தளபதி விஜய்யின் ரசிகர்கள் வெகுவாக எதிர்பார்த்து காத்துக்கொண்டிருக்கும் திரைப்படம்தான் தளபதி 67. இன்னும் இந்த படத்திற்கு பெயரே வைக்கவில்லை என்பதால் தளபதி 67 என்றே அழைக்கப்படுகிறது.
ஏற்கனவே விஜய்யை வைத்து மாஸ்டர் என்கிற ஹிட் படத்தை கொடுத்தவர் லேகேஷ் கனகராஜ், மேலும் கமலை வைத்து இவர் இயக்கிய விக்ரம் திரைப்படம் பெரிய ஹிட் கொடுத்தது. இதனால் லோகேஷ் கனகராஜ் திரைப்படங்கள் என்றாலே ரசிகர்கள் மத்தியில் ஒரு ஆவல் ஏற்பட்டு வருகிறது.
எனவே தளபதி 67 க்கும் மக்களிடையே அதிக வரவேற்பு இருந்து வருகிறது. இந்நிலையில் டிசம்பர் மாதத்தின் ஆரம்பத்தில் இந்த படத்தின் பூஜை நடந்தது. இதன் படப்பிடிப்பு வேலைகள் துவங்கிவிட்டதாக கூறப்படுகிறது.
இந்நிலையில் படத்தை பற்றிய ஒரு முக்கிய அப்டேட்டை வெளியிட போவதாக கூறப்படுகிறது. ஆனால் வருகிற பொங்கலுக்கு விஜய் நடித்த வாரிசு திரைப்படம் வெளியாவதால் அதுவரை தளபதி 67 தொடர்பாக எந்த அப்டேட்டும் வராது என கூறப்படுகிறது.
வருகிற பிப்ரவரி மாதம் படத்தின் அப்டேட்டை எதிர்பார்க்கலாம் என கூறப்படுகிறது. இந்த படம் அடுத்த வருடம் தீபாவளியை முன்னிட்டு வெளியாக இருக்கிறது.
