதிர்பார்க்காத ஒன்று என்றுதான் கூற வேண்டும்.

விடுதலை திரைப்படத்தின் மூலமாக மக்கள் மத்தியில் கதாநாயகனாக தன்னை உருவாக்கிக் கொண்டார் சூரி . அதற்கு பிறகு அவர் நடித்த கொட்டுக்காளி கருடன் மாதிரியான திரைப்படங்களும் அவருக்கு நல்ல வரவேற்பை ஏற்படுத்திக் கொடுத்திருக்கின்றன.

இப்பொழுது தமிழ் மக்களை பொறுத்தவரை சூரி நடிக்கும் திரைப்படங்களுக்கு அவர்கள் மத்தியில் ஒரு எதிர்பார்ப்பு என்பது இருந்து கொண்டு தான் இருக்கிறது. அதற்கு தகுந்தார் போல சூரியும் வித்தியாசமான கதைக்களங்களை தேர்ந்தெடுத்து நடித்து வருகிறார்.

சூரியுடன் இணையும் நடிகை:

aishwarya lakshmi

இந்த நிலையில் அடுத்ததாக அவருடைய நடிப்பில் விடுதலை 2 திரைப்படம் திரைக்கு வர இருக்கிறது. விடுதலை 2 திரைப்படத்திற்கு பிறகு இயக்குனர் பிரசாந்த் பாண்டியராஜ் இயக்கத்தில் ஒரு திரைப்படத்தில் நடிக்க இருக்கிறார் சூரி.

விலங்கு என்கிற வெப் தொடரை இயக்கியதன் மூலம் மக்கள் மத்தியில் கவனத்தை பெற்றவர் இயக்குனர் பிரசாந்த் பாண்டியன். இந்த திரைப்படத்தில் சூரிக்கு ஜோடியாக நடிகை ஐஸ்வர்யா லட்சுமி நடிப்பதாக தகவல்கள் வெளியாகி இருக்கின்றன.

பெரிய நடிகைகள் சூரிக்கு ஜோடியாக நடிக்க துவங்கியது மூலம் தற்சமயம் சூரி வளர்ந்து வரும் நடிகராக மாறி இருக்கிறார் என்று தெரிகிறது. ஏனெனில் மார்க்கெட் இருக்கும் நடிகர்களோடு மட்டும்தான் ஐஸ்வர்யா லட்சுமி மாதிரியான பெரிய நடிகர்கள் நடிப்பார்கள். எனவே போகப் போக இன்னும் முக்கிய நடிகைகள் கூட சூரிக்கு ஜோடியாக நடிக்க வாய்ப்புகள் இருக்கின்றன என்று கூறப்படுகிறது.

Tamil Cinema News

நயன் தாராவோட ரொமான்ஸ் படம்..! அப்டேட் கொடுத்த நடிகர் சூரி..!

Actor soorie has been a comedy actor and currently he is a rising actor in Tamil. Most of the films in which he plays the lead are well received. In this situation, he has talked about acting with actress Nayanthara

தமிழ் சினிமாவில் நடிகர்கள் எவ்வளவுக்கு மார்க்கெட் வைத்திருக்கிறார்களோ அதே போல ஒரு மார்க்கெட்டை ஒரு நடிகை வைத்திருக்கிறார் என்றால் அது நயன்தாரா மட்டும்தான்.

பெரும்பாலும் நடிகைகளுக்கு பெரிய மார்க்கெட் என்பது சினிமாவில் இருக்காது. அவர்கள் தொடர்ந்து தங்களை சினிமாவில் தக்க வைத்துக் கொள்ள வேண்டும் என்பதே கடினமான விஷயமாக இருக்கும்.

ஆனால் நயன்தாராவை பொருத்தவரை அவர் தொடர்ந்து தோல்வி படங்கள் கொடுத்தாலும் கூட பெரிய நடிகர்களை போலவே அவருக்கும் வாய்ப்புகள் என்பது வந்து கொண்டுதான் இருக்கிறது. தற்சமயம் கூட அன்னபூரணி திரைப்படத்தின் தோல்விக்கு பிறகு அடுத்து மூக்குத்தி அம்மன் பாகம் இரண்டில் நடிக்கிறார் நயன்தாரா.

வளர்ந்து வரும் நடிகை:

இந்த திரைப்படத்தை சுந்தர் சி இயக்க இருக்கிறார். இந்த நிலையில் நடிகர் கவினுக்கு ஜோடியாகவும் நயன்தாரா ஒரு திரைப்படத்தில் நடிப்பதாக கூறப்படுகிறது. பெரும்பாலும் நடிகர்கள் வயதான பிறகு இளம் நடிகைகளுடன் சேர்ந்து நடித்து தங்களது வயதை குறைத்து காட்டுவார்கள்.

actor soorie

அதே போல நயன்தாராவும் தற்சமயம் அதே ட்ரிக்கை பயன்படுத்துகிறார் அவர் தன்னைவிட குறைந்த வயதுடைய நடிகர்களுடன் சேர்ந்து நடிக்க தொடங்கி இருக்கிறார். இந்த நிலையில் மேடையில் நடிகர் சூரியிடம் ஒரு கேள்வி கேட்கப்பட்டது.

சூரியுடன் வாய்ப்பு:

தமிழில் எந்த ஒரு ரொமான்ஸ் திரைப்படம் நடிப்பதாக இருந்தால் எந்த நடிகையுடன் சேர்ந்து நடிப்பீர்கள் என்று கேட்கப்பட்டது. அதற்கு பதில் அளித்த சூரி உனக்கு எந்த நடிகை பிடிக்கும் என்று அந்த ரசிகரை கேட்டார் அவர் நயன்தாரா என்று கூறினார்.

ஒரு நல்ல கதை அமைந்து நயன்தாராவும் அதற்கு ஓ.கே சொன்னால் கண்டிப்பாக நான் நயன்தாராவுடன் ஒரு ரொமான்ஸ் படம் நடிப்பேன் என்று கூறி இருக்கிறார் சூரி. தற்சமயம் சூரியும் ஒரு வளர்ந்து வரும் நடிகராக இருக்கிறார். அவரது திரைப்படங்களுக்கு அதிக வரவேற்பு இருக்கிறது என்றாலும் கூட காமெடி நடிகருக்கு கதாநாயகியாக நடிக்க நயன்தாரா ஒப்புக் கொள்வாரா? என்பது ஒரு கேள்வியாக இருக்கிறது.

News, Tamil Cinema News

இது ப்ளாக்பஸ்டர் லெவல்!.. வசூலில் சம்பவம் செய்த கருடன் திரைப்படம்..

காமெடி நடிகராக தமிழ் சினிமாவில் வலம் வந்தவர் நடிகர் சூரி. வெண்ணிலா கபடி குழு திரைப்படத்தில் அவரது காமெடி பிரபலமானதை தொடர்ந்து தமிழ் சினிமாவில் தொடர்ந்து நிறைய திரைப்படங்களில் காமெடி நடிகராக வாய்ப்புகளை பெற்றார்.

அதனை தொடர்ந்து அடுத்த கட்டமாக கதாநாயகனாகவும் சினிமாவில் என்ட்ரி ஆனார் நடிகர் சூரி. வெற்றிமாறன் இயக்கிய விடுதலை திரைப்படத்தின் மூலமாக முதன் முதலாக கதாநாயகனாக இவர் அறிமுகமானார்.

ஹீரோவாக வரவேற்பு:

விடுதலை திரைப்படத்திற்கு மக்கள் மத்தியில் நல்ல வரவேற்பு கிடைத்தது அதனை தாண்டி சூரி இப்படி ஒரு அசாத்தியமான நடிப்பு திறமையை கொண்டவர் என்பது அந்த திரைப்படத்தில்தான் தெரிந்தது.

அதனை தொடர்ந்து கொட்டு காளி தற்சமயம் கருடன் ஆகிய திரைப்படங்களில் நடித்திருக்கிறார் சூரி. இந்த நிலையில் கருடன் திரைப்படமும் மக்கள் மத்தியில் பெரும் வரவேற்பை ஏற்படுத்தி இருக்கிறது.

கருடன் திரைப்படம் இதுவரை 30 கோடி வரை வசூல் செய்திருக்கிறது. நடிகர் சூரியின் நடிப்பில் ஒரு திரைப்படம் இந்த அளவிற்கு வசூல் செய்திருப்பது பெரிய விஷயமாகும். ஏனெனில் சமீபத்தில் கவின் நடித்து வெளியான ஸ்டார் திரைப்படம் கூட 30 கோடிகள் வசூல் செய்யவில்லை எனவே இது சூரிக்கு நல்ல வெற்றி படம் என்றுதான் கூற வேண்டும்.

News, Tamil Cinema News

கருடன் படத்தில் நடிக்க சூரி வாங்கிய சம்பளம்!.. ஆத்தாடி இவ்வளவா..

தமிழ் சினிமாவில் காமெடி நடிகராக வந்த நடிகர் சூரி தொடர்ந்து தன்னுடைய முயற்சியால் கதாநாயகனாக வலம் வந்துக்கொண்டுள்ளார். கதாநாயகனாக அவர் நடித்த முதல் படம் விடுதலை. அதற்கு முன்பு சூரியை காமெடி நடிகராக பார்த்து வந்த மக்கள் அவரை உடனே கதாநாயகனாக ஏற்றுக்கொண்டனர்.

விடுதலை படத்தில் சூரி ஏற்றுகொண்ட கதாபாத்திரமே அதற்கு முக்கிய காரணமாக இருந்தது. எடுத்த உடனேயே அதிக சண்டை காட்சிகளை கொண்ட மாஸ் கதாபாத்திரமாக களம் இறங்கியிருந்தால் அது சூரிக்கு கண்டிப்பாக வெற்றியை கொடுத்திருக்காது.

actor-soori

எனவேதான் சூரி கதைகளை தேர்ந்தெடுப்பதில் முக்கியத்துவம் காட்டுகிறார். வெகு நாட்கள் காத்திருந்த பிறகுதான் விடுதலை திரைப்படத்திலேயே அவர் நடித்துள்ளார்.

சூரி வாங்கிய சம்பளம்:

 இந்த நிலையில் அதனை தொடர்ந்து அவருக்கு அதிகமான பட வாய்ப்புகள் வந்த வண்ணம் உள்ளன. இந்த நிலையில் அடுத்து சசிக்குமாருடன் இணைந்து கருடன் என்கிற திரைப்படத்தில் நடித்துள்ளார்.

garudan movie

இந்த திரைப்படத்திலும் இவர்தான் ஹீரோ என கூறப்படுகிறது. கருடன் படத்திற்கு சூரி வாங்கியிருக்கும் சம்பளம் 8 கோடி ரூபாய் என கூறப்படுகிறது. தற்சமயம் தமிழில் வளர்ந்து வரும் நடிகர்களான மணிகண்டனும், கவினும் கூட இன்னமும் அந்த அளவு சம்பளத்தை தொடவில்லை.

ஒரு காலத்தில் சினிமாவிற்கு லைட் பாயாக வேலைக்கு வந்த சூரி 20 வருட போராட்டத்திற்கு பிறகு அதில் சாதித்துள்ளார் என்றே கூறலாம்.

News, Tamil Cinema News

நான் சினிமாவில் வளர்ந்ததற்கு நடராஜன் அண்ணந்தான் காரணம்!.. மனம் திறந்த சூரி.. யார் அந்த நடராஜன் தெரியுமா?

பல ஆண்டுகளாக தமிழ் சினிமாவில் பல துறைகளில் பணிப்புரிந்து நடிகரானவர் நடிகர் சூரி. காதல் மாதிரியான சில படங்களில் துணை கதாபாத்திரங்களில் நடித்திருந்தாலும் கூட அவருக்கு திருப்புமுனையாக அமைந்த திரைப்படம் வெண்ணிலா கபடி குழு.

வெண்ணிலா கபடி குழு திரைப்படத்தின் பரோட்டா காமெடிக்கு பிறகுதான் பரோட்டா சூரி என அனைவராலும் அழைக்கப்பட்டார். அதற்கு பிறகு எக்கச்சக்கமான திரைப்படங்களில் காமெடி நடிகராக நடித்துள்ளார் சூரி. அதற்கு பிறகு அவருக்கு திருப்புமுனையாக அமைந்த திரைப்படம் விடுதலை.

விடுதலை திரைப்படத்தில் யாரும் எதிர்பார்க்காத வண்ணம் சிறப்பாக தனது கதாபாத்திரத்தை நடித்திருந்தார் சூரி. அதற்கு பிறகு தொடர்ந்து தற்சமயம் தமிழ் சினிமாவில் கதாநாயகனாக நடிக்க துவங்கியுள்ளார் சூரி. இந்த நிலையில் ஒரு டிவி நிகழ்ச்சிக்கு சூரி செல்லும்போது அங்கு தனது முதலாளியை கண்டுள்ளார் சூரி.

actor suri

அவரது பழைய முதலாளிதான் லைட்மேன் நடராஜன். அவரை பார்த்ததும் பேசிய சூரி இங்கு பெரிய பெரிய வி.வி.ஐ.பி.களை அழைத்து வந்திருந்தால் கூட இப்படி சந்தோஷப்பட்டிருக்க மாட்டேன். ஆரம்பக்கட்டத்தில் நான் சினிமாவிற்கு வந்தப்போது நடராஜன் அண்ணன் தான் எனக்கு உதவினார்.

நான் சினிமாவை விட்டு விட்டு ஊருக்கே சென்றுவிடலாம் என நினைத்தப்போதெல்லாம் அவர் எனக்கு ஆறுதல் கூறுவார். மேலும் எனக்கு அசிஸ்டெண்ட் வேலையும் கொடுத்து சம்பளமும் கொடுத்தார். என கூறினார் சூரி.

பின்னர் நேர்க்காணல் ஒன்றில் பேசிய லைட்ஸ்மேன் நடராஜன் கூறும்போது சூரி மிகப்பெரிய உழைப்பாளி. 1990களில் என்னிடம் 70 ரூபாய் வேலைக்கு வந்தார் சூரி. டிவி நிகழ்ச்சியில் பேசியப்பிறகு எனக்கு 40 ஆயிரம் ரூபாய்க்கு பொருட்கள் வாங்கி கொடுத்து கையில் 50 ஆயிரம் ரூபாய் பணமும் கொடுத்தார் என மனம் நெகிழ்கிறார் நடராஜன்.

News, Tamil Cinema News

சூரிக்கு மட்டும் தர்றாங்களே!.. 1 கோடியில் இருந்து சம்பளத்தை சட்டென உயர்த்திய கவின்!. விஜய் ஆண்டனியே இதுக்கு தேவலாம் போல!.

தற்சமயம் தமிழ் சினிமாவில் நடிகர்கள் பஞ்சம் என்பது அதிகரித்துக்கொண்டே வருகிறது. தமிழின் டாப் நடிகர்களாக விஜய்யும் அஜித்தும் இருந்து வந்தனர். ஆனால் எதிர்காலத்தில் இவர்கள் இருவருமே சினிமாவில் இருப்பார்களா என்பதே கேள்விக்குறியாக உள்ளது.

விஜய் அரசியலுக்கு சென்றதால் அவர் இனி நடிக்க போவதில்லை என கூறப்படுகிறது. அஜித்தும் கூட தொடர்ந்து படம் நடிப்பது சந்தேகமே என பேச்சுக்கள் இருந்து வருகிறது. இந்த நிலையில் இதை பயன்படுத்திக்கொள்ளும் புது நடிகர்கள் தங்கள் சம்பளத்தை உயர்த்த துவங்கியுள்ளனர்.

விடுதலை படத்தின் வெற்றியை தொடர்ந்து சூரியும் கதாநாயகன் நடிகராகி உள்ளார். கொட்டுக்காளி, ஏழு மலை ஏழு கடல் ஆகிய படங்களில் ஏற்கனவே நடித்து வருகிறார். இந்த இரு படங்களுக்குமே அதிக வரவேற்பு இருக்கும் காரணத்தினால் தற்சமயம் சம்பளத்தை உயர்த்தியுள்ளார் சூரி.

kavin

அதன்படி அவர் 8 கோடி சம்பளமாக கேட்பதாக பேச்சுக்கள் இருக்கின்றன. இந்த நிலையில் டாடா திரைப்படத்தில் 1 கோடி சம்பளம் வாங்கிய கவின் தற்சமயம் சம்பளத்தை உயர்த்தியுள்ளாராம். காமெடி நடிகர் சூரியே 8 கோடி வாங்கும்போது தனக்கு 7 கோடியாவது சம்பளம் வேண்டும் என்கிறாராம் கவின்.

இதனால் தயாரிப்பாளர்கள் எல்லாம் அதிர்ச்சியில் இருக்கின்றனராம். ஏனெனில் நடிகர் விஜய் ஆண்டனியே 5 படங்கள் வரை 2 கோடிதான் சம்பளம் வாங்கி வந்தாராம். இந்த நிலையில் புது நடிகர்கள் இப்படி அதிக சம்பளம் கேட்பது படத்தை தயாரிப்பதில் பிரச்சனைகளை ஏற்படுத்தியுள்ளது.

News, Tamil Cinema News

எண்ணன்னே உங்களை வச்சி நான் படம் பண்ண கூடாதா? மறைமுகமாக நடிகர் சூரிக்கு உதவிய சிவகார்த்திகேயன்!..

Actor Suri : தமிழ் சினிமாவில் ஒரு காலத்தில் காமெடி நடிகராக இருந்தவர் சூரி என கூறும் நிலை இன்னும் கொஞ்ச நாட்களில் ஏற்பட்டு விடும் என்று கூறலாம். அந்த அளவிற்கு தொடர்ந்து உலக சினிமா ரசிகர்களால் போற்றப்படும் அளவிற்கு இருக்கும் திரைக்கதைகளை தேர்ந்தெடுத்து அதில் நடித்து வருகிறார் சூரி.

இவர் நடித்த விடுதலை திரைப்படமே உலக சினிமா ரசிகர்கள் மத்தியில் பெரும் வரவேற்பை பெற்றது. அதனை தொடர்ந்து அவர் நடிக்கும் ஒவ்வொரு திரைப்படமும் மாறுபட்ட கதை அம்சங்களைக் கொண்ட திரைப்படங்களாக இருக்கின்றன. இந்த நிலையில் சூரியின் நடிப்பில் அடுத்து வரும் திரைப்படம் இயக்குனர் பி.எஸ் வினோத் ராஜ் இயக்கத்தில் உருவான கொட்டுக்காளி திரைப்படம் ஆகும்.

விடுதலை திரைப்படம் போலவே முக்கியமான கதைகளத்தை கொண்ட ஒரு திரைப்படம் என்று கூறப்படுகிறது. ஒரு காமெடி நடிகர் நடிப்புக்கு முக்கியத்துவம் கொடுக்கும் கதாபாத்திரங்களை இவ்வளவு தைரியமாக தேர்ந்தெடுத்து நடிப்பது அனைவருக்கும் ஆச்சர்யத்தை கொடுத்திருக்கிறது.

சூரிக்கு வந்த இன்ப அதிர்ச்சி:

இது இல்லாமல் இயக்குனர் ராம் இயக்கத்திலும் ஏழு கடல் ஏழுமலை என்கிற திரைப்படத்தில் நடித்து வருகிறார் சூரி. இந்த மூன்று திரைப்படங்களுமே கவனத்தை பெரும் திரைப்படங்களாக அமைந்திருக்கின்றன. இந்த நிலையில் சூரி நடிக்கும் கொட்டு காளி திரைப்படத்தை தயாரித்தவர் நடிகர் சிவகார்த்திகேயன் என்று தனது பேட்டயில் கூறுகிறார் சூரி.

கொட்டுக்காளி திரைப்படத்தில் நடிப்பதற்கு ஒப்பந்தமான பொழுது அதை சிவகார்த்திகேயன்தான் தயாரிக்கிறார் என்பது எனக்கு தெரியாது. ஒரு முறை சிவகார்த்திகேயன் அலுவலகத்திற்கு சென்றிருந்தபோது படத்தின் தயாரிப்பாளர் வந்திருக்கிறார் அவரை சந்தித்து விடுங்கள் என்று இயக்குனர் என்னிடம் கூறினார்.

சரி என்று நான் சென்றபோது அங்கு சிவகார்த்திகேயன்தான் இருந்தார் நானும் சிவகார்த்திகேயனிடம் வழக்கமாக பேசிவிட்டு எங்கு கொட்டுக் காளி திரைப்படத்தின் தயாரிப்பாளரை காணவில்லையே என தேடிய பொழுது சிவகார்த்திகேயன்தான் அப்போது கூறினார் ”நான்தான் உங்கள் திரைப்படத்தை தயாரிக்கிறேன்” என்று, அது எனக்கு மிகவும் மகிழ்ச்சியாக இருந்தது என்று அந்த தருணத்தை பகிர்ந்து இருக்கிறார் சூரி.

News, Tamil Cinema News

விடுதலை 2 எடுத்து முடிச்சாச்சா இல்லையா!.. ஒரு முடிவுக்கு வாங்கைய்யா… குழப்பத்தில் இருக்கும் நெட்டிசன்கள்!..

Viduthalai 2 : விடுதலை திரைப்படத்தின் வெற்றியை தொடர்ந்து அடுத்து வெற்றிமாறன் இயக்கிய திரைப்படம் விடுதலை 2. விடுதலை திரைப்படம் கிட்டத்தட்ட வீரப்பனை சத்தியமங்கலம் காடுகளில் தேடி பிடிக்க காவல் படை சென்ற பொழுது அங்கிருந்த மக்களுக்கு செய்த அநீதியை அடிப்படையாக கொண்டு எடுக்கப்பட்ட திரைப்படம் ஆகும்.

ஆனால் அதில் கதையில் சில மாற்றங்களை ஏற்படுத்தி வெற்றிமாறன் சில விஷயங்களை செய்திருந்தார். வீரப்பன் குறித்து ஜி5 நிறுவனத்தின் டாக்குமென்டரி வெளியான பொழுதுதான் அதற்கும் விடுதலை திரைப்படத்திற்கும் இடையே உள்ள ஒற்றுமையை மக்களால் கண்டுபிடிக்க முடிந்தது.

இந்த நிலையில் விடுதலை படத்தின் இரண்டாம் பாகம் எடுக்கப்பட்டு விட்டதா என்பது ஒரு கேள்விக்குறியாக இருந்து வந்தது.  படக்குழுவினரை பொறுத்தவரை விடுதலை படத்தின் முதல் பாகம் எடுக்கப்பட்ட போதே இரண்டாம் பாகத்திற்கான காட்சிகளும் எடுக்கப்பட்டதாக கூறப்பட்டிருந்தது.

அதற்கு தகுந்தார் போல தற்சமயம் நடந்த ரோட்டர்டாம் சர்வதேச திரைப்பட விழாவில் விடுதலை படத்தின் இரண்டு பாகங்களும் திரையிடப்பட்டது என்று கூறப்படுகிறது. அதற்கு அவற்றை பார்த்த மக்கள் அனைவரும் வெற்றிமாறனுக்கும் நடிகர் சூரிக்கும் வாழ்த்துக்களை கூறி வந்த புகைப்படம் வெளியானது.

ஆனால் தமிழ் பத்திரிகையாளர்களை பொறுத்தவரை விடுதலை படத்தின் இரண்டாம் பாகத்திற்கான படப்பிடிப்பு இனிமேல்தான் நடக்கப் போகிறது என்பதாக கூறி வருகின்றனர். இதனால் மிகுந்த குழப்பத்தில் இருக்கின்றனர் மக்கள். விடுதலைப் படத்தின் இரண்டாம் பாகம் எடுக்கப்படாமல் இருந்தால் எப்படி அது திரைப்பட விழாவில் திரையிடப்பட்டது.

அப்படி திரையிடப்பட்டு விட்டது என்றால் திரும்பவும் விடுதலை படப்பிடிப்பு எதற்கு நடத்தப்பட வேண்டும் என்கிற கேள்வி எழுந்துள்ளது. இது குறித்து படக் குழுவில் கூறும் பொழுது படத்தில் விடுபட்ட காட்சிகள் திரைப்பட விழாவில் வரவில்லை.

அவற்றை தனியாக படம் பிடித்து திரும்ப படத்தில் சேர்க்க இருக்கிறோம் என்று கூறுகின்றனர் எப்படியும் விடுதலை படத்தின் இரண்டாம் பாகம் இந்த வருடம் வெளியாகி விடும் என்று எதிர்பார்க்கப்படுகிறது.